尋晚盤算左好耐, 究竟我應該點樣安排今日嘅行程: 放棄hiking 去幫黃小寶整tire? 去hiking 而捨棄黃小寶? 渣老豆架車然後叫佢幫我渣黃小寶去整(衰女包!)? 結果尋晚最後嘅方案係, 今朝一早起身去幫黃小寶整tire (因為上網check 到Kal Tires 開8am), 然後10am 去到小黎屋企集合. 當然, 我都係比原定時間遲左少少起身, 不過我都係8:45am 就去到Kal Tires 喇.

As expected, 個Sales 哥哥仔問完我"Did you drive on the flat tires?" 之後就話要check 下個tire 係咪仲repairable. 苦候了十幾分鐘, 哥哥仔話NOT REPAIRABLE (i.e. 要換過條新tire 落去)! 簡直有如宣判死刑一樣. x_x" 不過, 感謝神, 佢地check 到依條tire 係我無幾耐之前幫佢地買嘅, 所以就算我要買過條新tire, 都會比番discount. 結果, 原價要成$130 的新tire, 佢地只係收我$65 左右, 好抵!! 因為其實就算條tire 仲repairable, 補一補tire 都可能要成$30. THANKS GOD!! 哥哥仔仲問我換唔換埋舊電池; 本來我都推搪左佢, 因為其實老豆之前都同我提過, 咁我諗住遲D 先搞啦. 但係諗諗下, 擇日不如撞日, 就趁今日順便搞掂埋佢啦! 埋單盛惠$234; 唉, 又破財!! ~_~" 我覺得如果我有乜野想買, 真係應該趁afford 得起的時候好買喇, 如果唔係, 遲早D $$ 又會唔知用左喺邊嘅! 不過都算好啦, 比起我想像中便宜; 其實Kal Tires 都幾好啊! (不過後來爸爸話我唔應該喺果度換電池囉! Eh...)

Hiking... 嘩, 原來The Chief 果真名不虛傳! 怪唔知得之前同親人地講, 每個人嘅反應都係瞪大對眼, "嘩~" 咁嘅樣望住我啦! 唉, 對我依個novice 嚟講, 係咪難度高左少少呢? 開頭果15-20 分鐘左右, 行到想死咁滯, 真係要問下Fitness Consultant 點解會咁? 反而到左後來就好好多, 連本來話想嘔的YSL 婆婆都好OK, 健步如飛! 雖然係辛苦D, 又攀石又過河又要捉住D 樹枝嚟行, 深山太保咁, 但其實真係幾好玩啊! 上山的時候都已經開始擔心條路咁爛咁斜, 一陣都唔知點落山! 果然落山係難過上山架! 對腳要"larm" 好大步, 行到後期對腳勁震囉! 幸好最後都DID IT! Yeah~ ...Sure 唔sure 著Presto Cage 去hiking?? 禮拜六唔駛去補習, 真係FUN 好多!
Hiking 的時候諗, 一直以來渴求嘅野, 天父真係俾左我... 天父要祝福我地, 又有幾難? Thx God.

謝謝DSH 的ride... 雖然就比較"chok" 囉... #_#"

謝謝YSL 的home-made Peanut Butter & Banana Sandwich, 仲有Avocado Sandwich; 你整sandwich 其實都算撚手果隻喎! =)

大家都開始pick up 講野的templates: "係____ 果隻嚟架喎!", "___ 到呢..." That's cool!
睇相 = PTP 到呢? 有幸見到真正的YSL Kid, 哈哈, thanks! 真係唔明點解個眼鏡咁朦都睇到野嘅? =) 睇番以前D 相, 黎南真係好friend 好friend 啊! 教人感動~ Missons #1 & #2... 諗諗佢啊! Hohoho!

我地係復刻版highschool-mates 嚟架嘛, 梗係要*彈* 你啦! 嘩哈哈哈~ 上次果句"你好即刻同我__ 呀!", 真係如願以償喎! 呵呵~ :) 又各自各做自己野, PTP 到呢~ 謝謝分一半的木瓜, 計埋喺White Spot 的Papaya Salad, 今日嘅papaya intake 都算多啦! 唔知有無用呢? (Eh...) Thanks for teaching me how to play "No Frontiers"; 越彈越強啊! 12hrs, not too bad. :)
Points to note:
1. 食物放喺室溫之下係會變壞的.
2. 生果就算唔係連皮食, 都應該洗下先切開佢囉.
... 唉, 怪唔知得成日又肚痛又痾又嘔又盛啦!
Btw, 以後請follow the STANDARD! 哈!

