Blah 頌恩 Blah 旋律

FishLamb is Grace Melodified, once again.

很忙碌的一個weekend - 這期待已久的"頌恩旋律" weekend.

星期五:-
放工之後番屋企食左少少野, 就即刻趕番教會練歌.
終於見到唐先生 - have heard so much about him before... 都唔係嘅, 其實我以前番"南堂" 的時候都識得佢, 即係我識佢, 佢唔識我果隻囉.

Full team 練歌, 很熱鬧!

其實果晚真的好panic... 似乎之前我地練歌的方向有少少偏差, 只顧跟CD 的編排去練, 係就係跟得幾足, 但係完全無諗過歌與歌之間的轉接, 又無諗過一首歌裡面又intro 又過門又outro 的時候應該要點樣involve 聽眾.
唐生一嚟到就point out 左好多要改進的地方. 確實是好的提議, 但係喺正式concert 之前的一晚先throw 咁多野出嚟, 大家真的很panic. ~_~"
我想一眾要領詩的bro & sis 都無覺好訓吧, including MA.

繼彭爸爸彭媽媽& 小Sheffy 之後, 我們家又開放給遊客借宿; 今次仲勁, 係開放俾我地唔識嘅GM 人, 真的有點擔心(I mean 擔心我地招呼不周)!
不過Charmaine 同William 都係好人來的, 還算相處得來.
如果有機會叫Charmaine 教我吹flute 就好喇! By the way, 佢個樣真的很古典呢! =)


星期六:-
Panic 了一晚, 第二日又要早起身, 參加10am 的領詩workshop, whereas Dr.Jai 同遊客們出去玩. Ah chur.
Re: workshop, 唐生講嘅野其實幾有point 的. 例如我都有聽過有人投訴現代詩歌好多時講"我, 我, 我", 好似無乜focus on "神" 身上; 但其實詩篇裡面, 詩人都會用詩篇去抒發自己的情緒/ 感受, 那又有何不可?
又有人投訴現代詩歌的內容的神學觀不夠強; 但其實崇拜裡面已經有牧師講道的了, 那為何領詩員要無啦啦背負了講道/ 教主日學的責任?
點都好, 我永遠記得潘傳道's husband 的一句comment: 其實神的胸襟很廣大的, 佢應該不會限制我地唱某類型的詩歌.

Workshop 附設午膳, 嘩, 係日本便當啊! 勁~
之後2pm 又要繼續練歌, 唯有靠Tim HortonS 嚟維持精神.

Thanks God, 下午的練習比起預期中好(given that yesterday night was kinda a mess...), all the broken pieces began to stick together, 感謝Jee!
不過, 嘩, 手指很痛... 好耐都無試過彈結他彈到手指痛喇!!

終於嚟料, 到了真正的concert...
我想我真的進步了: 以前如果intro 要我掃幾個chords 開始, 我都已經會緊張到手震腳震. 到左而家, 就算要吹saxophone solo, 就算成首歌featuring 結他, 就算要企前排唱歌甚至做埋動作, 都可以好淡定(甚至連出錯的時候都好淡定咁扮鎮定!)... 睇怕真的老了.
我自己很enjoy 這個concert & all the songs; 希望嚟到的bro & sis 都有相同的感動.

完場之後, 支saxophone 無啦啦跌低左, 即刻試一試, 真係有個音吹唔到!
但我都仲以為無乜事, 因為之前我都有試過自己fix 番支saxophone, 所以仲好開心咁同大家去食野, 諗住番到屋企可以好快整番好.

食完野番到屋企已經差不多十二點, 很累, 今日很早起身捱左成日, 而聽日又要8:30am 番到教會.
努力了很久, 才直到大鑊了, fix 唔到支saxophone!! @_@"
MA 好好的嘗試幫我忙, 可以越幫越忙... 整到一點幾, 真的頂唔順了, 一定要去訓覺.
很憂心的走去訓覺, 臨訓前叫SSC 幫我祈禱, 但還是很擔心.
最後希望係聽日崇拜拎去St. John Music 可以即刻整得番.
我在盤算, 究竟事情會怎樣發展呢? 神會藉著我手整番好? 還是一訓醒支野就無事? 還是St. John 會幫我整番?
但anyways, 崇拜還是吹唔到saxophone 的了, 要叫Alfred 變陣先得.


