忙碌的星期六, 去補習之餘仲要車媽咪去做physio, 去銀行幫Mom & Dad 整野(仲要係去兩間唔同的銀行), 買"食送", 煮野食(oh well, like 打邊爐但其實係我負責煮好晒咁囉), 幫個婆婆買藥 - 個婆婆係媽咪尋日接番嚟我地屋企住嘅! 係咪好神奇呢, the weak takes care of the weak.

黃昏時分坐在床上睇漫畫/ 講電話直至訓著, really way too tired. 今個weekend 總算唔係好忙好多野做 - 雖然我多麼希望可以溫下書, 不過, 算把啦. 大鑊, 數下數下, 考final 之前都唔係有好多時間溫書咋播! 大件事... 睇嚟聽日應該拎本書出嚟flip 下! 但係我又想出去唐人街買柯南播?!

"又" 離開了... 該怎麼說呢?

窺見窗外很厚雪呢! 聽日一定要影D 相! Oh no, I gotta be responsible for 剷雪! -_-"

Song of the Day:
"飄雪" ~ 陳慧嫻
哈哈, leung 到爆...

無聊地做到差不多6pm 先走; 大老細遲早嘈我.

非常好的差傳年會信息, 雖然我整晚都半睡眠狀態... 因為工作關係所以經常同好多醫生接觸, 慢慢地我的潛意識裡開始覺得, 好多醫生唔知點解其實好似唔係真係好醒咁. 不過今晚嘅講員Dr. Fung 真係好掂, 英文又勁, 信息又好. Thanks God for such a gift! Btw, 今晚有Gabe & Leyond 同臺演奏, wow! 我估我再彈10 年都唔會有Gabe 的一半功力.

擺明"lurk" 水的CGA!! 根本就夾硬屈人地$100 Late Fee!! $100 喎?! 真係好過去搶! Dated Nov 9 的信裡面話, "The deadline to re-enrol without a late fee was September 30, 2006..." What the?! 但係我之前完全無收過通知提我要re-enrol 播?! 搞乜鬼... 明搶!! 好SAD... :(

Guess what, I wanna get a new guitar!!! 不如讀少個course 買結他啦! I want something that sounds better...

Adieu, and take care.

Song of the Day:
"後窗知己" ~ 謝安琪

朝早出門口仲見到有陽光, 以為今日會OK 好天. 點知lunch time 出去的時候橫風橫雨, 我仲唔知死行鬼死咁遠去Tim Tim! 好凍啊~~~

今日用左好多時間去執好D 個reconciliation, 發覺原來之前D figures 真係有錯架! 如果無Margaret 介入, 我估我到year-end 先會發現囉! 係啦, 其實我覺得Margaret 真係好掂, knowledgable & easy to work with, 至少我有乜野問題我唔會怕走去問佢囉! 而且又見到D 野真係喺佢推動之下moving forward, 勁! 雖然, 佢真係勁OB... 不過都OK 嘅, 都唔係話好假咁.

老豆轉眼就番左HK lu! 照顧媽咪嘅重任當然落喺我身上; 會令已經無乜life 的我更加無life 嗎? 不過, 必要時, 我都可以扮乖女嘅. 但我估彭太太唔洗我照顧啦! 淨係今晚見佢又唔用拐杖行路就知佢堅! -_-"

老師今晚話佢以前有一個client, 用左唔夠幾百蚊買左個internet domain name. 後來有間大公司同佢接洽想買佢個domain, 結果間大公司用CDN$210,000 去買左果個domain! 仲要呢, 因為依個transaction 係Capital Gain, 所以只係50% of that amount is taxable! 荒唐世界呢. 話時話, Taxation 1 十個modules 已經講左九個喇! 淨番Module 10, 然後係Review Session, 然後就考Final 喇! 學過D 乜? 唔知, 唔好問我. Guess what, 上次早走的同學仔今晚問我借notes - 無錯, 有我個樣同埋周筆暢個樣嘅notes! 同學仔一定超無奈.

老師今晚早左45min 放學, 搞到我又喺Wal-Mart 大出血! 好靚的PEZ:
Americano 加左Cinnamon 粉粉都幾好飲啊!

哈哈, 媽咪一語道破fart 唔停的原因: 太多澱粉質!!! x_X"

Where the heck is HUNGARY? I only know I constantly feel hungry.

Song of the Day:
"運" ~ 側田
給你 - 那經常轉運的一位.

CONGRATULATIONS TO JETSY!!! I'm sorry that I can't make it to your BIG day, to share the fruits of your hard work. But you outta know that I'm so proud of you! :) 唉... 讀書人! 哈哈!

最終只買到禮物俾5 叔, 但買唔到俾彭基立. 算啦, 佢又唔係結婚.

Song of the Day:
"別怪她" ~ 吳卓羲
唔好怪小小Shef.