Song of the Day:
"你的背包" ~ 陳奕迅
帶著BBB 的背包去hiking, 污糟晒lu! =)

又忍唔住買ginger molasses cookie... 好啦好啦, 最後一塊, 如果唔係真係會有糖尿病的. 不過, 好在我有買咋, 如果唔係我這坎坷的夜晚就無野食喇...

無同太太們飲茶, 同左Grace & Suzanna 去Kamei; 英文台的lunch time, 不過又OK 喎. 原來Grace 又係番Knight 宣架, 不過係英文部囉! "Oh, my very very very very very good friend goes there too!" 頂自己唔順. -_-" 無啦啦變左Suzanna 請食飯, 欠佢一個人情呢.

老細4:30pm 就走左; 唉... (我都想)

放工渣車番屋企的時候, 初初都已經覺得架車勁"搶呔", 不過都沒有太在意. 直至行Lougheed 去到過左Boundary 的時候, 隔嚟架車裡面個鬼仔特登搞低個窗同我講, "You've got a flat tire!", 我先知道咁大鑊. 幸好前面不遠處就有間Canadian Tire, 但係原來佢地個維修部收5pm 囉! 不過有個technician 都好好人地幫我pump 番條tire, 等我可以頂埋番屋企. 番到屋企, 剛剛好見到老豆出門口, 我先可以咁早番到去教會整Directory. 不過, 一路上老豆不斷恐嚇我, 話因為我drove on the flat tire, 咁樣條tire 會唔要得, 一定要換過條新tire. 聽完之後勁sad! 唔係呀話, 幾個月之前先用左$700 換tires; 而家無啦啦其中一條咁快就玩完?! =( 真係好邪架, 之前渣左咁耐車都無事, 到一換左brand new tires 先嚟踩釘! ~_~" 都話架啦, 我條命呢, 成日想買依樣買果樣又唔捨得買(近期係NDS, 還有幾年都未fix 的藍他卡), 但係呢, 然後無啦啦就會需要用一大筆錢架喇! SAD 爆!!!

仍然thanks God for...
1. 那好心的鬼仔; 耿耿於懷沒有好好向佢道謝.
2. 就像是oasis 的Canadian Tire, 雖是quick fix 卻at least 讓黃小寶可以撐埋落去.
3. catch 到老豆的保姆車.

6pm 番到教會, 暫且放低心事, 埋首整directory. 點知, 之前朱總復述Jessie 話影印完之後會錯晒位, 原來壇野係真架!! =( (又嚟: 加一把勁沒有結果, 或者應該懶惰?) 唉... 結果, 搞左勁耐, 殺左無數棵樹, 用左Titus 無數影印$$, 先叫做對得番D 位, 但就搞到遲左入去團契囉! *oo* 雖然有點沮喪, 不過都無怨言嘅.

團契時間, 初初分小組的時候都仍然係好唔開心, 好擔心. 不過後來大家傾下傾下, 我心情又好番少少. 謝謝Drew 哥哥帶來的歡笑; 又係喎, 原來Blog 讀得衰D 咪"薄lok" 囉? 哈哈, 心邪的我竟然一直都無為意呢! 連公主都識得笑, surprised! 大家又講起那次週會, 我又想起那段情緒高漲的日子; thanks, trueheartedly.

數目字vs 英文字; 嘩, 真係勁果D 嚟架喎! @_@" Btw, 我真係唔知原來你教6 級琴囉; 勁到呢...

謝謝Manday 的ride; 不過你真係應該認真考慮執下架車?

不用氣餒, the best is yet to come. :)

我這叫demanding 嗎? 還是有人太不著緊? 原來你真係會不知不覺間叫人心酸的.

Song of the Day:
"黑仔" ~ 古巨基
或者聽日我會去唔到...
或者聽日我夾硬死都要去, 到頭來又拗柴又中暑又頭痛又盛...
黑仔嘅野, 一不離二, 二不離三, 三不離四...

即係我又唔係話極度聰明果D, 不過聰明enough 知道你尋晚插住handsfree 喺電話度, 一定係差唔到電咁囉. 可惜丫, 知道都無用, 到想打電話去叫你差電的時候, 為時已晚. 同埋記住呢, 依部電話係要開住機嚟差電先會快D 差好架. Anyway, 其實都係我錯, 乖乖地訓覺咪無事囉. Sorry, too YH.

Leanne 遲D 真係會趁Linda 放Mat Leave 的時候去頂替佢個位. 嘩, 原來佢係CMA 嚟架! 真係有眼不識泰山. @_@"

嘩, 靚女姐仔喎!! =)

好在YSL 夠醒目, 提議早D 去食飯(雖然結果都比原定時間遲左), 如果唔係等位等到傻啊! Sushi Garden 確係勁, 上回講到佢已經擴充左舖面架啦, 但係7pm 之後不單只座無虛席, 仲要有大把人排長龍等位! 但係D 侍應就認真麻麻囉, 黑口黑面之餘仲要落錯單, salmon sushi 無端端變左chopped scallop sushi, 搞到小黎食唔到想食的salmon.

