開始愛上早起的星期六. *陳靜賢生日快樂* 你這剎那在何方? 懷念那次跟你一起去dance, 亦係我唯一一次去dance.

今日終於做番一個盡責的補習老師, 早到遲退, 邊度搵. Grade 4 的Ryan 仔越來越多野講, 又成日話"I know you don't like me..." (其實唔係), 有點失控.

為左補償星期四的遺憾, 今日補完習之後隨心所好去左Poco 嘅Long & McQuade. 唔知係我之前無乜留意佢地D 電結他定係佢地真係入左好多新貨, 今日我見到好多Squirer 嘅Stratocaster 同Telecaster 結他(剛剛上網check 先搞清楚佢地嘅分別, stupid me), under $200 有交易, 又再次令我心癢癢. 買番個嚟扮Ellen 都好啊! 不過我完全唔識彈電結他...

去完Long & McQuade, 再次造訪Ikea. 大花筒買了Sherffield 的生日禮物, 買了特價但原來不合用的燈(我以為係燈罩), 買了特價但唔知幾時先有時間砌的cabinet, 買了$0.99 200 支飲管, 買了唔太急需的衣架. 著實係一個不折不扣的大花筒. 屈指一算, Coquitlam 有Wal-Mart 有Ikea 有Long & McQuade 有Best Buy, 全部都係喺大溫地區有唔超過5 間分店嘅"名店". 儘管朋友們常常覺得Coquitlam 是鳥不生蛋狗不拉shit 的不毛之地, 但我卻覺得這是一塊福地.

Song Practice for English Worship... D 歌勁rock, 聽日實出醜啦. "My Redeemer Lives" 係繼"你對我的愛永不變" 之後彈到我差不多手抽筋嘅歌; 係咪我拎pick 嘅手勢有問題呢? 唉, 渣.

重返AWANA, 感覺有D 陌生. Should I stay next year?? 不過, 如果我決定讀CGA, 就大條道理榮休啦! 反正連讀Grade 12 / 1st year 嘅細路都成日話忙, 依樣make 唔到, 果樣又make 唔到. =p

思前想後, 終於抵受唔住引誘, 應了Nenson 的"邀請" 去Joey's Tomato 一趟. 多謝你加入我地嘅論壇, 更加多謝你的一餐:). Apple Pie 果然名不虛傳哩?

鼻敏感開始發作, 慘了.

Scenery of the Day:
喺教會中文學校壁報板上見到的圖畫; 有無人可以指點下我究竟果個"W" 形的物體係乜野? 喜歡Auntie Janis 的一句: 係前面定後面?


Song of the Day:
"吻感" ~ Ekin
吻感不敏感.

Yeah! Yeah! Yeah! T.G.I. Friday! 其實如果一個禮拜裡面只得四日真係好tense 咁工作, 而禮拜五番工得嚟會比較輕鬆D 的話, 一週都不算太難捱. 依兩日我覺得我已慢慢開始愛上4th Floor; 事實上依度D 人真係比較冷漠& 冷酷, 但依個亦係好處, 因為感覺上好free, 無皇管, 唔會有個manager 無時無刻睇實你, 自由兼自主. 之後再去番2nd Floor, 我估我又要重新適應過. 你話係咪搵嚟搞.

牛牛, 唔駛"恨" 喇! 我個free donut 已經化為烏有! 個Janitor 掉左我擺喺公司檯面果隻中獎杯囉! -_-" 究竟佢係好心定貪心呢? 唉... 中獎杯俾人chuck 左, 好唔"老泥" 架嘛! 講起"杯", 今日好無聊地諗, 英文裡面, 飲野果隻杯又係"cup", World Cup 都係"cup", 但係中文就有分"杯" 同"盃". 如果"世界盃"寫成世界"杯", 即刻cheap 晒, 哈哈. (有無人明我講乜?)

