心力交瘁的一個星期. 好凍, 成日都好肚餓, 搞到食好多野. 唉~~~ 唔知幾時先可以減到肥! ?_?"

多謝老油條... 唔...??

今晚俾我發現原來我個小學同學Judith 都入左radio idol 十大呢! 都幾橋bor! 唔知佢or Vincent 會唔會贏呢? 哈哈! 唔知如果我出年先參加會唔會太遲呢? -_-" (傻嘅...)

Jason 大爺真係... Well, 都真係無乜交流囉! 唔, 我都係欣賞Rev. Todd 打嘅鼓多D. 最後練左兩晚嘅intro 都係白費心機呢! 有少少失望... 算啦, 點彈都好都應該要努力.

享受沒有supervisor 坐我隔嚟的日子.

今晚去左"讚美之泉"Praise & Worship, 終於都見識過喇! It's a great experience indeed. 出奇地全部樂手都係女仔 (除左鼓佬之外), 勁~~~ 彈bass 果個女仔好得呀! 勁得! 勁& 型, 仲可以一路彈一路跳! 跟住仲打左一首歌嘅鼓添! 超型啊! *FASCINATED* 我都想學打鼓... 我都算mature 左喇, 完左之後無走埋去影相... 嘻嘻! I do wish I have though :p 其實佢個樣有D 似SFU "果個人"(大家當然唔知我講邊個啦...), 但我初初又覺得"果個人"有D At 17 feel 播! 所以我同卡文仔稱呼佢為"17"; 但當然, 自從我瘋狂的迷戀Ellen 之後就覺得佢完全唔似啦! Anyway... #Ellen 地位無可代替# 言歸正傳, it's a great Praise & Worship; 見到臺上臺下嘅人都好free 好忘我咁敬拜, you know God is with us. 音樂, 係神賜嘅.

So, 幾時請我食日本野? =_="

諗起尋日的一句: 墨水有限, 口水無限. (真係慘~)

Song of the Day:
本來想揀"愛情花", 但前個禮拜已經mentioned 過依首歌喇! 費事重複, 所以最後揀左同一隻碟裡面嘅:
"獨樂樂" ~hocc
(邊個想聽, 我彈過你聽呀下! 哈哈!)

今日放工之後終於的起心肝走去剪髮. 本來打算去Cambie 街其中一間剪髮學校度剪, 點知原來間野咁串要make appointment 的 (我成日以為佢係拍晒烏蠅果隻). 失望的我以為都係要等William 叔叔有位先可以剪, or 豪一豪佢走去日本鋪Chura 度剪. 點知正當我行緊去我架車嘅時候, 俾我發現原來仲有另外一間Beauty School 有得剪髮嘅囉! 真係奇怪, 我行過Cambie 街無數次都無印象有間咁嘅鋪頭呢! 仲要平D 添呢! 最搞笑係, 我入去等左一陣, 阿老闆娘話佢D 學生走左, 所以由佢嚟幫我剪! 哈哈, 有賺啦~~~ 唔駛做白老鼠囉! 我覺得都OK 架; well, 咁我其實都係叫佢"偷 薄" 嗟, 都好難會樣衰嘅. 下次再give it a try, 試下剪style, or 電髮! Hohoho!

剪完頭草之後去左Metro Town, 本來係諗住買畢業禮物& baptism 禮物, 但最後都無乜買到! 反而係走左去打機! 哈哈! 勁好玩啊! 自從Playdium 收左皮之後我都好耐無試過流連打機場所流連咁耐! Gizmo (定係Gizmos? 唔記得...) 食埋隔嚟個鋪位, 而家都幾大間, 仲要唔係淨係得打機嘅機, 仲又好多有得出tickets 的遊戲! 一個人, 用左4 蚊咁大把已經玩左好耐! 我嘅首選當然係飛機射擊game 啦! 今次玩嘅依個game 我都唔知叫乜野名, 但都幾好玩架, D 炮仲要一開始已經好勁咁, 仲有連射添! 基本上係用嚟俾人發泄的! 哈哈! 不過玩左3 次都係過唔到第三關, 真係要學細B 講句: "激氣呀!" 可能如果有個好對手同我雙打就有機會過到? 真係心思思想再去玩! 嘻嘻!

行過Death By Chocolate 真係覺得幾tempting 架... 可惜丫, 都係果句, 同刨冰一樣, 欠缺一個好對手同我食. 最後買左所謂嘅fresh fruits bubble tea, 都幾好飲. 今日一日裡面都算試得多新野喇! 應該獎下自己.

