可能因為尋晚Jessie 講極都唔信我喺HK 讀完F.5 先過嚟, 搞到我發夢都係夢見喺HK 讀書嘅野. 一如平時發夢的內容, 9 唔搭10 兼無俚頭, 夢境中的我時而在協恩, 時而在基華, 仲見到我小一的班主任余老師(touch wood?!), 好不熱鬧. 話說回來, 唉, Jessie 話我唔似讀完F.5 先過嚟= 話我LEUNG 啦! *sob*

終於有機會去Clarke Rd 頂的韓國餐廳試下佢地嘅$4.99 Lunch Special. 嘩, 又抵食又好食! 配菜有6 種咁多, 碟頭都唔細, 連"豬骨湯" 都係special 的其中一款, 好味道!

寫意及懶洋洋的星期六下午, 其實有很多很多很多事情擱著要處理(報稅, 研究CGA 寄來的package, 執房, 練結他, 練saxophone etc...), 不過總沒有心情去做, I'm such a pig *oo*

七點幾就訓左, 係咪有D 誇?

Song of the Day:
"花見" ~ hocc

"米穿窿" 生日快樂!! 不過已經遲左HK 一日lu...

果然不出我所料, 前幾日我成日唔知醒就係我個電話鬧鐘累事! 之前我已經諗緊究竟係佢響過但係俾我拍熄左, 還是佢根本無響過呢? 雖則本人爛訓非常, 但每次拍熄鬧鐘我都應該有記憶嘅. 尋晚臨訓將個響鬧function 轉左另一個profile, 今日終於有聲出喇! 而我, 就梗係唔駛再趕住趕住出門口, 仲可以有時間gel 頭& 去Tim HortonS 買早餐添! Yeah!

今朝何活權又播側田嘅歌, 查實佢係咪同Chet Lam 一樣好欣賞側田咁靚仔呢? 很斷背...

今日惡死SPV 提早放lunch, 佢一離開左office 之後, Kyla 即刻走去同Mary 傾計, 傾完之後Mary 又喺度講電話, 超搞笑囉! 大家明顯地趁SPV 不在就勁relaxed 咁; 唉, 平時實在太stressed out 嗎?

賺完OT pay 再無啦啦有一日有薪假, could something like that ever happen?! What a "well"!!

有幸同梁昌喺車箱內食飯; 有幸俾梁昌見下"昌媽"; 有幸同梁昌去"Death by Chocolate" 食dessert 飲coffee. 可惜我不太入mood :p. My pleasure, still.

謝謝Jodie & 朱總情侶檔帶領的團契program, 我已經很久沒有對耶穌基督的死這樣感動過.

We argued. And I'm glad that I've learnt to confront.

Bible Passage of the Day:
以賽亞書 53 章

Song of the Day:
"尼古丁" ~ 陳冠希
依隻碟真係越聽越好聽, 不枉佢榮登我舊年番HK 嘅To Buy list.

哈哈, 今朝再次勁遲起身, getting worse day after day! 今朝連gel 頭的時間都無, 全日披頭散髮勁樣衰, 金毛獅王.

今日番工初初唔係太順利 - 之前用左好多時間搵依個搵果個幫我set up 嘅T Drive, worked 左兩日之後今日又突然間唔work, 搞左半朝之後竟然係由我自己搞番掂, 都算叻女. 全日嚟講自己嘅表現都唔錯, 無釣魚之外仲摸熟左個system 好多! 喺度都要多謝下"昌媽" 教左我D 野嘅! 不過有一部份都係靠我自己摸索出嚟啦! 我其實好enjoy 摸索的過程, 自己去學識一D 野而又能夠solve 到problems, 好大滿足感. 然後, 我突然間諗我係咪應該做同電腦/ programming 有關的工作呢? Anyway, 發夢仍然未有咁早... 今日killed 左幾疊積壓左好耐嘅野, 好開心, 但其實又有D 怕我做嘅方法錯囉! God, help me please.

12 點幾去lunch room 斟水飲, 見到JoJo 同"昌媽" 傾得勁開心, 情況就似我未領教"昌媽" 真面目之前一樣. 唉, JoJo, 唔好咁天真, 假架!

今日終於記得帶飯盒喇! 由於A/R 唔准D 人喺自己個位食飯, 我唯有去左Shirley 個位度同佢一齊食. 第一次正正式式望下Michelle (前SPV) 以前個位同我以前個位, 人去樓空的感覺. 對人事調動變化不大的A/P 來說, 這變動可真大呢! 真可惜浪費了兩個很"正" 的窗口位.

是時候考慮investments 嗎? (算把啦!)

