Blah 悶蛋 Blah ManFan

No plans 的星期六, 訓到下午一點幾先起身. 真係架喎, 係當大家唔喺我身邊的時候先至咁得閒架喎!

下午車左媽咪去個同事屋企查經 - 是日唯一出過的街.

Unexpectedly 收到ManFan 的長途電話(我的Highlight of the Day)! 恭喜晒你地拉埋天窗喎! :D

HK 的朋友仔, 如果你地打算出年過嚟Vancouver 的話, 快D 訂機票喇! Cathay 特價啊!

CMJ 有得同好朋友仔一齊崇拜, 真替妳高興.
嘻嘻, sorry, 我狂chat on MSN. :p

咦, "木紋" 真係出左acoustic 版喎! D chords 特別D 架!

YouTube 友的翻唱, 大家支持下啊! 結他彈得好, 唱呢... 就有待改進啦! =)
請你不要睡好嗎?

Song of the Day:
Night Ride Home ~ Joni Mitchell
係咪要去學下古典結他先可以彈到D 咁嘅野呢? ~_~"
點解食煙食得咁勁嘅人, 把聲都可以咁好聽?!

Blah 長氣 Blah 失望

發覺這陣子的Blog posts 都比較長, 是因為想記下每件事, 唔好讓CMJ miss out 嗎? ~_~" 同CMJ 真係切肉不離皮.
Too bad, you called me 4mins too late - I was working (hard) already!
But thanks for your calls indeed, 開心開心開心開心開心>>> So, finally you are back to where communication is enabled.

So... God is amazing...
溫博士話我地應該留心日常的瑣碎事, 留心察看神的手每天在工作, 從而令我地無聊無奈的人生變得精彩過癮. No kidding!
尋日我話:
"仍然係唔願起身, 仍然係塞車塞到傻, 仍然係去到公司樓下要訓5 分鐘先, 仍然係成朝都釣魚..."
那是維持左成個禮拜的狀況. 到今日, 竟然3/4都無出現!! @_@" Well, 我認我仍然唔願起身, 但係其實我尋晚係夜訓過之前果幾晚嘅囉, 不過渣車又無釣魚, 又唔想喺WSB 度訓5 分鐘先, 最重要係竟然成朝番工都好精神!
Amazing Grace.

仲有, 本來天氣預告話今日會勁落雨的, 結果卻是陽光普照, 又賺左.
Folks, don't take anything for granted, not at all.

我唔係racist, 但South Clinic 果度D 印度人醫生真係好麻煩架! 仲要兩個out of 兩個都係咁喎, 好奇架.
依個世界, 只要你有牙力, 人地又好有心要"馬" 住你, 你基本上話乜都得.
個醫生, 勁串咁話唔會晒時間做網上billing, 即刻involved 左好幾個人去商討對策, 甚至連佢過期的billing 都要pay 佢. 無天理的.
有牙力, 識講punjabi (cuz they need such a doctor), 即刻大晒, 可以完全唔合作唔跟規矩做野. ~_~"
...難道依個世界, "能幹" 跟"合作" 不能並存嗎?

Got a Mocha Frap from 星巴克; 其實好似同Tim Hortons 的Iced Capp 差唔多味道?

GLW 個仔(6 歲左右) 參加district 足球隊; 上一場比賽, 佢地果隊入左5 球, 有4 球係佢入的.
Wow... 爆有潛質啊!

放工的時候, 目睹一宗汽車喪撞單車的交通意外. 躊躇左好耐應唔應該停落嚟自告奮勇做witness, 但果度又唔係咁容易泊車, 而且我又比較趕時間(worst excuse in the world), 所以都係絕塵而去. 但係, 諗諗下又有少少受良心責備, 所以決定打去911, 備定案留下contact, 以便真係有人報警的時候, 我可以做witness. 咁大個女第一次打電話去911 咋! D 人講英文好鬼快, 其實有無中文熱線架? 如果我真係大吉利是有乜野意外, 我估我都無咁嘅能力去將件事講得清楚. 好危險播... 所以, 你話學好英文係幾重要呢!