數下數下, 舊年依個時候就係我開始喺Locwood 番工嘅時候喇! 咁就一年... 真係人越老就越覺得時間過得快. 我好記得依句說話係我其中一個小學阿sir 講的. 諗真D 都幾搞笑, 點可以想像一個阿Sir 同一班小學三年級嘅細路講句咁嘅說話?

舊地重遊, 一樣的地方, 不一樣的感覺?

Song of the Day:
"多謝芭比" ~Cass Pang & Candy Lo

星期二... 早睡早起身體好.

成朝都無乜特別, 不過Peoplesoft system 勁慢, D 同事無幾耐就開始四圍行& 傾計, D 阿太就開始講邊度有減價貨, 勁搞笑! :D

Lunch time... "麥O記"again, 我又真係幾中意佢D 野食嘅. 唔... 幾時開始"麥O記"變左以前嘅"大家好"呢? 不過就"麥"高檔少少啦. 謝謝陪我食飯的Westly; your new hair ROCKS! 型爆啦, 掂~~~ :p Btw, 彈唔彈到都唔應該遺棄本chords book 嘅.

去補習的路上見到Uncle Kenny, 佢架車仲夾硬cut 我個位添! 哈哈! 幾狼! Andy 都照樣咁gross, 又放屁, 我真係幾想quit 囉! 我D 學生又邊似人地丫... 命苦& 苦命.

嘩哈! 夜晚同媽媽食左好好味的Fuji Sushi, 今次仲試左House Roll, 燒墨魚筒& seafood motoyaki, 正! 不過都幾重味精咁播...

勤力的我又有練結他喇! 好野! 哈哈! 不過係練左15 分鐘咁大把, 都唔知有無. *我係懶精*

究竟我會唔會考CGA 呢? (估中無獎; 我都無answer anyway) 我今日又勁食野喇! HELP! 我真係要減肥喇! 我要節食!!!

Song of the Day:
"把戲" ~王菀芝 (BEST track in the EP, I think. Thanks Auntie Janis & Cheryl & Crystal.)

又到星期一. 朝早7 點搭9 先起身, 完全係搏炒! 但thanks God 我咁樣都無遲到! 我估係因為撞正政府個promotion, 依個禮拜裡面所有中小學學生搭public transit 都唔駛錢, 所以路面都少左車. Thanks God that 每次我overslept 都揀中D good time 先嚟overslept, 哈哈哈!

Lunch time 去左"麥X記"食粥, 果然係好少料的, 哈! 又見到germ, 都幾有緣:p. 一路食一路睇"星期六週刊", 讀到梁寶茵記者形容古巨基為"當紅炸子'基'"的時候, 真係別有一番風味! 哈哈! That's a good gag, esp written by Maria.

打波之前又流連我最愛的Crystal. "大家好"轉手了, 食刨冰的台灣鋪也轉手了... 很感觸. 無食刨冰因為欠缺一個好對手同我一齊食; 反而食左可以揀材料的燒仙草, 好飽肚, 以為可以skip dinner, 點知... 唉! 點解我要生成咁為食?

打波, 勁唔掂... 可能我太沉醉於昨晚的成功感當中? 打成咁, 小學生都贏唔到. 係咪應該進行特訓呢? 好開心~ Vivian 終於幫我地報左Gals League! 不過係下一季, 一月先開始. 無錯, 係2006 年1 月. 到時都唔知自己會點. 不過, 個名真係唔係太掂. I still love "Tofu Power" or "Jess Spirit" more! hehe~~

Song of the Day:
"蘇三想說" - 謝霆鋒 (一首引起抄歌嫌疑的歌, 唔緊要啦, 好聽就得)

終於撐過了十月一日 -- At 17 喺Calgary 開演唱會的日子. 冤孽. You know I wish so bad I could be there. Well, THE BEST IS YET TO COME (do I really believe in that though?).

Another LONGGGGGGGGGGGGGGGGGGGGGGGG Day... 7 點半起身, 番早堂, 番主日學, 教主日學, lunch, 練歌, 排波比賽, dinner, Winning 11 game... 極度充實的星期日. 似乎每逢"安息日"我都未能真正得到安息. 不過練歌都幾開心, 個配搭都幾新鮮, May 姐姐好得, thanks for your hard work, I had a very good time. :)

打波... 都係咁啦, 都打得唔差, 哈哈! 終於放鬆自己& 放開懷抱, 剎到波! YEAH! 希望可以keep 住啦! 不過竟然輸俾隊得五個人嘅西人隊, 有D 不忿.

繼續病, 要早D 抖.

Song of the Day:
沒有