本來Cecilia 問我同唔同佢地食lunch, 但由於我今個禮拜已經食左兩餐比較貴嘅lunch, 所以今朝一早已經諗定平平地去食Tim Hortons 算喇. 去到Tim, 食Soup Combo, 本來要左Beef Noodles, 但無啦啦又話無晒, 逼住要揀肥到嘔又甜到死又"杰" 到暈的Cream of Broccoli; 本來要左Blueberry Fritter, 但係突然見到佢地有新鮮出爐的Apple Fritter, 就梗係要新鮮果款啦! 轉完又轉, 我懷疑自己變左好麻煩果D 客人. 點知, 臨走時望一望個餐牌, 見到佢地無端端又有我好中意飲的Italian Florentine, 再諗一諗剛剛飲完很肥仔的cream soup, 有被騙的感覺. 喺Tim Hortons 見到隔嚟檯個細路勁似妙手仁心裡面陳豪個仔阿Joe.

自從Len 搞左個無請示各部門的reallocation of sessional budgets 之後, 民間怨聲載道. 唔知佢會點樣handle 依個situation & 點同D 人撐呢? 我都有D 想學下野. 上班小感: 由細到大, 唔多唔少都會stereotype 左某D 人/ 某種職業, 例如, 醫生護士應該都會係幾好人的. 但自從做左Sessional Billing 之後, 要成日接觸D 醫生, 真正讓我覺得佢地好nice 嘅真係寥寥可數. 間唔中遇到一兩個比較有禮貌又nice 嘅, 簡直有若天降甘露; 然後我就記起, this is supposed to be what I expect from a doctor! 人越大, 越多夢想幻滅. 就如我阿哥都可以做"彭Sir", 就如倩姨都可以做空姐(kidding :D). 那麼, 我都或許可以做Accountant.

自從依幾日瘋狂崇拜Kelly 之後, 我就開始發下白日夢, 諗下如果我有朝一日真係一個唔好彩做得成Accountant, 我會唔會繼續留喺VCHA 呢? 想著想著, 我突然發覺原來我屋企個個都係公務員, 無人喺私人公司做的; 是比較沒出息嗎? 做人, 都未必需要大富大貴嘅. Btw, "公務員" 的相反是"私務員" 嗎? 咁番工嘅時候狂上MSN 嘅人算"私務員" 嗎?

牛牛, 我唔記得左喺公司print 你嘅心血力作呀! Darn!

Scenery of the Day: (以下相片會引起讀者不安, 小童需由家長陪同觀看)



狗狗呀, 狗狗, 你幾多日無去啊? -_-"

Song of the Day:
"7/4 (Shoreline)" ~ Broken Social Scene
唔明個歌名點解.

Foresee 到又係另一篇長氣Blog, bear with me. :)

懷著戰兢的心情番工, 唔知Len 同Todd 睇完我尋晚sent 嘅email 有乜反應/ 回應. Logged in, 打開Outlook, 飛快地glanced through new mails 嘅sender... "Len Goldsmith" - there you go! 不過,再睇一睇個subject, 似乎唔係果回事, 只係另一封叫我做野嘅email. Todd 就更加唔駛講, 梗係10 問9 唔應啦! 尷尬嘅係, 過左一陣Todd 打電話嚟問我野, 但係大家又無講果個issue, 奇奇怪怪的. 咁即係點? 不過, 既然佢地無reply, 咁我又暫且放低左件事.

今日好不幸地要12 點食lunch, 因為係同太太們食. 再訪I Cafe, with 型姑坐我隔嚟! 哈哈! 唔知點解好似自從我過左去4th floor 之後同佢仲講得多野左, 以前我硬係好怕佢咁. 佢好似電左髮, 不過佢D 頭髮係唔係都gel 到飛起晒架啦, 電唔電都差不多. 今日佢講野全中文, 好得意. *型* 我都幾enjoy 聽佢地講野, 講下老細, 講下屋企, 講下"舊屎", 好有味道(?!). 尋日漏左寫: 話說因為要應酬果封律師信, 所以我要過去問Betty 拎T4A 嘅copies. 然後, 我地就"足否"左喺個cabinet 隔嚟勁傾計! 究竟佢係咪比起以前友善左& 親民左呢?

喺I Cafe 有幸坐窗口位, 無意間望一望D 行人, 見到類似highschool Yvonne 嘅人形物體行過. 已經唔記得點解我同何瑪會叫佢做"ET" lu... 係因為佢太瘦嗎? 似乎太瘦同太肥嘅人都難逃被我改花名的厄運; I'm such an A.H. (是"Aarow Head" 嗎?).

