唉, 訓到12 點幾, 訓左成個"對" 都有! @_@" 睇嚟我放假的日子真係應該約下人出街玩, 如果唔係都只會訓訓訓, 訓走晒D 時間.

今日嘅highlight 係約左阿菲姨姨(no more William 叔叔) 剪髮. 係啊, 我"又" 剪髮喇! 其實依幾日D 頭髮緩和左少少無咁鬈, 我覺得都OK 架(eh, 即係, OK 左啦)! 不過衰在之前William 叔叔無幫我剪短/ 剪薄, 所以個頭髮好大舊(that's the main reason 點解個頭會咁女人, I think)! 所以就決定把心一橫今日去菲姨姨度叫佢修番好個shape - 我嘅theory: 有時件事反正都已經衰到無得可以更加衰, 倒不如盡地一煲, 盡最後綿力睇下可唔可以帶來一線曙光啦! :p 結果, 嘩, 好好多! 似番少少我心目中想整果個樣囉! 即係短頭髮但有少少鬈鬈地, 型果種而唔係勁女人/ C9 果種(即係, 都係我自己覺得型嗟~ =_=")! 等到佢長番, 就會淨係得髮尾鬈, 又會變得比較女仔D. 簡直係魚羊REBORN! 哈哈哈! Random rap 詞幾句, re: 大家見到我個頭笑到反肚果壇野(試下啦, 中意點rap 咪點rap 囉!):
一次 喺呢一世人試過一次
將人地快樂建築喺你自己身上
捨身成仁
依一種嘅 偉大構思
未試過你真係要試
... eh... momoliu...

剪完頭髮之後, 選擇了兜遠路, 走走Panorama, 看看MA 的舊屋... 之後去左Noons Creek 山腳的Starbucks 買coffee. 一個人during the day 無啦啦走去買coffee, 實屬少見; 鬼咩, 我個"coffee mate" (飲得嘅?) 去到天腳底咁遠, 唯有同番舊朋友PYZ Kid 去啦. 不過, 一條冷, 就梗係買完Americano 就走啦. 英國的Americano (Europeano?) 會taste different 嗎? 又話唔食甜野, 唔掂啦, 又買左cinnamon straw - 真係好好味啊!

謝謝小黎keeps me updated with your whereabouts... 不過, 一大堆地方名, 我都唔會知道邊度打邊度; 愚昧的我丫嘛. Roman Baths, 大概是這個吧?
http://www.romanbaths.co.uk/
...When in doubt? Google it!
係啊, YM, 都咪話唔驚! 唔該妳快D 番嚟, 否則後果不堪設想!

Achievement of the Day:
"一起身, 就在you-tube 找一個叫"fishlamb" 的女孩的私人video。她錄了@17 的'never been kissed', 看到指法和彈法﹐跟著學了intro 。好玩﹗有空去看看她邊彈邊唱@17 的'衝衝衝'。七手八腳的 chords 她都不亂﹐而且還唱得很不錯啊... 這個女生好厲害。搞不好哪天被某星探發掘... 大家先認好﹗(video 跟音響有點 time lag﹐不知道為甚麼...)"
... 星探就免喇, as I always say, 彈下結他唱下歌, 大家開心咪算囉! 係咪? =)
話時話, 好在我當年唔係鬈髮look, 如果唔係, 我估佢會話, "YouTube 有個中年女人喺度彈'衝衝衝'..."

星期六可以安安靜靜留守家中, 多好!

Song of the Day:
"旅行的意義" ~ 陳綺貞

原來我尋晚臨訓前唔記得set alarm 呢!! 不過感謝神, 今朝訓到差唔多時間自己就醒左喇! AMAZING - 尤其是對於極度絕頂爛訓的我嚟講! 基本上尋晚係乜都唔記得做, 連電話都無差到電; 不過, 欠缺小黎的presence, 今朝嘅電話batt level 竟然都仲有80%! 到左而家, 用左一日半, 都仲有60%! 夠唔夠薑今晚都唔差電丫拿? 哈哈!

