**何瑪生日快樂** 很可惜雖然我身在HK 但也未能與你一同慶祝... I bet you did have a nice time though :)

忙了一整天, 放棄了/ 錯過了去睇At 17 的機會, 原來只是為了一支壞的saxophone & 一次乜都練唔到的練習, 我想搵人俾我打. 朝早出門口的時候仲要唔記得左帶mouthpiece, 去到沙田火車站先再折返, 然後再去番火車站. 結果原來一切都係枉然, 好sad, 勁sad. 唉, 友情無價? :p Bean, 賠俾我啊!

在Crazy Room crazy shopping. 葵芳新都會廣場, 原來就係舊年我同Tracy 相約的地方呢.

番左嚟成個禮拜, 終於有機會見到彭基立& 2 叔5 叔. 很開心的晚飯: 同康兒突然間tune in, 多左好多話題; 見到未來5 嬸, 覺得佢同5 叔都好可愛; 其實Grandparents 都算係幾開心的老人家. Thanks God for blessing my family, 不過如果佢地有機會信耶穌就仲好.

Song of the Day:
"Procelain" ~ At 17
康兒都話好聽:)
唉... 唯一一次可以見Ellen 的機會... :(

打算早D 起身去西田買"0急", 不過3 嬸話不如等聽日3 叔渣車先去買, 所以我就異常地有空餘時間留喺屋企多一陣, 唔駛好似成日早出晚歸唔痴家咁. 幫媽咪拎野去麗晶花園, 謝謝Crystal 的instructions. 想起小學best friend.

今日終於順利搵到MongLam 食lunch, 去左喺牛池灣新開的"大家樂"; 番嚟HK 我最想去嘅反而係美心/ 大家樂/ 大快活, 因為我覺得其他野可能喺Vancouver 都有機會食到, 但係依3 間快餐店係好unique 的. 很美味:).

飯後獨自喺牛池灣街市兜左個圈, 然後就番左Grandparents 屋企坐下, 飲左碗粟米水. 近距離望住Grandma, 差D 又忍唔住. 去到彩虹邨的時候剛剛係放學時間, 見到有個小妹妹揹著一個大書包, 左手拎住飯盒, 右手拎住violin, 飛奔番屋企; 想起Chet 的"雪糕車". 然後我去左彩虹邨郵政局買郵票; 嘩, 依個地方真係好耐無去過喇! 果度個叔叔好搞笑, 喺度串一個勁鬧自己個細路嘅阿媽.

今日一反常態, 走左入bauhaus 買野. 我以前10 年都唔會入依間鋪頭一次的; 喪豪?

一條冷又走左去SOGO, 打算去買D 好樣D 嘅tops, 最後卻空手而回. 都好, 慳D 駛. 同豆豆又去左大家樂, 冷氣好涼.

跟住去左Wendy 屋企開弟兄姊妹會, 見到好多未見過的人, 好壯觀. 子華反而無我想像中咁浮誇, 阿Guy 又反而無我想像中咁優雅咁文質彬彬(in fact, far from that!), 勁奇怪. 原來Bean Bean 喺大家心目中真係一個不折不扣的烈女, if not 烈佬! 哈哈!

好唔開心, 聽日應該去唔到睇At 17 喇! SAD x 1,000,000,000,000,000!! 勁悲啊!!

Airtime 唔係用嚟講電視劇的.

Song of the Day:
"願我可以學會放低你" ~ hocc
低落時, 忌聽林一峰/ 何韻詩, 後果自負.

**Maria 生日快樂** (希望無記錯)

累MongLam 白等了, 10 萬個對不起. 唔知點解我一路都以為係約左星期五, 神經錯亂嗎?

同Grandparents 去左金碧食lunch, 雖然地方很地mou, 但D 野又幾好食播! 回到彩虹邨總會勾起很多小學回憶, 縱然很多鋪頭很多建設都已經面目一新, 但腦裡的景象似乎總不能磨滅. 食粥的"穩記" 無啦啦執左笠, 我估好多街坊包括我grandparents 都會覺得好出奇; 話晒, 講緊嘅係一間有幾十年歷史嘅鋪頭啊!

走在HK 的街上總覺得好唔實在又唔自在; 依個地方對我嚟講真係太陌生了.