如願以償有得shopping 啦? PTP 到呢... 真係唔講得笑, Metro 真係乜人都有! 點解D teenagers 咁似黑社會嘅? 而且D 女仔仲好似做過某種手術添... 得人驚果D 嚟架喎.

有幸喺黃小寶內同你分享Broken Social Scene; 沒有想像中難入耳吧? Joseph 同學& 細心同學同聲同氣喜愛的Zwan, 留給你慢慢欣賞.

Song of the Day:
"Swimmers" ~ Broken Social Scene

其實老細笑起上嚟個樣都looks nice 架! 只不過佢成日都唔笑之嘛! 最唔中意每逢當我同佢講Good Night 的時候, 佢永遠都只係"係咁椅" 無表情地點一點頭, 對眼繼續望住佢部電腦. -_-" 即係好似連基本禮貌都無咁囉! 乜野人嚟架...?! 其實我都係命苦果D 嚟架喎, 唔知點解轉來轉去, 都未真正遇過一個比較好人的manager. Margaret 係好, 但佢始終唔係真係我直屬的manager 囉. 反之, Mr. Ant 啦, 小黎啦, 爛玩王啦etc... 都遇到好好的老細. :p 又講, 我都係想安靜平安度日嗟, 俾條生路我行下好喎.

臨去補習前都係忍唔住買左ginger molasses cookie <- 我估依個term 近期喺我個Blog 出現的次數應該僅次於YSL 囉! 唉, 肥到呢... *oo*

買左個銀包俾螞蟻; 話時話, 佢個現役銀包都已經用左5+ 年喇! 嘩哈, 真係長情果D 嚟架喎~ 原來點睇都係我係花心果個. :p 不過個銀包都係要俾YSL 過一過目先, 如果YSL 覺得唔OK 的話, 就真係講句SORRY lu.

哈, 結果又未開始報稅; 不過都算係咁喇, 拎晒D 資料出嚟sort out. 唉, 讀完Taxation 1 又有乜野用呢? 咪又係繼續procrastinate, 繼續等到last minute 先嚟報稅! 睇嚟我聽晚都照樣會出街玩; 原來個個都係小懶星, 個個都係爛玩王. 報稅依壇, 都係玩完先算.

點會有老師唔見左學生份功課然後叫佢做番交多次架? 真係丫~ 唔緊要, 你實得嘅, 俾心機! (我又好似幫你寫緊Blog 咁喇.)

The Smashing Pumpkins 的精選碟還不及Zwan 的debut 好.

聽收音機知道Oasis 嚟緊會飛埋Vancouver, 平到chi sin 果隻! 剛剛一聽完依個報導, 入到房就收到BBB 的email 講依件事; 尚有少許默契呢~ :)

我仍然可以理解, 我繼續不能認同. 你著7 號, 就不容許別人著10 號嗎? Something comes up and all of a sudden you realize your importance; 這種重要性寧可不要貪.

Song of the Day:
"失樂園" ~ 蔡一傑
結果我共你
仍然逃不過 被圍攻 被捨棄
愛得驚天動地 總算運氣
無論褒貶尊與卑

已經愛定你
流亡情海裡 沒陽光 沒空氣
再多險境絕地 視而不理
任世俗繼續看不起

苦戀註定難 我卻這樣貪
綿綿情話中淡淡的感嘆
喜歡這負擔 看冷酷人間
何年何世 為你共我苦戀驚嘆
為戀愛平反

今日全部人都做左小懶星, Calgary 兩隻, Vancouver 都有兩隻. 又請sick leave, 怪唔知得老細憎我想打擊我? ...不過我起身的時候真係覺得頭痛兼頭暈喎.

雖然無番工而且訓到下午一點, 不過我都唔係話完全偷懶架! 至少我終於乖乖地完成了Titus Directory! Yeah! 雖然無乜特別, 而且個format 同舊年係一樣的; 不過所有野都係從頭做起, 對於未整過directory 的我嚟講, 算係咁架喇. :) 但係都有少少驚影印完出嚟之後, 唔知D 位會唔會走晒樣; 希望OK 啦! 竟然唔駛令你嘔血喎; 不過, 等我開學之後你就知情況有幾嚴重...

幫媽咪拎D 野去俾個婆婆. 我估個婆婆都無諗過無啦啦一個星期二下午會有人去搵佢, 見到佢好開心咁走嚟開門, 心頭一暖.