其實今朝打算8am 番工架, 因為今日下晝Finance Dept 有bowling event, 咁我又驚做唔切D 野, 所以咪諗住早少少番去囉. 點知, 又早唔到起身, 沖下涼搞下個頭, 結果仲遲過平時出門口! 不過, 因為星期五嘅traffic 通常都比較暢順, 加上我喺渣車的時候食左cereals, 唔駛之後再去買早餐, 所以8:45am 就番到公司. GLW 仲問我做乜咁早番到添! (Though I know it wasn't *EARLY* at all...)

繼續做埋尋日開始做的year-to-year variance analysis. 唉, 搞左好耐, 以為終於嘔心瀝血搞掂啦! 點知過左一陣, Laura 姐走過嚟同我講話唔係喎, 係要做previous yr 嘅yr-to-date VS current yr 嘅yr-to-date! 唉, 錯到不堪. So then I spent another 2hrs or so on it... *_*" 無能的魚. 希望份野生生性性過到骨(其實勁old blow...); sure 唔sure 搵我做係明智嘅選擇?! 計下計下, 番多3 日工就放假喇播, 實做唔晒D 野啦, 死梗!!

無放lunch break, 因為反正2:45pm 都會走人去bowling, 費事好似乜都無做過就走啦. 唔明點解又真係有人會選擇唔去架播? 一年先得一次可以奉旨蛇王, 當然要捧場啦! =) 好搞笑架, D 同事一去到保齡球場第一時間就湧去買酒飲! 搞到我都忍唔住買左杯Caesar; 無食lunch 的我, 此舉實屬不智. 我同大老細(Mr. G) 同一條lane, 仲有Uma 同JoJo, 同埋一個Payroll 嘅lady. 不過大老細好遲先嚟到, 哈, 我仲要高分過佢添! 睇嚟佢又憎多我幾錢重啦! 其實大家咁樣聯誼下都幾好丫, 互相打氣, 好似好nice 咁(雖然可能擰轉背就我插你你插我).

打完bowling 之後跟同事嚟左Coquitlam Insadong 食韓國野, 嘩, 熱氣到呢~ 不過都幾好丫, 同太太們間唔中約下食飯, 好似幾開心咁! 不過, 如果D 同事嘅平均年齡可以低番少少就更加好啦!

團契今晚睇"恐懼森林", 題材涉及Mr. G 播! Anyway... 套戲都幾好丫, 帶出左基督徒都有失落信心/ 質疑神的時候, 很寫實. 天父總不會嫌棄我們/ 丟棄我們; 就算我們重複犯錯, 祂仍會等待我們回轉.

啊... 原來Ernie 尋晚先出場喎?! 丫! 其實呢, 傻人呀, roaming 的時候send SMS 好似好貴架播? 有無check 清楚先架大小姐(還是大小姐都唔會介意果一個幾毫啦...?)?
So, on top of "emotional boundary"... Where does that lie? "女扮男生"?

UT...? 但係而家乜都未settle 播... 我唔係話阻止你, 不過似乎先諗清楚D practical issues 好D 啊.

有誰可陪我坐咖啡店啊...?

Song of the Day:
"18 相送" ~ HOCC
長橋行過 截停夜車 突然又想 一起坐船
航程完結 蕩回岸邊 又尋藉口 拖多半天
話長路短 走到那邊 又不想告別 再送遠點
在站前路邊 應該卻步了 還要坐進咖啡店
拖這樣遠 都未情願 親口說改天見
你大概知約會這 曖昧同伴 甜蜜卻不自然
回家這路線 只是緣份 某條延續線
兜多幾圈 終於會斷 這雙愛侶 差一點 卻未算

朝早番工, 無得嘈醒小懶星, 咁打算開個"Nat & Drew in the Morning" 嚟聽啦! 點知原來Z95.3 已不復存在! =( 取而代之嘅係一個新嘅電臺, "Crave 95" (http://www.95crave.com/). 好似係無人講野嘅, 勁播歌, 但係亦都勁多廣告囉!! IT TOTALLY SUCKS! I so miss Nat & Drew - 話晒都係YSL 介紹我聽架嘛, 好有情意結架! 連當年唔係好聽英文歌嘅我都認識嘅Z95.3, 竟然都可以執笠, 仲有乜野唔可以發生? So 慘...

