As on 人山人海homepage:
Hot News!「變變變」at17演唱會6 場門票全部售完!!多謝大家不變支持, 由「人山人海」主辦,「變變變」at17 演唱會6 場門票已經全部售完!!
都話佢地係勁野嚟架啦! 開始左賣"飛"唔夠幾日就已經賣晒! 仲猶疑緊而最後買唔到"飛"嘅朋友們, 我有D 替你地感到悲哀. 佢地又真係好犀利, 一開就開6 場演唱會, 仲要爆滿! 勁! 不過希望佢地唔好沾沾自喜啦! 唔知我會唔會好快因為有太多人中意佢地, 而開始無咁中意佢地呢? 我愛歌手, 不愛明星.

頹廢的星期六, 仲有D 頭痛添! 因為訓得太多?

聽日可能又要同我果位唔係咁熟的朋友見個面, 食餐飯. 今晚突然諗起先開始有D 擔心. 其實我一向都好怕同D 唔係真係好熟嘅朋友出去, 因為我好怕有dead air, 好尷尬. 唉, 算啦, 都無得擔心咁多, 隨遇而安.

Song of the Day:
"一米七四" ~ 恭碩良
Ellen 的偶像, 的確好厲害, 作編彈打(鼓)唱一腳踢. 咁有料嘅人又係唔應該無左影.
睇下Ellen 點寫佢:
http://www.peoplemountainpeoplesea.com/at17/notebook_ellen.htm
(scroll to the very bottom)

成晚都好"躁", 唔知點解我嘅忍耐無啦啦到左極點. 真係想快D 升團, 雖然未必會好過而家, 但而家嘅情況都已經到達無可救藥嘅地步. 7 點半開始團契, 有人竟然可以8:15pm & 8:30pm 先施施然走入嚟, 唔通佢地比賽緊鬥遲? Oh, 今晚係"高人"組贏左呢! 我估佢地個記錄都好難會有人破到. 我覺得大家連點樣為之尊重人都未知; 哈, 大學生?! 真係要rap 番詹瑞文喺AV 裡面段野俾佢地聽先得. 大家笑嘅時候, 其實知唔知自己係俾人話緊?! 小妹妹又係激死我; eh, 基本上, 係無人需要attend to 你嘅脾氣嘅囉! 究竟大家幾時先會長大, 幾時先會顧及別人嘅感受, 幾時先會幫人地分擔下? 完左團契要好煩咁arrange rides, 有D 人就永遠都"不問世事", 沉醉於自己的小圈子世界繼續傾計, 繼續玩樂. 團契喺long weekend 有活動, 真係咁誠實舉手話已經有節目, 唔去. 講真, 我都佩服得五體投地. 的確好pissed.

今日整日屋企嘅phone line 都down 左, 希望快D 搞番掂. 唉, 煩到死(Aaron 語氣).

收到Diamond Parking 嘅notice, 話出年一月開始, monthly parking pass 加到$115/mo. 哈, 真係好過去搶. 我加人工加左1% 都無, 加價就加10%?! 我邊度搵咁多錢啊? 有病! 食人唔lur 骨! 算啦, 反正我份contract 年尾完, 加飽佢囉無良奸商! 我唔係好似D 人, 加人工加25% 架! 仲唔駛俾百幾蚊parking 錢添!

真係好meng, 救我.

Song of the Day:
"小飛俠" ~ 楊千嬅, 蔡德才
One of my all-time favourite. 我都係中意D 唱到中段好激昂嘅歌.

今日嘅surprise 係竟然一早收到阿Mon 的email, 佢話佢依個禮拜日又會飛過嚟 Vancouver. 真係有D 感到意外, 我成日以為就算佢再飛過嚟都唔會話我知, 甚至有時會諗其實佢係咪已經再飛左嚟又飛走左. 點都好, 真係估唔到佢會特登通知我囉(仲要係email 我番工個email account, 我都唔記得我有無俾過依個address 佢?)! 有時候, 有時候, 我覺得佢比倩姨更難觸摸. 今次, 我會好好處理的. 可能, 無expectation 先會更好. The Best Is Yet To Come, 何懼之有?

今日又勁食勁食, 食足5 餐咁滯. 冬天, 正如Miss 話齋, 真係無望可以減肥. Bear with me, 今日又凍又豪雨又大風, 點可以唔食飽呢?

安慰嘅說話就不必喇, 反正都係無補於事, 唯恐天下不亂果種. 仲有, 可唔可以唔好再嘗試搭上搭, 真係唔係太熟囉.

我又發媽咪脾氣. 但係佢又真係80% 以上嘅時間都比較無理, 我可以點& 你想我點?