原定8pm 的飯局因著朋友仔的OT 延遲至差不多9 點; 無所事事游手好閑但又已經接近虛脫的我唯有在陌生的CWB 遊蕩, wishing that I could run into Ellen by chance (不過我D 咁嘅運數就梗係唔足以令我見到佢啦! :p). SOGO 依期大特價, 爆(or 喪) 多人! 我估淨係我今日見到嘅人已經等於成個Richmond 嘅唐人? 最後, 我喺SOGO 買左對Mizuno 排球鞋. 我喺HYS 打左5 年排球校隊都唔捨得買, 到而家又唔係真係成日有機會打先至買, 天意弄人.

飯局有波波, Mic, 陳南希& 波波的寶爺. 貴, 有點肉痛. Plus, 其實上次番嚟都覺架喇, 可能佢地有太多朋友間唔中都會喺外國番嚟啦, 總覺得我唔係一個特別的客人, 仲反而好似成日都俾佢地ignore 咁添... 唔知呢, somehow 我覺得同佢地都幾有距離的. By the way, Mic & 南希勁高貴, 拍埋佢地隔嚟, 佢地似大足我N 年; 不過, 我知道係我嘅問題. 其實尋晚同何瑪都有discussed 過, 我估因為我最close 的梁昌都係同一個style 吧! 最後無去到JOCA, 有點失望? 飯局中又會無啦啦提到FB, 然後我的思想(more like 幻想) 又會飛到好遠好遠... 唉, 妄想症. And, 又嚟喇, couple 症候群, 2 nights in a row.

改左機票, 不過驚唔夠$$ 用.

Song of the Day:
"決戰二世祖" ~ 側田

訓得唔好, 6 點幾就醒左, 之後再訓下醒下, 到9 點幾的時候真係無辦法再訓得著, 所以就索性起身. 其實咁都幾好丫, 健康D, 唔駛咁頹廢. 今朝終於嘗試朝早沖涼(of course 之前一晚都有沖啦!), 感覺係好D 嘅, 個人好似fresh 好多醒好多咁, 唔駛好似一舊飯喺度遊魂. 不過, 實質上, 又係未出門口就已經成身汗, 覺得自己好浪費用水浪費時間咁.

見有時間剩, 打算去整"低能身份證", 點知原來銀禧個centre 係無得整的, 白行一趟, 熱到死. 個阿姑仲話, "你剛剛喺外國番嚟哩? 其實都換左好幾年架喇..." 無錯, SORRY, 我無知!

又見有時間剩, 臨去牛頭角之前遊地鐵河去左調景嶺站, 係數日以來我見過唯一一個水靜河飛的地鐵站, 終於俾我享受到寧靜喇.

同Miss 食lunch, 嘩, SUPER OL LOOK! 勁! 應該今次大家會熟習對方多D, handle 得好D? 參觀了由戲院改裝的教會, 嘆為觀止. 要知道一個爆肥的人要行咁多路係好辛苦的.

送走左Miss 之後, 又行一大段路去低能身份證中心, 今次終於無摸錯門牌喇! 服務員果然十分有禮貌, HK 真係無敵. 可惜, 資質有限, 幅相影極都好樣衰, 最後個阿姐同我都放棄了自己 :(

然後, 扮乖孫番左Grandparents 屋企, 點知佢地去左老人中心, 好在佢地放低左條鎖匙喺對面屋, 所以我都未至於無家可歸. 屋邨文化, 我中意. 喺彭基立的行裝中發現了"依莎貝拉"[人頭版], 不過最後都埋唔到尾, 留待小說版再會. 我的觀感: Mon -似} 劉若英{似- 梁洛施{似- Mon; 嘩哈, 有D 神情真係好鬼似架! Too bad 阿Mon make 唔到聽晚dinner... Disappointing, eh?

再然後, 搭地鐵出油麻地剪髮(FINALLY!). 哈, 今次竟然俾我撞正有得喺彩虹站中間個月臺上車呢! 對於此月臺一向未被使用的說法有很多, 當中當然不乏鬧鬼的講法啦! 跟住Miss 的directions, 最終都未能順利搵到間salon, 結果我由油麻地站行到去旺角站, 再行番去油麻地站; 很好的exercise, 可是不太合時宜吧? 次次都係咁, 搵次醒少少得唔得? 剪髮哥哥仔的精彩語錄: "之前個人淨係幫你喪剪碎咋播!" 睇嚟William 叔叔真係好喪, 心中盤算著來日我係咪應該去Chura? 剪髮哥哥話仲我唔戴O-O 好睇"好多"; eh, 又有無咁多啊? -_-"$60, 好抵, 不過個髮型太young, 似16 歲多過26 歲. 剪髮哥哥問我染頭怕唔怕番學唔俾; 算啦, 對於類似問題我都放棄作答喇.

