Got this from Evita's Xanga:

●幼稚園時代
01. 你的花名是什麼? D 同學仔未識改花名
02. 爸爸媽媽怎麼稱呼你? GG
03. 你就讀哪一間幼稚園? 聖彼德幼稚園(已執笠)
04. 你的初戀發生了嗎? 唔係嘛...?
05. 小時候的你乖巧嗎? 極度
06. 舉出3件搗蛋事? Snack time 幫手派餅點知倒晒落地; 對住個同學仔唱譚校長嘅"霧之戀"; 放學時大家泊番張凳埋去張檯度的時候, 我好似舉重咁舉高左張凳(然後俾老師留底左訓話)
07. 試過被爸爸打嗎? 無掛(小學的時候就有)
08. 試過被媽媽打嗎? 如上
09. 小時候的成績好嗎? OK 啦... 休左學半年然後一番學就考第二咁囉
10. 最喜愛哪一個科目? 其實幼稚園有乜科目架?
11. 最喜歡的老師是...? 邊記得
12. 最討厭的老師又是...? 如上
13. 每個星期的娛樂活動是什麼? 同大佬打交
14. 爸爸媽媽常帶你到哪裡玩? 公園
15. 和你最老友的是誰? 我好孤僻的

●小學時代
01. 你就讀哪一間小學? 基華小學
02. 曾就讀哪一班? 1A, 2A, 3A, 4A, 5A, 6A
03. 小學的成績還可以嗎? 還可以
04. 和你最老友的是誰? 馬穎怡, 邱"王玉"虹
05. 你的初戀發生了嗎? 跟萬變卡發生了
06. 經常到小食部嗎? 經常跟住同學仔去小食部然後問佢地拎薯片食
07. 最喜愛什麼零食? 紫菜(當時一包裡面有5 塊, 而家得3 塊), 媽咪麵, Honey Bee 糖, Twisties
08. 有參加過興趣班嗎? 渴望參加有關運動的興趣班(esp 足球), 但係鵝公喉的我竟然被逼連續幾年參加"唱遊組"
09. 在校內有得到過什麼獎項嗎? 太多, 不能盡錄
10. 在校外有得到過什麼獎項嗎? 唱遊組豬肉獎掛?
11. 喜歡你的小學嗎? 還可以
12. 最喜歡哪一位老師? 林老師(代課老師)
13. 最討厭的老師又是...? 好惡的王雁飛老師, 不過已經過身了
14. 試過被罰留堂嗎? 無, 不過試過在堂上睇Yes! 要見家長
15. 擔任過班長之類的職位嗎? 做過班長, 但其實我想做風紀
16. 記得小學旅行曾到哪裡嗎? 九龍仔公園, 大澳門
17. 記得誰人考試成績經常名列前茅嗎? 彭盈姿同學
18. 記得小學畢業旅行到哪裡嗎? 唔知點解無印象
19. 試過因為成績差而遭父母責怪嗎? 可能有
20. 幾歲開始和朋友去逛街? 小六尾聲

●中學時代
01. 你就讀哪一間中學? 協恩中學, Port Moody Secondary
02. 曾就讀哪一班? (協恩) 1A, 2A, 3A, 4B, 5B; (Gr.11) 唔記得; (Gr.12) Mrs. Frost 果班, 同梁昌一班
03. 覺得自己已是一個大人了嗎? 而家都唔覺
04. 朋友如何稱呼你? 無咁熟的朋友 - Cindy; 比較熟的朋友 - 彭盈姿
05. 和你最老友的是誰? 老鼠, Conny, April, Miss, everyone from HYS vball team, 何瑪
06. 在校內, 你最信任的是誰? 好朋友(唔通話係校長?)
07. 在校內, 你最喜歡的男性同學是誰? 我淨係識得一個男同學咋播
08. 在校內, 你最喜歡的女性同學是誰? 太多
09. 最喜歡哪位老師? 顏老師, Miss Carrie Li, Miss Lai-Fong Lee, Mr. DeVita
10. 最討厭的老師又是? Port Moody 裡面rejected 我入vball team 果個唔知Mr. 乜
11. 成績可以嗎? subjects specific
12. 滿意自己的成績嗎? 唔太
13. 平時考第幾? HYS 以每科科目計, 我有D 考頭幾, 有D 考尾幾
14. 你是一個受同學歡迎的人嗎? 因人而異
15. 你是一個受老師愛錫的人嗎? 還可以
16. 你最好的科目是? Eng.Lit., Math
17. 你最差的科目是? A.Maths, History
18. 你的初戀發生了嗎? Y
19. 曾暗戀過學妹嗎? 學姊可以嗎?
20. 試過被罰留堂嗎? Nope
21. 上課時最愛做什麼? 食糖, 抄歌詞, 傳紙仔, 畫公仔, 騷擾其他同學上堂
22. 初中/高中, 較過得荒謬? 初中
23. 後悔嗎? 你會怎樣補救? 唔後悔

沒有SPV 又沒有Todd 的日子, 特別醒神; 今日我"反而"無釣魚呀! 幾抵死:p. 今日喺公司食左好多朱古力, 簡直係慢性自殺.