下晝3 點, Len 臨放工時, 我終於收到佢嘅reply 喇! 哈! 估唔到佢都幾客氣咁回覆我, though 可能佢心底裡覺得我不知所謂啦! Anyway, everything goes, 佢話點就點啦, 雖然都係compensate 唔足架喇, 但實在感謝神.

難得一日放工之後唔駛補習唔駛打波, 諗住去Granville 街Long & McQuade 打個白鴿(thx 牛牛幫我打個"鴿"字) 轉, 點知好辛苦泊完車之後, 先知道原來間野搬左!! 我望住張notice, 呆左數秒. 就好似幾年來你間唔中都會去探一位朋友, 探下探下探下探下突然間有一次你發覺佢無聲無息搬左. 可能我實在太耐無提起興趣睇結他, 亦太耐無去佢隔嚟食cheesecake. Anyway, 白行一趟, 已經再無心機去研究佢個新地址. 把心一橫鏟過Granville 橋去Tom Lee. 差D 撞車, 係大撞果隻, 再一次thanks God, 喺我完全無意識發生緊乜野事嘅時候已經保守左我.

Tom Lee 好串的, Customer Parking 只可以泊20 分鐘, 都唔知睇得D 乜. 似乎果隻色彩斑斕嘅"Daisy Rock" 結他而家賣得好衡; Bean, wanna get one (http://www.daisyrock.com/)? Northern 嘅結他真係幾抵玩, $229 thick body 半電, 有點心動. 我心愛的Takamine 竟然賣到$549, 好過去搶.

又喺Downtown 蕩失路, 要睇地圖先識走. 一個Richmond 一個Downtown, 我永遠都係路盲. 經過Georgia, 想起我已經有幾個月無踏足Downtown 喇. 其實我個人都幾悶的.

無家想歸的孩子本來打算蕩去Metro, 不過最後走左去Hastings 的Value Village. Guess what I've got with $28: 燈芯絨褲x1, 打波背心x2, Nike 袋x1 (明益Nenson), 手挽袋(類似保齡球袋) x1. 嘩哈, 好滿足. 結果就唔駛再去Metro 喇.

如果你有能耐睇到依度, 我實在好佩服你. 繼續>>>

Treat of the Day:
"Crinkle Lemon Donut" ~ Tim Hortons' Donut of the Month
好香檸檬味架! Btw, 原來我一直串"Tim Horton" 都漏左個's'. 枉我當正自己係忠實fan.

Song of the Day:
"輸了你, 贏了世界又如何" ~ 優客李林
繼續90's. 當年喺深圳買的番版"優客李林精選"碟.
如果有機會見到我會想買番正版.
百聽不厭之作, 未聽過一定要搵機會聽下啊!
諗起Miss 當年嘅Best Friend, Winnie; 唔知點解我果陣成日都覺得佢個樣似林志炫, 好無聊, 我.
如果你聽過"認錯" 而又覺得林志炫把聲好勁的話,
你要聽聽"等待是一生最初蒼老"(又一超長歌名), 你會知道佢唔係勁, 係癲.
不過唔知點解佢地拆夥之後, 我又無興趣聽林志炫D 歌.
D 野係咁架喇, 正所謂, "差少少, 就係差少少".

一早起身, 如常喺沖涼嘅時候聽"晨光活現溫哥華". 通常何活權介紹嘅都係一D 我都唔知係乜水嘅外國歌手嘅albums, 但係佢今日竟然介紹Eason 嘅"Life Continues"! Eason 嘅魔力果然席卷男女直攣老中青, 通通殺個片甲不留. 不過, 從佢以前介紹嘅albums 嚟睇, 我都知道佢係比較鐘愛D 慢D 悶D 嘅歌架喇! 所以佢今日係選播"Life Continues" 裡面由Mark Lui 作嘅last track "想聽". Well, 個人嚟講我會鐘意Eric Kwok 作果D 多D.

Thanks God 我趕得切做晒D journal entries; 不過, 唔知Tina 聽日會唔會話我自作主張. 唉.