Song of the Day:
"星星" ~ 魚羊home mix Cover Ver.
收錄於LukZi LinZi 大匯演vol.1 MD 裡面,
其實裡面有好多歌我而家一定唔會彈得番架喇!
真係幾佩服自己當年的心機.
過去總有太多好時光.

懶左兩日, 今日都應該係時候寫下野. 其實都唔係話有乜特別野一定要寫, 咪又係塞車, 番工, 塞車, 放工, 塞車, 番工, 塞車, 放工... 係咪應該要再做多D 野呢?

今朝Manager 終於approached 我, 問我個contract 係唔係十一月尾完. Eh, 唔好意思, 其實應該係聽日(Nov 3) 完嘅囉! =_=" 算啦, 我都知我個stupid department 永遠都係七國咁亂, 邊有人真係會理我做到幾時丫. Anyway, the news is, 我會at least 做到今年年尾囉! 無錯, 係無形容詞的"the news", 因為我都唔知依個算係good news 定bad news. 點都好啦, it's good enough for the time being, 但其實又再一次提醒我應該要"的"起心肝搵工. 我都唔知點解我又懶又無上進心. :p

Lunch time 四圍行嘅時候竟然見到我之前喺Granville Island 見過嘅果隻黑色羊咩狗(雖然其實未必真係同一隻), 真係好搞笑, 令我諗起At 17 的"黑羊". 二汶話最唔中意依首歌, 因為太似兒歌.

今日又聽At 17 x Twins 拉闊音樂會, 驚覺At 17 對音樂真係好出心出力. 果個"只不過"係拉闊咋播, 唔係真係佢地自己嘅concert, 但你會知道佢地都擺左好多心機落去, 尤其是佢地唱左好多人地嘅歌, 要練彈結他練唱主音再練埋和音, 你知道唔係容易囉. Miss 話F.I.R. 喺拉闊裡面都只係唱左一兩首人地嘅歌, 咁比較起上嚟, At 17 真係出心好多囉! 所以, 我嘅結論係, 喺香港而又唔去睇At 17 嚟緊嘅演唱會嘅人, 真係抵打兼走寶. Trust me, you'll love them.

放工時落雨落到倒水咁, 塞車塞到癲. 有無一份近D 屋企嘅工? 不過仍然感謝神我可以平安番到屋企.

又到period end, 嚟緊幾日又做到死.

Song of the Day:
"不知所謂" ~ Eason Chan
"The Easy Ride" 大碟內的尾track. 一向都唔係依隻碟裡面我最中意嘅歌, 不過今日聽到嘅時候, 首歌令我諗起我果個永遠講野講唔停的人肉收音機朋友. (絕無任何貶意成分)

忙. 不過過埋今日終於可以抖一抖, 暫時唔駛教主日學. YEAH!!!

最後都有出去Yaohan 睇Vincent 的後浪DJ 總決賽! 好緊張呀! 哈哈! 好開心估唔到Judith 都仲認得我, 我估我個樣真係無乜點變. 最離奇嘅係竟然見到之前一齊喺Alpha 度教嘅Eva 囉! 佢之前係超靜, 唔出聲, 同你打招呼都唔望你果隻嚟架嘛! 今時今日嘅佢竟然擠身後浪最後十強, 又一個始料不及. 仲更加始料不及嘅係, 佢竟然同阿S 某拍拖囉! Oh no! 即係呢, 我個人認為, Eva 係好靚女囉... 點解, 點解? Anyway, good try Vincent! I guess you've learnt a lot during the process and it doesn't really matter whether you win or not, right? :D

見到阿橙, 我仲企正喺佢後面添! 真係有少少衝動想上前去介紹我就係"阿魚". 佢又真係幾"Ivy"囉.

我覺得Teresa 靚過Vivi.

休息左兩個禮拜, 終於有得打vball 比賽. 我就實在打得差囉! 其實我都幾佩服我D 隊友, 佢地都無個個禮拜去open gym 打波, 但D skills 仲keep 得好過我! 我都真係幾無用. 今晚終於打細菌, 佢都打得幾勁, 勁過我. 我又到了樽頸嗎? (Mine is a relatively small bottle though)

俾Ellen 睇到我換衫, 勁醜怪! 想搵地方"lay"... =_=" 係呀, Ellen, 不過唔係Ellen Loo. :p

唔知Hi-Liter 有無播Porcelain 呢?

Evita, take care, I'll see you soon.

Song of the Day:
"出生入死" ~ hocc
好感動的一首歌; "Dress Me Up" 大碟Track #10. 但係唱K 係永遠唔會有得唱依D 歌呢!