終於都到左做Variance Analysis 的大日子 - 其實不如等我講解下究竟係要做乜野啦! 唔止一個人一聽到就聯想到statistic 嘅野, 其實又唔係播(btw, 我讀Math minor 的時候, 讀親STAT 都死的, 唔知點解!). 其實主要係睇番個financial statement, 睇下period-to-period 同埋year-to-year 嘅variances (講到懶pro, 其實咪即係"differences" -_-"), 然後解釋番點解會有果D variances. 而點解我一直咁驚, 係因為一來我唔熟識份financial statement, 一望落去成幾百行, 見到都想死; 二來, 根本D variances (尤其是sessional 果D) 都唔係我地control 到嘅, 我鬼知點樣解釋咩.

今日一開始的時候真係覺得自己heading nowhere, 仲要我初初worked on 尋日download 果份f/s, 點知原來今日又有一份新嘅, 有D figures 完全唔同晒, 初初仲以為前功盡廢添呀(幸好依個世界有copy & paste 的function)!

GLW 都算唔話得架喇, 叫我做Richmond 果個, 其實真係好簡單, 得果10 行數字要睇. 不過初初我都糾纏左好耐, 以為連飲茶都去唔到, 幸好有GLW 出手出口相助, 搞掂左period-to-period (又係PTP 喎!) 果個. 但係year-to-year 比較複雜, 搞到我今日留到5 點幾(遲過MNG 走) 都仲未搞掂. 唉, 無用的我.
謝謝各位的代禱, 我知道有用的.

同太太們去飲茶, 間酒樓廚房裡面個printer 壞左, 搞到我地等野食等左好耐好耐, 遲晒到! @_@" 咁我就梗係跑跑跑咁跑番公司啦, 點知原來個袋嘅其中一條拉鍊打開左, 一路跑一路係咁跌野出嚟! 仲要我一路都唔為意, 直至跌左個散紙包同買張SD card 出嚟先知道囉! 都算感謝神喇, 執得番最貴重果兩樣野!
放工之後, 心有不甘, 打算沿路再行一次, 睇下仲會唔會執得番D 乜or 至少睇下跌左D 乜野出嚟. 結果真係俾我見到:
1. 紙巾半包:

2. VeLa 套舞台劇的宣傳單張(後面仲寫左長途電話卡嘅code 架!):
... 感覺上好似玩緊WTF 嘅mini game 咁~ -_-" 不過仲有一包紙巾, 一包gums, 一支筆, 一支lip balm, 全部都下落不明. 或者根本我一早就唔應該去飲茶(remember I said I thought I couldn't make it?)... 好邪架, 成日都係一念之差.

髮型, 真係有影響的. 去Lougheed Mall 交Fido, 順道逛逛街, 發覺自己唔係睇便服, 而係睇番工衫/ 斯文嘅衫! 都咪話唔驚... 連咁嘅麥太頭都可以整, 彭盈姿睇怕都無乜野唔敢做.

嘩, 又有SMS 又有emails, 就像妳還在Vancouver; that's indeed surprising!