今日都係繼續帶lunch, 節儉的好孩子. "叮" 緊lunch box 的時候巧遇Kelly (嘻嘻!), 可能佢覺得兩個人stuck 喺細小的kitchen 淨係望住& 聽住個微波爐而又無野講會好尷尬, 所以佢就搵野嚟講, 仲要係我之後諗番都覺得好無聊兼搞笑的對白 -->
Kelly: I'M EXCITED... (我心諗: um?) I've brought pizza for lunch. (我心諗: HUH?!) (Kelly 一邊"把玩" 緊佢D pizza 一路講:) I've brought enough for 2 days (我略略數過, 總共有4 塊, 但唔係好大塊果D)... (跟住果D 我唔係好記得.)
哈哈, 西人真係... 好得意. 我實在覺得佢30 歲唔夠; 唔好同我講佢後生過我, 我會自卑的. So, 點樣由*10 個型* 大躍進到*100 個型* 呢? 好簡單嗟! 嘻嘻...

Tim Horton 嘅"Roll Up the Rim" 又番嚟喇! Yes, this time of the year AGAIN already... 今年的Grand Prize 終於再唔係GM D 核突車, 而係Rav 4! 可惜我今日中唔到架車, 只係中左個donut. :p

要deal with 嘅野越來越新奇, 今日收到一封由其中一個Community site forwarded 過嚟嘅律師信, 原來係其中一個sessional doctor 2003 年12 月時發生交通意外, 要claim "loss of income", 個律師就叫我地provide D documents & figures etc. I got 2 things in my mind: 1. 唔係嘛, 咁又關我事? 2. 個肇事車主慘喇, 好撞唔撞, 撞個醫生, 賠死!

臨放工, 突然鼓起勇氣, sent 左封email 俾Len & Todd 表白心跡, 將我嘅不公平待遇從頭申訴一次. 其實我都唔知點解突然咁有衝動做D 咁嘅野, 完全唔襯我timid 的性格. 坦白講我都考慮左好耐先sent, 就算而家都仲有D 擔心, 唔知佢地睇完有乜野反應, 會唔會覺得我好不知所謂兼斤斤計較. 我不斷俾理由自己去justify 我嘅申訴, 但係仲係有D 怕囉. 希望聽日Len 唔會搵我照肺啦! Pray for me... 10 個唉.

補習的時候Grade 1 小B 突然哼起一首結婚歌曲, 我愕左然, 然後笑住用國語問佢, "誰結婚啦?" 佢自己都忍唔住笑. So cute!

同Jessie say 個"Hi!", thanks for reading my 無聊Blog. 嘻嘻, 希望無得罪人啦.

Song of the Day:
"這麼好" ~ Eric Kwok
甜到漏.

今日終於都塵埃落定, Len 講明話我應該都要留多"A FEW WEEKS"; 我好坦白講話我仲以為係"A FEW DAYS" 添! 哈, 佢地抵晒啦! 搵個9 仔做R19 嘅野, 仲要價廉物美添! 依個世界真係...

吃了梁家的靚仔芋頭包做早餐, 謝謝.

Lunch time 終於記得去Artona 拎相, 今次終於拎到我要嘅野, 無pissed. 然後去左隔嚟的Canadian Tire, 買左D 家庭用品, 同埋一樽個樣好似好好味但係其實唔好味的西柚味汽水, 又一次失望. 可能依種汽水係用代糖啦, 飲完之後個aftertaste 好怪. 依兩日買親野飲都無好結果.

今日同Arlene 傾左幾句計, 發覺原來佢可能無我想像中咁老. 佢個大女28, 二仔就嚟26(仲要係遲過我生日果隻), 三仔先至22. 唔知點解之前感覺上佢D 仔女係已經出晒身果種. 可能食煙嘅人個樣真係老得快D? 嘩哈, 年齡嚟講, 我真係做得佢個女.

放工之後躊躇左好耐究竟去唔去二休食sushi 好, 最後選擇左食越南粉. 感覺係: 終於可以慢慢咁食越南粉喇! 平時如果lunch time 食, 就實係趕頭趕命咁食; 如果同團友仔食, 佢地又食得好鬼快, 我成日都包尾要佢地等又唔好. Anyway, 依間"煌記" 又真係幾好食, 個湯底好味過其他鋪頭.