好多人出左新碟: KT Tunstall, James Blunt, Joni Mitchell, Sean Kingston (好搞笑的)... 去左HMV 睇下有無good deals, 但發現佢地賣新碟都唔平, 卻俾我搵到正野係2 for $20 的:
Joni Mitchell 的70 年代舊碟, 有"A Case of You" 的.
Green Day 的"American Idiot", recommended by CMJ.
... Started on Joni Mitchell's album, 好聽!! 結他好勁啊!

苦練了一個禮拜的領詩, 最終都係慘淡收場.
其實我真係有放心機落去預備的, 我覺得好的詩歌, 好想同團友仔一齊唱, 可惜有一半的團友喺唱完詩之後先番到嚟. =/
有點覺得自己白費心機 - 或者我唔應該咁諗, 但都係有D 沮喪囉.

Welcome back, 王子公主!! 黑到呢~ 哈哈!
原來公主整左假指甲; 但點解佢可以去滑水去盛都無整斷嘅呢? 原來公主先係真正的姐仔.
謝謝GM 們同我企喺度傾野傾左咁耐! 實在獲益良多! 咁多野要搞, 死梗喇. x_x"
Thanks to 大公主, 小公主, JoJo & 王子.

Cow 城的那位, don't get sick... I guess you need some rest, lots of rest; not like sleeping at 2am! :p

CMJ "終於" 走左一個禮拜; 點解一個禮拜好似咁漫長嘅?!

Song of the Day:
"大開眼戒" ~ 陳奕迅

Blah 無聊 Blah 排球

仍然係唔願起身, 仍然係塞車塞到傻, 仍然係去到公司樓下要訓5 分鐘先, 仍然係成朝都釣魚...
越來越明白溫博士所講的人生的無聊程度. @_@" 點先可以振奮軍心呢?
其實真係好唔中意這成日番工釣魚的自己. =(

帶了一隻蕉一隻牛油果番公司食.
隻蕉很生, 隻牛油果是壞的(仍然吃了一半).

出糧, YEAH!

又回到了沒有CMJ 的電郵的日子. 慘到呢.

又推卻了ATS 的飲茶, 因為尋晚食得太飽, 今日個胃都唔係好舒服(折墮).
諗住食個快嘅午餐, 可以take a nap. 結果去左7 仔買熱狗, 仲要買夠兩個, 亦都食晒兩個. 仲買左crap coffee.
... 又話個胃唔舒服嘅??
無啦啦想食熱狗, 唔知係咪因為今朝喺95.3 聽過7 仔賣熱狗的廣告?
廣告真係有效用的.

沒有CMJ, 令到我好似無咁期待今晚的vball game - this is so wrong, I know wor~
打波之前又無人陪我食飯, 自己一條冷走去食飯又好似好晒錢, 所以只係去左果間位於Main 街的特賣店. 買唔到我想買的"一變二" plug, 但就買左D 立雜野囉.
第一個去到球場, 有點冷清, 因為今日連籃球隊都無練波.
哈哈, 個個都好中意我件全球限量版unofficial team tank 咁喎(仲好想摸下個排球圖案添! XD)!

今晚我地雖然有Michelle 拔刀相助, 但都係得5 個人咋, 因為Kobe 唔舒服, 所以VeLa 嚟唔到.
差D 輸俾魚腩隊, 嚇得我丫!
Vivy 做setter 都OK 丫! 辛苦你了; 或者星期日晚我地應該轉一轉陣.
Sophy 繼續發揮發球機器的本色, 人地@24分的時候都無開失, 厲害厲害!
CMJ, you missed a lot - most of all, you missed my *Block of the Year* (自從HYS 日子之後都未試過攔網成功了). =/
The games were fun; but would be much better if CMJ was around.
其實我地唔好成日贏都係好架, 只要make sure 我地留喺依個time slot, play-off 的時候先至發力爭冠軍! YEAH!

回程的時候, 見到油價99.9!! @_@" 嘩, 都唔知幾耐未見過雙位數嘅油價喇! 仲有D 衝動走去同佢講, "你個牌係咪跌左個數目字落嚟?"

咦, 原來Sophy 都係中意CMJ 果D 嚟架喎! 竟然夠膽喺我面前話掛住CMJ?! 哈, 你大膽呀你!

今晚有好多野想做, 不過, 都係一事無成. 還要再練練結他, 免得出醜.

Song of the Day:
"The ROne & BOnly" ~ 謝安琪
Let me have a voice
To sing with love
From me to you
我想彈, acoustic version.