Lunch time, 坐喺個位度食我自己精心炮製嘅wrap, 突然見到有new email, 原來係Josie sent 出嚟, 話剛剛收到消息樓下Car Park 有兩架車俾人break in. 雖然thanks God 我架車無出現喺個description 度, 但係其實我收到咁嘅消息都好shocked & 唔開心. 再一次意識到依個世界有幾危險, 有幾恐怖, 有幾壞. 食完個wrap, 好奇心驅使之下我落去car park 度想睇下究竟發生乜野事. 見到果兩架車, 我呆了. 兩架車都係成塊玻璃被敲碎, D 玻璃碎散落喺車內& 車外. 其中一架仲係泊正喺我架車對面呢! 又一次感到心寒, 恐懼感充斥內心, 兩腳開始發麻. 突然間, 依個我好似好熟識, 每日都會泊架車喺度嘅停車場, 一下子變得好陌生好恐怖(當時環顧四周得我一個)! 嚇得我即刻衝入電梯, 返回"地面". 走在街上, 我知道我眉頭鄒得好緊, 神情有D 呆滯; 我唔明點解個世界會係咁/ 變成咁. 一路行, 心理默默為果兩位車主祈禱.

放工, 落去car park, 見到果兩架車仲喺度. 然後我見到有個阿太好迷惘咁嘅樣, 我泊埋我架車喺一邊問下佢做乜. 原來佢架車泊喺其中一架被break in 嘅車隔離, 我估佢見到果塊爛晒嘅玻璃都嚇左一跳. 然後佢就話, 佢發現佢架車都有被人撬過, glove box 被人打開左, 不過佢就無唔見野. 言談間, 可憐的黑色Acura 車主出現喇! 一個好nice 的土生guy; 唉, poor guy! 三個人傾左幾句, 臨走前佢仲反而同我& 個阿太講"Have a good evening." 我估我個樣仲憂心過佢. 見佢咁positive 都好嘅. 見到自己架車完整無缺, 我先至醒覺, 原來每日放工可以渣住一架無穿無爛嘅車離開公司, 已經值得感恩. 珍惜你所有.

今晚喺團契又要領詩又要帶查經, 辛苦... 結果就係, 全部都blown 啦! :( #SAD# 今晚之後都仲有兩樣大野, 唉, 大件事啦!

團契之後仲要做埋柴可夫, 車左出Vancouver. 我有時都係一個好人.

謝謝Evita 的驚喜!

今日我有個結論係, 自從我keep 住寫Blog 以來, 我比起之前仲更加諗得多野. It's like I'm always trying to rationalize everything I've seen & experienced. For better or for worse?

Song of the Day:
"變變變" ~ At 17
第一次聽依首歌係聽佢地嘅"拉闊"版, 覺得無乜特別, 亦唔會話因為餓左佢地嘅新歌好耐所以好中意.
到今次聽原裝CD 版, 發覺完全係兩回事啊!
喺"拉闊"版裡面, Eman 把聲太硬朗, 同佢平時講野把聲差唔多; 可能就係因為咁, 我覺得"it's just another song".
CD 版, Eman 把聲"嬌"好多, 有D "小女人"味道, 更加能帶出首歌嘅意思.
一句"你OK~ 我OK~"真係百聽不厭, 每次聽都會陰陰嘴笑. "拉闊"版完全無依個效果架!
Ellen 最後果兩句唱得好好呀! 尤其是喺"拉闊"版, Ellen 無啦啦最後兩句要唱, 仲要得佢自己嘅結他聲襯托, 一有少少走音都會好覺眼果隻呢! 但佢竟然"出奇地"無走音, 好穩陣, 掂!

唔知係咪太耐無彈結他, 一彈番D 手指就勁痛! :( 尋晚死搵爛搵想搵"Don't Worry" D chords, 但試左一輪都唔係咁滿意, 所以最後放棄左. 點知, 今日唔知某一個moment 我突然醒起At 17 本Chord Book 裡面有依首歌架! 之前我因為未聽過依首歌, 所以無乜留意, 點知今日又會無啦啦記起. Thanks Miss 啦~~~ 頭先彈左一陣"Don't Worry", 我估依首"反而"會係成本Chord Book 裡面我唯一會彈到嘅歌囉! 因為依首淨係掃chords, 都唔算太難. 其他果D 歌, 唉... 唔係人彈架! Ellen 基本上係變態的.

買左新Coffee Maker 俾媽咪做聖誕禮物, 仲有timer 添架! 開心~

聽日SPV 唔番, Todd 都好似唔番, YEAH! 不過如果Emily 喺度會更加開心喇!

隔了十個世界.

終於翻開了"The Good Women of China", 翻到最吸引的一個故事; 但仍然是, *悶*到*抽*筋*. 我都係適合睇D 無聊書.