Nice dinner with 何瑪& Sharon; 我估依次係第一次有人會為我而訂檯, 哈哈, 有我的作風啊! 謝謝何瑪, x2, 很感動. 喜歡Sharon 對浴簾的回應, 很賤精! :p 喺TST 蕩左一輪之後同何瑪去左諾士佛臺飲野(悶酒?), 無意中要講英文; 重大發現係HK 的Smirnoff 嘅外型係唔同架.. 然後再去埋綠色果間鋪頭食雪糕, 很滿足; pistacchio & tiramisu 很好吃. 我覺得今天的我較一年前的我不同了, 心態上以至表達上都不同了, looking good. 謝謝何瑪提醒我落車.

爆多細菌, 燕瘦環肥樣樣齊, 勁恐怖.

Song of the Day:
"She's in Fashion" ~ Suede
行街聽到.

一訓就訓到12 點幾, 有D 討厭自己. 不過話時話我都好似好耐無試過訓咁多. 諗住搭穿梭巴士去新城市廣場, 點知一上車個司機問我有無住戶證, 我話我係遊客, 佢就話繁忙時間淨係住戶先可以搭, 搞到我喺眾目睽睽之下走番落車, 勁瘀囉! 依兩日搭穿巴都有不愉快經歷, 唔知想點.

見到好多HYS gals... I would have been teaching them... Too bad! :(

今日嘅掃貨熱點竟然係"大眾書局": 總共買左3 隻復刻版CD + 3 本書+ 1 個計數機, 仲順勢做埋會員添. 又係咁, 我喺Vancouver 左諗右諗諗左半年, 由hardcover 等到paperback 都唔捨得買的The Undomestic Goddess, 結果竟然喺HK 用$67 再10% off 的價錢就買到! 有無咁離譜啊?!

連Bean^2 都話我肥, crap! :( 見到David 廬山真面目, 好鬼似林敏聰, 哈哈哈! 一如Bean^2 所講, 真係喺"浸神" 見到林保怡添啊! 後悔無走埋去影相囉! :p 死啦死啦, David 支saxophone 係Tenor 嚟架! 我點識吹啊? 謝謝Ivan 的神學院飯堂晚餐.

喺Starbucks 買左杯Americano... 唔, 好似無咁濃無咁香咁? And 佢地D cream 好creamy, 感覺上很肥仔(可能實際上都係).

Miss 問得好(or 純粹想串我?): 點解我D friends 唔會特登請假陪我去玩? Um...

Song of the Day:
"大熱" ~ 張國榮

好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕好潮濕

聽聞依兩日已經唔算熱, 不過真係好潮濕囉! 朝早未出門口已經開始出汗, 行街果陣就更加唔駛講啦! 奮鬥目標: 瘦一個圈先至番去Vancouver. 唔知我忍唔忍到幾個禮拜唔係朝早沖涼?

見到Grandparents; Grandma 好像又較之前老了, Grandpa 好像又較之前瘦了. 希望我今次離開的時候會堅強點.

同兩位李生行MK, 爆多人. 一日之後我又再次做"Gu Lay", 拎住勁多野咁番屋企. Em requested 嘅"浪漫滿屋" 已經搞掂左, 梁昌requested 嘅cdS 都搞掂埋而且仲有surprise. 反而我自己又買唔到陳冠希又買唔到LMF, 連二手CD 店都搵唔到, 失望. 估唔到HK 連賣外國碟都仲平過Vancouver, James Blunt 同Daniel Powter 都只係$88 咋! 痴線...

80% 嘅MK 後生女係同一個髮型的.

喺HK 打手提電話真係超抵.

Song of the Day:
"衝衝衝" ~ At 17
忙碌的城市; 我已經開始懷念Vancouver 悠閑的生活. 還有黃小寶.

長途跋涉千山萬水, 終於飛到HK. 咳得好犀利, 有諗過戴住口罩上機, 不過原來屋企係無口罩的. 今次唔知係D 飛機餐失左水準定係我失左水準, 幾份餐都食唔晒.

Anyway, here I'm, HONG KONG! 希望唔會抖唔到氣啦.

又要打搞3 叔3 嬸, 真係唔好意思...

Song of the Day:
"CL 411" ~ Chet Lam