Blah 生日 Blah 雙喜

**媽咪生日快樂** 你要快D 好番啊...
(唔通我咁樣又叫做命令緊我媽咪快D 好番?! Eh...)

今日臨番工之前又喺WSB 度took a nap, 訓到勁迷糊咁走上公司, 唔掂~

3 件牛油果sandwich, 食足兩餐, 都算慳家啦...
朝早淨係飲綠茶, 無飲coffee, 乖! 話時話, 唔知點解GLW 依排完全唔熱衷於喺office 整coffee 飲, 從而令到Mike 同埋我都無乜興致. =/
Btw, 我發覺GLW 成日都聽唔明我講乜架! 唉~ 點解我講英文咁差架?!

之前諗過lunch time 的時候走去Best Buy or City Square, 但結果兩個地方都無去到, 反而去左Book Warehouse, 扮晒有書卷氣.
翻開好多本書, 想買, 不過我都明知自己唔會睇英文書架喇, 所以都係放番低.
其實本來想買本電腦書俾媽咪架, 不過, 又係諗落佢都唔會睇架啦, 算了吧.
原來Sophie Kinsella 出左新書呢... 唔知黃Mon 有無買? ?_?"
最後都係買左本圖文並茂的書俾自己, 哈!
然後去左隔嚟的星巴克, 勁豪咁買左杯"Pumpkin Spice Latte"; 但係我覺得飲落似cinnamon 味?

咁話說我去星巴克的時候見到GLW 啦, 咁到佢番到office 的時候我就問佢要左乜野啦.
咁原來佢又係叫左"Pumpkin Spice Latte", no kidding, 我又有D 衝動想答佢"Me sree!" 喇! ~_~"

今朝喺washroom 見到MNG, 莫講話打招呼, 佢竟然連望都唔望我一眼!
嘩, 咁都得! 通常喺washroom 見到同事, 識唔識都好, 至少都點下頭, 笑下咁啦! 邊有人無禮貌得咁緊要架?
高傲的女人, ah chur!

今日番工, 突然有好多無嚟啦lung 的問題都俾人地forward 左俾我. x_x"
有個醫生打電話嚟, 我就真係唔記得我deal with 過佢囉, 但係佢竟然話"i recognize your voice"! Eh... =_="
唉, 大organization 就係咁, 有時D 人都好慘嘅, 打一個電話嚟, 俾人forward 左n 次都仲係搵唔到真正負責嘅人. 有時雖然唔關我事, 但幫到嘅咪儘量幫囉! =) GLW 都係咁架, 所以我覺得佢係好人來的.

得喇得喇, 訂左11 月的機票喇, 唔駛meng 啦... =)

夜晚最終都有去"牛仔火窩" 打邊爐, with GoGo as our 特別嘉賓, 仲見到駱氏夫婦同埋WIK 添(很特別的配搭)!
飽得不得了... 食到咁, 真係覺得自己有少少折墮. 不過, 見到爸爸媽媽咁高興, 都算好啦!
好似幾年無去過Parker Place 咁, 原來Poly 都有平野執架播!

好事成雙:
單: 終於收到CMJ 的emails 喇!!! OMG!! 等到我變長頸鹿啦! :( 唔姐仔, 唔係掛? 哈哈!
雙: 嘩哈, 收到BBB 的電話啊! 縱使已為人妻亦為教會同工, 烈女個性絲毫沒有半點減弱! XD 願唔願意俾天父去shape 你先?
... 從CMJ 身上學到, 唔好怕connect with 舊朋友. :)

事先張揚esioN unofficial team tank:
搞到好似喺ebay 賣衫咁添!
Sorry gals, I'm gonna wear black tmr night, wahaha!

Song of the Day:
"粵語殘片" ~ 陳奕迅

Blah 中秋 Blah 瑣碎

**中秋節快樂**
... 其實, 都係咁啦.

尋晚整左banana sandwich, 打算做今日嘅lunch. 不過今朝發覺原來我無早餐食, 而尋晚我又好早已經食dinner, 所以渣車的時候忍唔住拎左份sandwich 出嚟食, 至少可以防止釣魚丫嘛.
今日又比起尋日多車左(SLS 的理論: 星期二三四係最多車的), 又差不多渣左成個鐘頭車先番到公司. 所以, 都咪怪我成日番工釣魚, 因為我捱到番公司已經好累喇. ~_~"

今日Nat & Drew 又係喺Battle of the Sexes 之後, 8 點鐘之前, 播Stabilo 的"Don't Look Into Their Eyes" 喇! 我記憶之中已經係第三次喇, 一聽到的時候個感覺好得意! =) 真係有鋪癮架播~

今日見到GLW 好似好左D, 感謝Jee!