星期日:-
一早起身, 幸好有Charmaine 幫我一齊煮早餐, 事半功倍. :)
其實我成朝都很模糊... 很累, 又唔夠訓, 又擔心我支saxophone, 又很自責cuz I broke it... 總之就好唔集中.

番到教會, 第一件事話俾Alfred 知今日崇拜唔可以吹"傳頌你", 所以我改為彈結他.
Oh man... that's the WORST 崇拜that I helped out in.
除了上述的原因, 老實說也因為練習不足 - 之前我地devoted most time on practising on the Praise & Worship songs, 崇拜嘅歌只係練左一次, 我自己又懶, 無喺屋企練過. =(
就連明明是featuring guitar 的"盡意傾心", 我都唔記得左要練(連CD 版本都無聽過 - 原來是JoJo 唱的!), 結果頻頻彈錯, 辛苦了Alan, 又搞到唱和音的Sis 完全入唔到, 因為我彈錯左個bridge... =(
到要唱"渴慕你" 又係死... 似乎我真的無天份唱和音, 之前自己喺WSB 度練左2000 幾次, 到頭來都仍然係唱唔到. =((

...其實我覺得最重要係自己的心態 - 尋晚自信& 情緒都高漲, 好似所有野都份外得心應手.
今日自信心一開始已經跌到最低, 無論唱無論彈, 都係死下死下無乜自信咁去做, 結果真的事倍功半. 唉.
想是尋晚大概我心裡面真的有一點點囂張, 所以天父要改造我...?
好辛苦"捱" 完早午堂, 自覺真的是一團糟(其實其他人都OK, 係我真的十分差勁).

崇拜完左之後, 即刻同MA "chur" 去St. John Music - last resort, 希望佢地有technician 在, 可以幫我fix 到支saxophone.
當然, 世事邊有咁完美... 剛剛好每逢星期日果個technician 係放假的, 無望, 頹... =(
Well, the good thing to know is that, 我當初租支saxophone 的時候, 諗住反正都係出公數, 所以就買埋個$4 的保險, which 我平時一定唔會買的. 所以呢, 就算我真係整壞左支野, 我都唔駛俾repair 嘅錢. 當然這並未解決我的燃眉之急, 但都叫做good to know 囉.

經Alfred 的鼓勵下, 的起心肝用下午練歌之前的時間, 嘗試去執下我要吹嘅野, 睇下可唔可以避開唔吹果個吹唔到嘅音.
因為我真係吹得唔叻, 所以尋晚到今日一直都無諗過依個會係其中一個option. 結果, 左執右執, 又真係執到喎, 當然比起原本果段就無咁好聽啦.
哈, 又再次見到神的大能& 奇妙 - certainly God doesn't need to use any of my fixes to get the situation fixed! I bo like, WOW!!

順利完成第二晚的concert, 感謝Jee!
...似乎反應真的不如我們主場版熱烈, 不過, 真的不要緊.
又可能因為老了, 那種"重要event 後之失落感" 似乎已不及以往強烈
掃了一大堆CD, 有不少是免費的, 哈哈! XD

慶功宴@ Denny's; folks, I'll miss all of you!!
尤其是主唱"不要緊" 的Vivi - 我估佢係唯一一個"上臺後會變聲" 變得仲耍家過MA 的人!! *笑死*


總結:-
第一次參與一個"branded group", 從開始到結束都覺得自己無論唱無論彈都唔夠班.
但有幸參與整個過程, 對我來說真是一個blessing.
而且依次真係stretch 我的limit stretch 得好緊要 - 咁多年來還是頭一次嘗試吹saxophone 吹improvise 嘅野, 從來無想像過我可以. And not even to mention I got to play soprano saxophone, which is tons of fun! :D

Appreciated 大家的努力, 尤其是很佩服一眾singers 竟然可以背晒所有歌詞! 仲有Alan 結他佬可以背晒所有solo! *WOW*
...You guys are awesome ah... 很talented 卻又很nice 的team.

GM 內的魚, 想起ACM 內的豆 - 怎麼我們不能同臺彈唱啊? Not fair... =/

I thank God for everything - for the tiring but graceful weekend!!

Song of the Day:
"神馳天地" ~ 頌恩旋律