Song of the Day:
"無家想歸" ~ At 17 (eh, well, actually, Ellen)
第一次知道原來Ellen 識彈琴, she's absolutely CRAZY!!!!
Ellen 自彈自唱之作, 佢作左英文詞, 周耀輝再填多首中文詞.
梁昌prefers 英文版("I'd Go Back"), 我prefer 中文版.
可能我英文差, 我會明白中文歌詞多D (btw, I agree with Hippo -> sexual abuse?);
而且中文版有strings 伴奏, 襯托到悽慘的感覺.
英文版喺鋼琴以外果D guitar distortion, 其實都可以營造到慘痛回憶在腦內交戰的感覺, 但我會覺得D 聲音比較煩囉.
其實我覺得首歌嘅melody 有D 悶, 但係Ellen 全情投入聲嘶力竭嘅演唱令到聽者都異常投入.
雖然Ellen 把聲唔夠Eman 把聲咁fine, 但係你可以感受到佢好真心好認真咁唱.
我每次聽依首歌都會覺得心寒, 不宜過份投入.
更正篇: 尋晚我大讚Ellen 喺"青春"裡面嘅表現, 今日我再聽首歌時發覺我讚錯左:p. Actually, everything's fine UNTIL the song has played up to 3'00". 三分鐘後, Ellen 嘅情緒開始有少少失控, 誇左少少. 不過, "青春"仍然係我全碟至愛.

下晝飲茶, 勁飽, 我懷疑我喺一餐之內食左兩餐嘅份量. 多謝阿May 賞面wor!

Super Duper Duper Super Busy.

Song of the Day:
"青春" ~ At 17
新碟"變變變"Track#1, 完全吸引了我的注意力.
之前無意中喺收音機第一次聽到依首歌, 仲記得當時係同梁昌講緊電話, 佢話覺得首歌麻麻地, 但係我一路聽都覺得唔差.
唔知點解我一聽依首歌就會諗到海浪, 好中意個feel, 淡淡的澎湃.
Ellen 把聲唔同左, 唱得放左, 好得, 溶化了我.
不過我唔想佢地唱D 有sex 意味嘅歌... Is that inevitable though? :(
有興趣去睇睇樂迷的碟評:
http://www.littleoslo.com/cnt/home/

終於拎到At 17 "變變變" 喇! 多謝梁昌星 ("Leung Star guy"). 不過, 其實拎唔拎碟都係其次... 都係食老麥最緊要! 哈哈! :p 你估下?

下晝勁頭痛, 勁辛苦. 點解我唔可以有paid sick leave?? x__x 點解要死撐? 點解人地成日番工唔駛做野都可以攤大手掌逗人工? 點解? 點解? 做隻貓做隻狗...

食量繼續驚人, 繼續保持高於常人幾倍的份量. Oh my goodness...

Quoted from At 17 message board:
"在你們兩個中, 我是比較鍾愛Ellen的, 或許是, 我們都是"愛自己一人獨處吧!" 蓄短髮的日子身邊不止一個朋友說我和你相像, 外表相像麼? 沒有深研的興趣, 倒從書中看到用文字分享的妳與我確有不少相交點, 感受世界, 面對壓力." (message left by a person named Sharon C)
Ok... WHAT THE HECK??!! 佢就想! :p

Song of the Day:
"男子組" ~ LambDog
終於的起心肝拆開隻碟嚟聽喇!
之前喺收音機聽到依首歌已經覺得好感動...
非情歌而感動我嘅歌: "香港地" & 依首.
長大後驚覺自己無法回復當年勇的悲哀及無奈; 我也開始感受到...

SPV is back!!! 最後, 我就梗係無同佢講佢累到我禮拜五果日遲走啦! 唉... 無用的我, 我知道.

Lunch @Great Wall again, 因為受到Shirley 的慫恿. 唉, 無用的我, 我知道.

放工之後終於忍唔住去剪髮, 又係去剪髮學校剪. 今次唔係老闆娘剪, 果然有少少唔係好掂! 番到嚟洗頭就feel 到D 頭髮仲係*勁*厚, 唉! 開始有D 懷念William 叔叔.

打波, 打pat POO!! I suck. Whatever i do, I totally SUCK!!! Help me out... I want so bad to do better.

Wayne 仔 & JonJon: TAKE CARE! 世界有太多盲巫.

我食左好多好多野, 會變好肥好肥的肥婆.

Song of the Day:
"我知道" ~ EO2
Somehow, I like this song very, very much.

Volleyball game 1st playoff night 賽果: 喺有Sheffield 嘅情況下我地再打贏"長毛", yeah! 另外再打贏埋隊鬼佬, double yeah! 又估唔到到季尾我地會無啦啦有D 起色. 不過我今晚無一球開波開上手係開到過網囉! 點解我咁"渣"? 然後留低睇左一陣勁果6 隊比賽, 真係超勁! 恐怖... 原來Ellen 雖然肥肥地, 但係打得好好囉! 唉, 開始擔心其實我地打Gals League 係咪會俾人宰割.

一路順風, Anna 妹妹.

Nenson, 都係一句: 孺子可教. 不過唔好咁囂張就會仲好D. :p

Nice chat between PYZ Kid & LWY Kid. But how about PYZ & LWY?

Song of the Day:
"命硬" ~ 側田
Talented guy.