原來"睇YouTube 學結他" 嘅, 唔止得YSL 一個喎~ 怪唔知得點擊次數不斷攀升啦! 嘩哈哈!
總有些用處... 承讓, 承讓. =)

Song of the Day:
"Lost in LA" ~ At 17
幸好妳唔係同我去旅行咋, 如果唔係實蕩失路!
到時就真係要唱番首"Lost in London"...
Have fun, but don't party too hard & get drunk. =/

一早番到公司, 仲驚緊要做VA 唔知點死的時候, 點知GLW 唔舒服, 我一番到公司佢就走喇! @_@" 其實都唔知算好定唔好: 好嘅係, 我有一整日去handle 果pat North Shore sh*t; 唔好嘅係, 拖多一日驚多一日擔心多一日. 不過還是要感謝神俾左一日我去搞North Shore D "So Zhou Si"; 都唔知North Shore D 人搞乜架, 可以年年都轉cost centres, 仲要係fiscal year 開始左兩個幾月先嚟轉, 搞到有勁多手尾要跟. 唉, 大家可唔可以合作少少呢其實?

終於到左6/6, 妳終於都要走喇... 一路順風喇! 成日無啦啦胃痛的妳, 請小心身體, 唔好傻下傻下咁 - 雖然我知道Nam 一定會好好睇住妳的.
唔知究竟隻Ernie 會remind you of Chet 定係Fish 呢?
臨走前的一晚, 酸風醋雨喎! 嘩哈哈~ Bottom of the list?? 小黎 is really so Q cute. =)

小黎離開後對魚羊的影響...
1. 可以收埋個handsfree / bluetooth, 又或者可以將佢地長期擺喺WSB 裡面.
2. 電話唔駛晚晚差電?
3. 會早D 訓?
4. 無人幫我miu 爆老細.
5. 無人耐心地聽我blah blah blah; 雖然都應該仲會有人睇我blah blah blah.
6. 無得YH, 無得PT, 無得333; ah chur~ (無人同我講"ah chur~")
7. 無寵物仔逗我開心(雖然還有卡城小懶星及大懶星).
8. 無人用恐嚇的語氣去督促我做功課.
... etc etc etc...
去去去, 去乜鬼丫. :p

拒絕了M.A.; 無法啦, 唔想嚇死街坊. 就快喇就快喇, 等多陣~

讀後感: 藍奕邦的"平行路"; 用嚟做ringtone 係對的.

Leyond, 承你貴言; 不過影唔到個頭的, 哈哈!

大鑊, 部DC 好似有D 不對勁! @_@"
SONY 產品真係唔利我架!

Song of the Day:
"我會掛念你" ~ 陳慧琳
期望你會好好開始一天
臨睡我會以一張照片可再見

尋晚結果都令小黎失望, 無做到功課就訓左喇! =_=" 果然, 我就係我, 而家嘅我同以前嘅我一樣, 一樣咁懶. 無得救.

今日唔知發生乜事, 番9am 的我竟然喺P1 搵到車位! 學梁昌果句: 我有運行?! -_-"

番工真的很大壓力, 不過到今日都仲未開始做V.A. ... 唉, 越拖咪仲越驚. 發覺weekend 係我逃避問題﹑逃避工作的綠洲.

Realized that my help to you is really minimal... =( 其實我真係一個愚昧兼無用的朋友, 乜都唔知, 乜都唔識, 乜都幫唔到手. 興高采烈陪妳去買旅遊用的背囊, 仲反而越幫越忙, 俾妳媽媽話晒錢, 又話要return 又盛... 最後咪又係等大嘅出馬, 又要麻煩Vivi 拆掂佢, 借背囊俾妳. 唉, 搞乜...

"最後的午餐" @ Kamei; too bad that BBB couldn't make it finally! =/ You gals really should meet (其實唔知點解要meet, 可能都只係我一廂情願嗟?)... 有人有排都無得食日本野呢! 等妳番嚟再一齊食啦!
番番上去公司果下真係好鬼慘架.
33333 唔知有無俾人見到? 哈哈哈.