Josie, 我的唯一一個鬼妹仔朋友(actually, 同事), 今日同我講話佢買左架FIT 呢! 計埋晒先至$22,000 咋播, 咁都算抵啦~

天黑黑, 要下雨... 仍然堅持堅持去Tim HortonS; 不過, 都仍然邂逅唔到我夢寐以求的Butternut Squash Soup! :p 開始有D "meng": 早餐時候去就有, 每逢食飯時候去就無! 玩咩... 唔係講笑, 連食野都要講緣份; 唔係嘛?
好乖(乖到應該deserve SLS 的33333), 因為朝早已經飲左Max's 咖啡, 所以去Tim HortonS 的時候只係飲peppermint tea. 可能個tea 實在太soothing, 搞到我成個下午對住部電腦訓著左n 次. 我看下次還是飲咖啡好了.

謝謝CapViv & CL (Chet Lam?!) 的kind words; 很感動, 不過都係自己知自己事. 唉~
我的隊友真好; 我會唔捨得你地的.

之前推左Rev.Todd 參與Christmas Musical, 原因係佢地每逢星期四夜晚練歌, 撞正gals league 的時間. 點知佢地仍然搵唔到guitarist (that's pretty surprising), 所以今日Rev.Todd 特登再托Leyond 問我(Leyond 幾時變左我經理人?!). 我問完CapViv 之後, 發覺原來gals league 10 月尾就打完架喇! 所以其實我整個11 月都可以練歌囉! =) Thanks God... 之前都好掙扎, 但後來發覺天父真係喺度開路, 想抗拒都唔得啦!

今日聽Cranberries 舊碟, 上個禮拜四喺Pawn Shop 買的.
SLS 仲未分得開Cranberries 同The Cardigans 囉... ~_~"
So many little things that I wanna share with SLS, 卻隔了萬重山, 連通訊也斷絕了. 好sad.

今晚爸爸媽媽約左馮牧師一家食飯, 我就打算買埋蛋糕俾媽咪, 可以一齊食, 開心D 丫嘛! 所以放工之後去左Crystal Mall 買蛋糕. 5:30pm 就已經去到Crystal Mall, 但飯局係7pm, 我驚咁早就擺個蛋糕喺WSB 裡面會溶, 所以買完之後同個阿姐講話遲少少先pick up. 後果係我要喺Crystal Mall 逗留成個鐘. 可能依期好少自己一個kill time, 以前曾經好享受無所事事的我, 今日竟然覺得好"晒" 時間, "What the heck I'm doing here, wasting my time?!" =_=" That's so not like me, you know?
幸好, 無買野(亦都買唔落手seriously); 不過食左雞翼西多凍檸茶, 死未?! *oo*

餐館個阿姐真係唔掂啦! 飯後, 我都同左老闆娘講話可以拎個蛋糕出嚟, 個阿姐仲大大聲走過嚟問, "你地依檯係咪有個蛋糕呀?!" (仲要係問我阿媽...) 無奈x10,000! -_-" 好在我都唔係諗住要有乜野surprise 嗟, 如果唔係真係毀于一旦. 啤一聲.

Nice chatting @ 馮牧師's house... 一個很隨和, 卻又很認真很嚴厲的牧師.
雖然傾到好夜, but I enjoyed it very much.
哈哈, 唔知牧師個仔有無女朋友呢? 如果無的話, 真係應該介紹俾XXX 啦! 又好仔又叻仔又愛Jee! 邊度搵丫你話?!

Song of the Day:
"月亮代表誰的心" ~ 陶哲

Blah 傷心 Blah 感性

星期一...