放工之後要去"車城" 整我架stupid car 嘅stupid lights (THREE of them!! Gee...), 臨去之前懶有心咁去"美琪餅店" 打算買D 餅過去. 嘩, "美琪" 果度個sales & cashier 婆婆(可能仲係老闆娘添!) 嘅促銷手段認真厲害! 佢勁向我推銷D 蛋撻, 我都未決定話要, 佢就已經拎左個盒出嚟準備pack 俾我喇! -_-" 有點恐怖, 有D 似舊年喺女人街昆我買牛仔褲果個阿婆. 仲搞笑係佢無啦啦叫我買個雜果蛋糕囉! What the...? 然後又無啦啦話我係熟客仔所以收平D, whereas this is actually the very first time of my visit! *流汗* 最後佢都得逞啦, 我總共買左一打蛋撻& 一盒(8 件) fruit tarts. 佩服得5 體投地. 去"車城" 的路上遇上蠻不講理的阿太bad driver, 自己亂咁嚟仲"bood" 我, 痴痴地. 依期我遇見嘅阿太都唔太討好.

花了Caleb 叔叔很多時間去fix 果幾盞蠢丙燈, 很過意不去.

收到CGA 的回音啦! 乜鬼"Block Transfer" 丫! 咪又係每個course 都要C+ 先計!!! 車!! 之前又話如果個degree 嘅average 有C+ 就得?! 呃鬼啦! 晒心機! 唉, 而家我總共仲有n^n 咁多科要讀啊! 30 歲前都唔會讀得完啦! 夢難完. 老實說, 有被騙的感覺. 丁頁.

Bad News of the Day:
著唔落其中一條舊牛仔; 我肥了, 很多.

Song of the Day:
"唔知為乜" ~ 陳冠希 featuring Eric Kwok & Grace Ip
臨尾果段有D 軟硬feel.

越來越遲起身, touch wood 講句我真係好怕有一天唔知醒, I'll be DEAD then.

今朝喺car park, 泊好車之後見到有個人行行下停左喺我附近, 然後無再繼續行, 仲望住我添! 勁驚(雖然自覺應該唔會遇上甚麼危險)! 初初我打算繼續留喺架車度睇定D 先走, 但係等左一陣佢都仲繼續望過嚟, 而我又差唔多遲到, 唯有硬著頭皮落車. 原來佢係繼尋日嘅"單車佬" 之後的另一位好心人, 特登想同我講我D brake 燈壞晒, 等我仲錯怪好人呢! 唉, 都唔知點解D 燈會無啦啦壞晒, my crappy car!

番工, 繼續無無聊聊咁. 我真係好想好想好快好快學識晒D 野, 將個McKesson system 運用得出神入化, 然後極速清理晒檯面上所有積壓住嘅野! 嘩哈哈! 指日可待...?! 講真, 果D paper piles, 根本可以好快就清理晒, 不過我無受過專人兼有系統嘅訓練之嘛! *SAD* 無力感... Alfred 臨放工前又嚟同我傾計, 仲問我有無釣魚; 我對你唔住, 我有啊! 我會早訓, 我會努力, 我會不負人所托.

同Shirley, Annie & May 姐("食飯4 人幫") 去左"少林麵莊" 食lunch, 又貴又細碟, 唔抵. 仲超級油膩添! :p

今日渣車見到有幾個地方都有好靚好靚的櫻花, 可惜我的相機正在差電中, 影唔到相. Folks, think about it, 若不是神的創造, 難道從石頭可以爆出櫻花來嗎?

從補習社回家的途中, 看見紫紅色的落霞.

Irena (又名"王賭毒") forwarded 過嚟的emailS 當中有一封名為"明天和意外哪一個先到?"; woo, that's so true. 王賭毒& Me @去年3 月:

Song of the Day:
"如若沒有神" ~ 詩歌

4 月4 日兒(河) 童節; Kester 生日快樂!

又唔夠訓, 又遲起身, 又趕頭趕命, 又唔記得帶飯盒. 你見點啊彭盈姿同學?!

今朝聽到一則香港新聞, 話有大概幾百個男仔上網被騙, 每人俾人呃左幾千蚊去報結他班, 最後無左回事果隻. 個"騙子" 係佢地上網結交嘅一個女仔! 個警察發言人話估計涉及款項差不多成一百萬港幣呢! 嘩哈, 幾勁! 好笑在, 個發言人跟住話, "所以呢, 男仔上網要小心, 小心D 識人..." Doesn't that sound like a piece of advice for GIRLS?? 個世界真係越來越混亂...

今朝D 時間過得勁慢, 每次望鐘都只係十點幾or 十一點幾果D 位. 尋晚實在太夜訓喇, 結果今朝狂釣魚, 而每次我狂釣魚的時候又一定會狂食野! 唉, 勁討厭自己! 仲要係狂食朱古力囉! 唔肥果樣都唔食, 唔係好掂! 話時話, 我都幾中意食依隻Cadbury 嘅mini 復活蛋朱古力, 不過佢個糖衣搞到我個上顎有D 痛. 我記得以前每逢復活節果期去買地鐵儲值票就會送一包依隻朱古力呢!