打波... Christine & Vera 實在進步神速; 其實, 好似個個都有不斷進步, except me. :( That really bothers me you know? 好似我做每一樣野都總係咁嘅, 永遠都唔會做得好top.

Song of the Day:
"士多啤梨蘋果橙" ~ Twins
我叫媽咪如果得閒就去買D 橙番嚟,
結果佢買左橙, 蘋果, 柑, 提子, 西柚, 奇異果, 士多啤梨...
我地得3 個人咋播, 仲要老豆只會食上述的其中一兩樣.
Super Woman 果真令人難以估計.

一諗起又要拚搏五日, 心就一沉. 好耐未試過渣車番工的時候釣魚, 似乎BSS 的新碟真有催眠作用.

死做爛做似隻X. 其實我同阿Len 的溝通真係好有問題, 而基本上佢又實在太唔理我, 係完全唔理我生死果隻. 明明我需要個file 先可以繼續做我D 野, 點解佢又要等到lunch time 之後先send 俾我呢? 結果係點呢? 就係佢3 點就拍拍屁股走人, 我就留到7 點幾先走. What the?! D 野仲未做晒添播! 睇情況, 我March 1 都唔可以過去A/R 喇. 其實我唔係非常介意遲走, 因為可以安安靜靜自己做野其實都唔錯的, 但係始終條氣唔順囉! 講真, 我都未見過Michelle 遲走啦! Whatever; 就當我有責任心, 佢地無. 良心都無.

同Kelly 講左幾句野, 唉, 失禮晒! "Accountant", 嘩! 佢係第一個我親身認識到好似做戲裡面果D young professionals, 係實質同外型夾埋播! 10 個*型*

滿懷期盼去"齒留香" 買珍珠奶茶, 點知竟然係我近期飲過最難飲嘅Bubble Tea! 奶茶勁甜, 珍珠勁硬; 好失望. 不嬲佢地D 野食好好味架! 當然唔排除MSG 功不可沒啦.

今晚嘅dinner 係我今日嘅lunch, 亦都將會係我聽日嘅lunch; 勁節儉. 唔知今日會唔會係i cafe 執笠之前我地最後一次去呢?

夜晚老豆同朋友喺Tim Horton 飲coffee 的時候突然"心臟亂跳症"(個名好明顯係我作嘅) 發作, 我同媽咪即刻趕過去. 媽咪再一次展示Super Woman 本色, 我又諗起之前我送俾佢果張卡, 好襯佢! Anyway, 有一剎我都好怯, 唔知老豆會唔會有事, I'm not yet ready for these things... Thanks God 佢休息左一陣就回復正常, 本來打算去Emergency 做ECG, 最後都折返. 一家人, 點解要等到有患難先至close D?! ~_~"

Song of the Day:
"Scratch Music / Funky China" ~ DJ Tommy
The name says it all, 成首歌有90% 嘅部份都係disc scratching.
今日係我第一次好留心咁聽依首歌, 發覺D disc scratching 聲又幾型幾正幾好聽播!
懷念之前狂聽LMF 的日子, 其實我真係幾中意聽佢地D 歌,
但當然係乾淨無粗口果D 啦!
Rap 得言之有物的話, 真係唔錯的.

又一個禮拜; 終於可以番主日學& 崇拜.

責任感驅使我留下參加"會友大會". 雖然我係一個又懶惰又無大志又無恆心嘅人, 但係我somehow 都算有少少責任感嘅. 背著乜野身份因而要做D 乜野乜野, 通常我都會做得好足.

放棄了觀看soccer game 而選擇留守家中, 一來想賺取多點休息, 二來要在電腦前面開OT. 結果, 到現時為止兩件事都未開始進行, 反而無無聊聊"鬥" 了"最佳損友" 的結他譜出來. 已記不起上一次自己"鬥" 譜是何時了, 今天有幸再一次得著那種成功感. 巧合的是星期五晚跟Henry 閑談才剛說到我很久已沒有自己"鬥" 譜; 就只兩天, 又有了新發展.

未來這一個禮拜將會有很多challenges; 老實說, 有點害怕.

聽著案件重演在別人身上, 有點感觸.

Song of the Day:
"人車誌" ~ 陳奕迅
First impression: 勁似Juno 首"炸彈人".