Good games, gals! 照咁嘅情況, full team 的我們應該可以更上一層樓吧? So, Jetsy, get well soon and kick some a**, hahaha! 不過, upon your return, 我仍然有機會打middle 嗎...? Christine 繼續匪夷所思, 目不暇給, 很厲害. 今晚很多走動, 對腳"支力" 到好似唔屬於我的. 不過, 那站在場上近乎虛脫的感覺也還好.

捨棄了我那懶型的格仔袋, 心血來潮重拾HYS 時代的NBA Suns 運動袋 - 放心, 係拎去打波嗟, 唔係用嚟番工; 不過佢當年都陪我番學番左一段日子架. Shef 見到個宮城公仔流晒口水呢! 哈哈! Should I give it away as our MVP prize?

細菌似Chet Lam? That's kinda cool... 咦, 唔係播, 我都係覺得以前Collingwood 個男仔仲似啊!

今日Barb 從North Shore 來訪, 一見面的時候佢俾左個BIG HUG 我, 搞到我有少少不知所措 - 因為其實我同佢一D 都唔熟. 不過, 熱情總好過play cool 嘅. 今日第一次88 卦卦咁懶係joint 佢地嘅conversation, 其實有時佢地講野都幾好笑, 不過我又明唔晒又搭唔到嘴咁囉. 原來Margaret da Consultant 好勁架, 乜野sports 都玩咁滯, 連fencing 都玩過! WOW...

Nice chat with Shef & Jetsy. Wish we could be better friends. Sheffield 呀Sheffield... CHEER UP!

傳聞中的Serene... 又真係似得咁交關嘅? 唔.. 我會rate 85% 以上囉! Out of 我歷來聽過/ 見過同我似樣嘅人當中, 佢係最似架喇! 哈!

Candidates of new team name (based on tonight's observation):
1. Marketplace
2. Three Eight
3. Noise (I love this one the best, 因為我地唔係製造噪音, 我地本身已經係噪音 -_-")

Song of the Day:
"The Best is Yet to Come" ~ 林一峰
給Sheffield.

興致勃勃打算lunch time 去Quizno 用買一送一的coupon (雖然只得我一個人食...), 點知臨order 之前先發覺剛剛好過左期一日! 雖然好在唔係order 左先發覺到, 但係都幾失望. 可能住喺加拿大實在overflooded with all kinds of coupons, 所以望住過期coupons 而感到失望的次數都唔少. 上次收到free chicken wrap from Starbucks 的coupon, 又係不經不覺就過左期, 失望指數都有9/10 架, 因為Starbucks 好少咁闊佬架嘛! -_-" 不經不覺時間不斷溜走, coupons 又不斷過期; 是時間走得太快, 還是我走得太慢?

近期行Supermarket 的次數多了; 或者始終一天我會迷上cooking (well, at least gotta wait 'til our kitchen is less stuffed)?

Song of the Day:
"一個人在途上" ~ 達明
是否我走得太快 還是你走得太慢

崇拜完即刻番屋企, 好乖. 不過今朝又無番主日學喇! :( 其實今朝"近乎" 知醒架喇, 不過搞下搞下, 又遲左出門口. 費事又遲到啦, 所以就決定去老麥坐. 其實, 可能"遲到好過無到"?

今日的Praise & Worship 彈得好差啊(我 - well, 從來亦都只有我先會彈得差)! 其實第一次練歌的時候收到set 歌都知衰架喇! 全部都係D 唔知應該點彈好嘅歌... 唉, useless.

梁牧篇道好好啊! :) Wish you were here.

*** *** *** *** ***
Back from 頌恩旋律's Praise & Worship, I'm extremely impressed. 佢地真係非常talented, 無論是創作, 領唱, 抑或彈奏, 各方面都非常出色. 有一剎那令我覺得我唔想再彈結他喇, 真的無謂再企在臺上獻醜. Anyway, 感謝神這個世界有好音樂, 也有好的基督徒樂手! :) Btw, I longed to ask you to go right after I got the tix. Those who weren't there tonight, I so much wish you were there. 大發現: 竟然見到Charis (from HYS) 企喺臺上唱歌! 1. 我唔知佢原來移民左嚟Vancouver; 2. 我唔知佢係咁devoted 的Christian. 佢好靚好charming 仲唱得好好聽添啊! Thumbs up.

牛奶火窩, 太filling 喇! :p 謝謝你告訴我別做無聊的事情.

Song of the Day:
"Dream a Little Dream" ~ Tony Bennett x k.d.lang
Tony Bennett - 這位Ellen 經常提到的伯伯真的很有功架!
k.d.lang - 很靚聲, 令我覺得佢同Diana Krall 把聲好似swapped 左咁(相對於佢地個樣嚟講)!