Lunch @ Tim HortonS *AGAIN*, 食完野仲伏喺檯面訓左一陣呢! 感覺很滿足.

由於今晚要客串打co-ed league, 所以我又再有機會造訪Main 街的coffee shop. 今日無再去JJ Bean, 而係去左"Bean Around the World"; 很欣賞佢依個有double-meaning 的名字. 環境OK, 都有D 型人睇下, 不過D coffee 就麻麻地, 無JJ Bean 果D 咁香. 其實我幾享受百無聊賴的在coffee shop 坐著, 不過今日突然覺得比較寂寞. 我一向都唔介意一個人行街買野, 一個人坐低飲野; 但係今日突然寂寞來襲, 心想如果有個friend 陪我一齊喺coffee shop 坐, 一齊去食件cheesecake 就好喇! 但對方又要同我一樣咁enjoy 先得播! 在我的朋友當中, 很難尋吧... 所以 我想同彭盈姿夾band, 想同彭盈姿做朋友, 甚至想同彭盈姿拍拖. 有點變態, 又開始精神分裂了?

看來我返HYS 教書的心願一世也完不了... 我的另一個心願是開一間小小的coffee shop; as long as I live, I guess I can still keep this hope in my heart.

一同來欣賞很美的櫻花:

今晚打co-ed 出乎意料之外地好玩, 不過同D 男仔真係比較難夾-_-". 可能之前打Gals League 打起左自己嘅信心, 今晚無論開波同剎波都較以前更得心應手. 很難相信我*FINALLY* 真的有進步了! 感動... Oh right, *THANKS* Sheffield for the great set, 雖不是nice finish of the game, 也總算是nice finish of my 客串:). 繼續加油, I know you're gonna miss me & my "Side out!!". It's so fun playing with you & teasing you, haha!

Song of the Day:
"浪漫風暴" ~ 王靖雯

一早番到公司, 都未訓醒就收到另外一個patient 的電話, 擾嚷左好耐我都唔知我應該點去handle. 走去問Del, 佢又問我識唔識依樣識唔識果樣 - 依D procedural & system related 嘅野, 無人教過我梗係唔識啦! 勁無助& 無奈囉! 結果我成朝就喺一片無力感當中渡過. I hate this feeling, I hate this stupid job.

謝謝梁昌同我去左一間我otherwise 永遠都唔會去嘅壽司店; 唔錯播! Thanks for coming to cheer me up, though you are a bit noisy, hahaha!

下晝都幾容易過, IS Dept 嘅Alexander 過左嚟幫我整電腦, 一整就整左差不多半個鐘. 之前同佢講電話我一路都以為佢係中東人呢! 點知原來係Caucasian... 我估係歐洲人掛, D R 音捲到咁. 佢都算OK nice 啦(之前通電話的時候成日覺得佢好mean), 好在最後都map 到個T Drive, 如果唔係累佢白行一趟我會過意唔去的.

為補習捨棄了排波. 下個禮拜會為阿Mon 而捨棄排波... 究竟會點呢?

Song of the Day:
"危險期" ~ 湯寶如
我以前未戴眼鏡的時候, 我阿哥成日話我似佢的.

遲左起身(AGAIN!!)... Tim HortonS 定主日學, Tim HortonS 定主日學, Tim HortonS 定主日學... 最後都揀左主日學; 好孩子. 見到大細公主面上都有笑容, 好開心; gals, be strong.

下晝又練歌, for the upcoming "中英聯合復活節崇拜". 每次要喺中英聯合崇拜裡面彈結他我都會好驚好nervous, 因為英文果邊實在太多結他高手, 自覺在他們面前班門弄斧. 唉. 今次又有一首strum 到抽筋的歌, 苦惱! 唔通我真係要舉啞鈴練下前臂嘅力? 其實都好嘅, 有挑戰先至有進步. 提起"中英聯合復活節崇拜", 記得有一年Ivan 喺依個時間跟ACM 過嚟, 果朝我地仲去左Burger King 食早餐呢! 唔... 另外一年係Jenny Chu 嗎?

7 - 9pm 訓左兩個鐘"晚覺", 勁開心. 今日全日都係睡眠狀態, 連練歌的時候都差D 訓著, 衰.

咦? 今日無飲過咖啡呢!

夏令時間喇! 跟HK 的時差: HK Time minus 3hrs, then 晝夜顛倒.

Song of the Day:
"不再兒戲" ~ 王菲
CY Kong 的作品, 初中的回憶.