明明依個weekend 已經勁訓勁訓架啦, 今朝都仲要勁賴床, 最後賴到7:15am 先起身! 如果係平時就實遲到架喇, 不過因為我尋晚打完波之後有沖涼, 所以今朝沖涼可以沖得馬虎D, 哈哈~
話時話, 咁訓法都仲覺得訓唔夠, 我估我都無得救.
臨番工之前都仲要喺WSB 訓多10mins, 都咪話唔誇.

精選早餐係Max's bagel & coffee, 好耐未食過lu!

不好過的一日... 工作其實尚算OK, 可惜GLW 很傷心很傷心, 甚至喺我面前喊左出嚟. =(
其實我好心up 架, 但又唔知應該點樣表達; 喺傷心的人面前讓我更覺自己無能為力.
我只有默默的為佢祈禱.

放工之後開始聽溫博士的傳道書第二講, 依然動聽. 可能依期我興玩sentimental, 聽著聽著, 不禁感動得喊左出嚟. :_:"
(應該多謝小黎的好介紹, 定係Chris 的好介紹呢?)
講義在此供下載

學生仔教極都唔記得D 野, 係我的問題嗎? 點算好?
SIGH. ~_~"

番到屋企之後又拎左星期五要領的詩歌出嚟練(係呀, 揀晒喇~), 繼續延續我的sentimental theme, 唱唱下又喊.
星期五真係千祈唔好出醜.

哈哈, 不過, 感性還感性, 今晚又俾我發現到新搞作!
繼"我們的序幕"x"Heart of Worship" 之後又一力作:
... 唔話你知住! 嘩哈哈~~ XD

Song of the Day:
"God of Wonders" ~ Third Day

Blah 主日 Blah 賴野

尋晚做主日學功課做到一半就訓著左(因為stuck 左唔識做)! z_z"
今朝其實CMJ 有morning call 我架, 可惜懶惰的我都係選擇繼續訓 -> 所以最後都係做唔晒份功課(仲要遲到10 分鐘, 差D 要罰企添呀!). ~_~"

崇拜的時候都唔知坐邊好: 提多人好多都一對對; 約書亞人又太年輕, 無謂拉高佢地嘅平均年齡... 本來都係打算扮後生黐住班約書亞人架喇, 不過最後臨崖勒馬, 走左過去另一邊同WIK 坐. 坐窗口位, 好凍~
Uncle Clement 真係無再講"神是個靈"...

胡傳道很好的提醒:
1. 跳出comfort zone;
2. 以神國的事為首位;
3. 不要回望過去.
初初一聽, 覺得#3 對自己最applicable; 但諗深一層, 其實每一個point 我都需要work on 囉!

崇拜之後沖沖番左屋企, 因為尋晚媽媽買左好多野食, 都係慳番D $$ 番屋企食野算喇!
然後彈彈結他, 預備星期五領詩. 不過到而家都只係揀到一首"God of Wonders", 上YouTube 學識左點樣彈得好聽D. :)

謝謝CMJ 的long d (again); YH 到呢~ 咁都算好啦, 第一日就已經見到幾個朋友! =)
哈哈, 疫埠果然名不虛傳架! XD

固執的人, 無得救.
無得救都唔緊要, 影響晒週圍嘅人, 又何苦呢??

MAMAMAMAMAMAMAMAMAMAMAMAMAMAMAMAMAMAMAMAMA

Back from vball game, tonight it was just terrible.
雖然我不是Sheffy, 絕對沒有小老鼠的功架, 但我想還是應該可以打得好一點的.
無限量地tip, 係因為我真係set 唔到.
Sheff, come back quick, as I found that our team as a whole needs you more than I do.
唔開心唔開心唔開心唔開心唔開心唔開心唔開心唔開心唔開心
我看下次還是讓HOR set 好了; otherwise, 我地完全hit 唔到的話, 唔通真係靠人地打失嚟得分咩.
Sorry guys, I sucked a big time. 依D 咪就係叫做"賴晒野" 囉. Eew.

咦? 嘩?
峰迴路轉.

往返Richmond 的路上沒有CMJ, 卻有溫偉耀博士, 真係講得幾動聽.
就正因為佢一再強調要"吃喝快樂", 所以回程的時候我都忍唔住去大頭仔買左杯野飲 - 這是我勞碌得來的份. :p

Video of the Day:
壹號皇庭(好感動~)

Song of the Day:
偷窺 ~ 林保怡 x 劉美君
林保怡以前唱歌好聽過而家!