逼不得已買左個PS2 手掣俾我的古老PS1. 等候你再次光臨; 你唔嚟你就知死. :p

好耐都無上過Ebay 睇野, 今晚心血來潮上左去睇, 發覺D 野都唔係好平, 見到平嘅又唔知信唔信得過. 發覺而家真係無以前讀書的時候咁好心機, 咁afford 得起時間去"喉" 住D cheap deals.

其實你身邊已經有好多天使了. ~_~" 謝謝你的reminder, 連我自己都唔為意原來時間又到添! 似乎你比我更了解自己? Wow...

Song of the Day:
"朋友二號" ~ 鄧健泓

CANUCKS WON~~~ Wow, that's cool.

又係勁眼訓的一日. 每逢朝早渣車番工的時候有釣魚跡象, 就知道果日都係凶多吉少. 渣車的路上再打電話去FIDO, 諗住佢地會轉介我過去"顧客關係部", 然後我就可以肆無忌憚咁去threaten 佢地. 點知果個人唔理我, 反而叫我Apr 30 再打嚟問下到時有無Fido-to-Rogers 嘅option 可以加. Eh... *_*"

今日頭半日都係食甜野: 1/2 muffin, ginger molasses cookie, 紅豆鹼水粽... 依排真係勁addicted to ginger molasses cookie, 所以我塊面亦膨脹了不少. *oo* 唉, 我也不想這樣.

咁唔開心做乜...? You know I care. =( Heart-broken; and you know, I can feel the way you feel.

我可以理解, 但我又不能接受. 誰對誰錯, 該怎麼衡量?

Titus Directory project - looking good; thanks for the prayers (if any).

BBB, you gotta take care of yourself; I'm so worried. Will pray for you. Btw, your dad is really sweet, thanks God!!

倩姨, 咪鬼改乜野名喇, 索性叫"Beauty" 算啦! :D

Sophy is so Q cute! :) "煩到呢..." <- 又抄我. Have a safe & nice trip in HK; we'll miss you.

"小懶星" 依個名真係超可愛. In order to pass "小懶星Audition", 只需要 & 只可以食好多又訓好多. 主人跟屬Singh 的寵物耍花槍耍了一整日.

哈哈, HOR & Viv 真係抵死到呢... 又要CPR 又要morning call, 不如咪鬼去啦, 又俾人串又盛.

How long has it been since the last time we met? I can't even recall... Some memories shouldn't be unfolded; instead, they should just sit at the corner and collect dust.

Song of the Day:
"When You're Gone" ~ Avril Lavigne
前奏有點F.I.R 的影子.
聽得心碎... 失戀的人請勿收聽.

Pringles 薯片, "once you pop, you can't stop" -> 廣告無呃你, 依壇野係真架! 所以我依期興爛面囉! #_#"

繼續好乖有番主日學. 尾二果堂喇, 直至現時為止都只係skipped 左一堂咋! 應該俾個"叻" 自己. 今日何太教我地唱"我的心哪" 的和音, 然後就索性決定5 月第一個禮拜日由我地"第一期領詩員訓練班" 喺崇拜領詩! Sounds interesting~ :)

點解May 姐姐會知道"黃小寶" 依壇野?

同Windy 姐姐食lunch, 很難得的機會; 正如你所講, 睇怕你短期內都唔會過嚟Vancouver 喇! 希望好快可以喺HK 見. 陽光屋, 同Ceci & Samuel 去過一次 - 當年當我re-take Econ 103 的時候.

伯母話, "Cindy 上身?" -_-" 好笑在, 伯母淨係見過我一次咁大把咋播. 襯到咁竟然可以唔記得影相! 哎呀~

Thanks for...
1. dropping by; oops, my stinky blanket?
2. the nice tees; 真係好靚啊!! GG 確係勁! esioN 件team tee, 我地都應該可以一萬個放心喇 3. 又再俾機會我幫你打Blog;
4. your prayer; mr. elbow 無事喇播!
5. set 左球靚波俾我打; 你個樣開心到呢!
6. knowing what I wanna say; 文雋?
7. 越南黑幫對話translation.

今晚打得唔好啊! >_<" 輸波的第一局, 我開失左3 球, 剎失左2 球; 淨係咁樣, 25 分裡面已經有1/5 係我嘅錯喇! =( 或者我作為someone 的replacement 真的不太稱職.

I really like to spend time with you. (雖然又係越南粉...) 竟然由你嚟complain 唔夠__, 真係幾好笑喎.

例句一: 你快D 即刻同我執番好D 野呀!
例句二: 你快D 即刻同我做功課呀!
例句三: 你快D 番去即刻同我訓呀! (... Oh?! 嘩嘩嘩!)

嚟緊依幾日死梗喎... 兩大projects: 報稅 & Titus Directory. 唉; procrastination.

Song of the Day:
"愛變了這世界襯衣" ~ 古巨基
Lum 爆. :)