Blah 雜亂 Blah 無章

FishLamb is tired from work. ~_~"

嘩, 好耐好耐無update.
好似有好多野都想講, 但係我記性又差, 又唔知應該從何說起?


工作...
唉, 老細竟然嚟依一招, 叫我地每個人寫低每日用左幾多時間做D 乜野!
以前淨係聽過朋友講D 老細係咁, 點知, 終於輪到我.
即係其實我都唔係話成日呃鐘, 但我真係好唔buy D 老細要睇得咁實囉! ~_~"
但點睇我都覺得Chris 係一個好人, 有時我會諗, 唔通係佢嘅上頭俾壓力佢?
我都唔知.
此計劃由上個禮拜開始, 開始左之後我就覺得番工份外大壓力, 好似成日都好怕我係咪用得太多時間on one task?? =/
今次又衰, 要做Inventory, 結果我兩日夾埋用左8 個鐘先做得晒, 老細可能會覺得我呃鐘??
總知就唉唉唉.

不過今日老細又show 左好多野俾我睇, 我估可能都唔會炒我住掛?


讀書...
先後為左個Auditing course 而miss 左兩次滑雪機會, 唉, 值得嗎?? =((
終於捱過了mid-term, 人地問親我考成點, 我都話識一半作一半.
但其實我估我都未必識一半咁多.
總之下個禮拜有分曉; 而家我唔想再諗, 但係其實又應該繼續做Case Study. *救命*

考一個mid-term, 搞到好大件事咁, 小組又幫我祈晒禱咁, 好鬼誇張.
其實, 諗深一層, mid-term 之嘛, 大家幾年前讀大學的時候已經經歷過9000 幾次啦, 搞乜我而家突然又騰晒雞??
唉, 蠢丫.

今年個student fee 又蝕俾CGA... 全年又淨係take 得果一個course, 死~
無辦法, Summer Semester 得果幾個course 揀, 根本都唔到我揀.
一係有另一個sem 係3 月就開始, which means 我三月& 四月的時候會同時間take 緊兩個courses, 嘩, 自殺咩?
...蝕丫.
不過算啦, 今次take Auditing 其實又連埋Business Case II, 所以都叫做take 左兩個courses 嘅.


打波...
Mikasa MVA200 的評價很高, glad that you like it. :)
點解又係寫FishLamb 架? 傻喎, 有人.

很miss esioN... 好想join 妳地飲野!! =(
其實我又好想睇家姐打波. 哈哈, 突然間依期好miss 家姐.

依邊個team 繼續連續輸, 輸, 輸.
不過我停左兩個禮拜無打, 依幾日突然有得去打波, 好似格外興奮.
或者咁樣反而令我真係可以focus on 打波本身, 而唔係贏波. 不過中意打波但又成日輸波都唔係咁過癮.
點樣先可以令大家打得好D 呢? 還是大家又唔係真係咁在乎? 我都唔知.


團契...
新小組, can I call them "low maintenance"?
算是半個group leader, thanks God for the easy group.
環顧全組, 大家的背景真係相似得交關. 唔得, 我地依組咁有potential, 真係要做番D 野先得!

But at the same time I miss Elim too...
唔知點解, 感覺很親切.


天氣...
大概一個月前以為天氣已經漸漸回暖, 點知, 幻覺丫.
依個禮拜又凍番(係凍到去-20 度那種程度!), 尋日開始突然又好大雪, 搞到我番工遲左半個鐘.
都好, 至少可以去COP 滑雪, 我估.

WSB 在雪地似乎唔係好掂, 睇怕真的要去Kal Tire 一趟.
不過, 至少佢到現在仍然堅持著, 十分proud of him, 不像其他提早離場.

在雪地渣車, 想起12 月SSC 在Cowgary 的時候.
how I miss those days, and you. =/


健康...
喉嚨feels funny today, 又打左幾個"hud chi", 希望無事啦.


朋友...
也可以分手. @_@"
無話可說; 求天父帶領.

I'm amazed 妳是如此了解我的一個. 是妳天生神力還是我性格太明顯?
Such a privilege of mine. 但如果想調番轉都一樣的話, 似乎有點難度, if not impossible. =/
...不過, that's not valid all the times... 點解唔可以嘗試了解我certain behaviours 背後的動機/理據?
我也渴望被了解的.


Misc...
竟然買錯了日文版柯南, 蠢到?? =_="
俾邊個睇好啊??

俾MA 嘈我成日講電話.
你成日打機, 我無嘈你 - 而且係喺我溫緊書洗緊碗pack 緊麵包的時候.
然後我終於可以停下來講電話...
就當是我的嗜好, 可以嗎? :p

淳淳生日快樂!!


Song of the Day:
"答案有三個" ~ 農夫
Thanks for the CD, sweetie~ :)