結果係6:30pm 上堂, 6pm 先困喺WSB 裡面做功課. Eh, 其實都唔係咁差嘅, 因為我之前有meditated on 份功課嘛~ 最後都做得切... 又係last minute work 咁囉! Um, 不如搵次唔好咁"mun" 丫?
老師今晚講ethical issues related to technology, case study 的時候我又有懶乖咁發言. 番左工之後的我真的好大分別呢 -> 至少無以前咁驚講野, 尤其是講英文吧.
Peer to Peer download, 咪即係PTP? 我同小黎都有喎! =)
又話戒甜野, 都係忍唔住買左Tim HortonS 的Fruit Explosion Muffin. *oo*

Yo~ 發噩夢, 駛乜驚~ 我會兩脇插刀奮不顧身不顧一切咁去pop 左妳個夢, 再一腳伸開騷擾妳的果位人兄.
唔好唔開心啦. =/
思想再怎樣都還控制到, 夢境卻永遠在控制範圍以外; 怎麼辦? 我們就如此束手就擒嗎?

Song of the Day:
"黛玉笑了" ~ 泳兒
離和合接受了 又拋低不了
...哪個為舊人哭 太笨了

很灰的星期一... 一起身, 諗起原來仲有兩個禮拜就要交paper, 又諗起好快就要做variance analysis, 仲有過兩日小黎就出發去英國... 加上天色陰陰的, 很depressed. =(

同GWL 講, "I went to church on weekend with my new hair, and my friends laughed their heads off!" 佢話, "Oh no... That wasn't too nice!" GLW 係好人來的(患難見真情嗎?).

補習學生的媽媽都剛剛電左髮, 佢話(in 國語), "你的比較嚴重..." -_-" Eh... 都唔駛用"嚴重" 嚟形容吧~

懶惰的人, 激到小黎紮紮跳; don't worry, 水深火熱要交paper 的時候妳剛好不在. 又一對妳好卻對我殘忍的例子嗎?

發覺近來自己真係食左好多甜野, 好似無論早午晚三餐都係食甜品(or 甜嘅野) 嚟充飢. 今次睇嚟真係要的起心肝戒口. ... 不過今晚都要食埋星期六買果個Capers lemon tart 先. *oo*

挑挑挑. 200,000 個挑.

Song of the Day:
"一時倦了" ~ 泳兒
... 就當一時倦了

***LWY 生日快樂***
我還是有心的.

當然唔少得Happy Anniversary to Bean^2 & Leaf^2! Happy hereafter~

番主日學又遲到, 俾龍爺當眾笑我個頭. 唉, I've kept in mind: what goes around, comes around.

Daisy, Ivan, 仲有表妹大駕光臨PMPGMBC! 大家見到佢地之後都不禁流露興奮的表情, 就知道BBB 有幾受歡迎呢!
有幾耐無同BBB 一齊崇拜呢? 之前就算一齊崇拜, 都只係天一個地一個(因為BBB 會坐喺臺上唱詩班), 好似好少真係一齊坐. I'm grateful. =)
聖餐, 有人喊到*oo* 頭咁喎! 傻人!

自己話自己喺溫室裡面長大嘅表妹真係超kawaii, 哈哈哈~ :D 點解我F.5 嘅時候都唔係嘅?

終於都去左"麒麟" 落訂; 大拿拿$1,000 啊! @_@" 仲有陳氏一家3 口陪我去添呢!

友和Sushi... To me, it's a place with many, many memories: M.A., GGG ("喂, 我車Sheffield 去拎車呀!"), 敵人, 黃Mon, BBB...
不過今晚的食物比較令人失望, D 生蠔好似手指公咁細隻, 然後好多野都話無(Toro, spider roll etc etc), 好唔掂嗟! 不過, 可以同一班好朋友get together, 應該比食物本身更加重要吧.
謝謝各位帶來源源不絕的笑聲.
True Confection vs Death by Chocolate; 無諗過星期日晚都會滿座, 難為了Leyond, 小環& GoGo. 懶係闊佬的我. 哈!

原來路經小黎以前住的neighborhood 呢. 西區, 唔係人住的; 係有錢人住的.

Song of the Day:
"友共情" ~ 古巨基