十分十分忙碌的一日, 好在尋晚都醒水12 點幾就訓左, 無謂俾D 無謂人騷擾. :p

補習俾Hebe 激死, 我覺得佢簡直無心向學, 自己放棄自己. 自己要爭氣D 先得架! 唉... Jeanne 個媽咪勁好人, 買左隔嚟嘉德堡的蛋糕請我食, 勁感動. 不過聽聞我減緊肥播... x_X" 補習補到喉嚨勁痛, I feel like I'm dying...

補完習喺架車度訓左一會, 超舒服~ 又中意食又中意訓, help me! 訓醒之後喺教會練歌, 上次復活節聯合崇拜避過左一劫唔駛彈超級tiring 的"Hear Our Praises", 今次終於避無可避, 要彈番喇! 但係我今日練的時候勁跟唔上又勁偷雞囉! 加上我又唔見左我至愛嘅Long & McQuade pick, 用其他pick 硬係好似跌下跌下想飛落街咁, 好危險! 希望聽日大步X 過. 話時話, 唔知點解我唔見晒另外果幾個Long & McQuade picks, 佢地同我真係好鬼夾得嚟. 練完歌再番埋AWANA, 我死了.

話就話決心開始減肥, 但今日都食左唔少野:
早餐: Iced Americano + 尋日食剩的半個Ham & Cheese Biscuit
午餐: Gogo 請的嘉德堡菠蘿包 + 補習學生請的品客薯片10 塊.
下午茶x pre-dinner: Soup Deal @Tim Hortons - donut
宵夜: 嘉德堡芝士蛋糕乙件(shoot...) + 檸蜜乙杯
咁搞法, 只會越來越厚肉.

超級勁敏感, 好辛苦. :(

Song of the Day:
"起飛" ~ 鄭欣怡

Guess what, 可能近期擠塞的交通實在太令我困擾, 尋晚我竟然夢見遠在Toronto 的牛牛! 夢見佢用電單車嚟車我番工囉! -_-" 超現實得有點離譜吧...

Lunch time 再有新鮮的配搭出場: Jenny x Cynthia x Emily x Fish. 一致贊成去左Kamei - 一間我經過無數次不過未入過去的日本餐廳. 嘩, 今日終於見識到乜野叫"大食": Jenny 同Cynthia 每人叫左價值$20+ 的食物, 簡直大開殺戒咁款, 而佢地又真係食得晒囉! 勁CRAZY... 連平時一撞埋就勁食勁食的Emily 同我都嚇得目瞪口呆; 強! 而我, 本來打算只係食個chopped scallop roll 就算架喇, 因為成朝已經不斷食野; 不過見大家叫野食叫得咁興高采烈, 最後我都屈服左, 叫左個lunch box, 而且梗係食晒啦! 可惜食完野我趕住飛奔番去office, 錯過了Emily 揭發佢身份的一幕! 哈哈, that must have been freaking funny!! :D Jenny & Cynthia 又真係好鬼搞笑的, 可惜我英文水平有限, 而佢地兩個加埋Emily 都係講野比較快果D 人, 所以我成日都聽唔到佢地講乜, 慘! 成餐飯都講英文, 好叻架喇. 唉, 點解會咁?

2 more weeks to go, 我要減肥!! 戒cheesecake, 戒ham & cheese biscuit, 戒正餐以外嘅野食!!! 嘩啦啦~~~

夜晚有Sisters Gathering, 好開心. 我覺得Titus 的氣氛越來越融洽, 希望繼續有進步. 我估我真的累了, 連Hermia 都問我係咪好tired. 諗住唔食野, 點知正餐& 甜品都食齊, 我估我都係無得救喇.

做左一樣好無聊嘅野: 我買左隻生日熊俾自己. -_-"

Song of the Day:
"大家歸瘦" ~ 楊千嬅
我條腰越來越厚肉, crap.

Another day... 好好陽光, 應該要開心D.

多野做到死; 如果公司肯出錢請我加班, 我一定會義不容辭留到8 點.

Lunch time 瑟宿喺車度食飯盒, 然後好閒懶地訓左個覺, 又精神又開心. 不過呢, 肥到成隻豬咁.

臨放工之前帶左梁昌上嚟公司個washroom, 最衰coordinator Larry 喺度, 如果唔係可以帶佢參觀一趟. 放工之後又去左Crystal Mall 食夾餅& 魚蛋餐, 又見到Timmy. 點樣為之幸運的人? 就係當佢行一條平時勁塞車嘅路的時候突然會好暢通, 又或者可以要求間舖頭用一條腸仔換一粒魚蛋; that's so crazy. 我受夠喇.

去左Metro 行行行, 仲去左打機; 第一次打機有人陪, 好玩嗎? Joke of the Day: 梁昌戴左帽之後勁似岑建勳(獅子頭?)! 笑到我肚攣... 今日裡面第一次笑得咁開懷. Thanks.

好乖, 有練saxophone. 好差, 勁swear. :(

爸爸媽媽在我不在的時候吵過架; 又回到我架衰車的問題上. Fine, let me sell it, ok?!
2002 Mazda Protege 5
78000 km, Auto, A/C, Power windows & locks, Sunroof, $15000 obo

Song of the Day:
"幾許風雨" ~ 羅文

可能因為依排天氣開始好, 好多地方都有修路工程. 但係我唔明點解佢地永遠都好inconsiderate 咁喺大家番工嘅時間嚟整路, 令到平時已經十分擠塞的道路更加水洩不通, 又令到平時已經失去耐性的駕車人士更加火滾. 我要好好控制自己的情緒, 戒掉駕車時候swear 的habit. 唉, what a shame.

番工, cleared 左好多疊之前積壓住嘅野, 但反而越做越唔知究竟自己做得正唔正確. 惶恐. 唔驚唔驚, 最多都係俾人炒嗟! :p

CGA 仲唔reply 我, 我就嚟想殺人.

Lunch time 同左Emily & May 姐去City Square 食飯, 新鮮的配搭, 都幾有chemicals. 希望遲D 有多D 機會啦! 其實而家A/R 勁多後生嘅同事, 可惜我英文唔掂, 同唔到佢地混熟; 唉, 我的命運. I'm such a shy gal, hahaha...

媽媽被人盜用credit card; 防不勝防. 但願D 人有良知.

Song of the Day:
"Unwell" ~ Matchbox 20
One of my favourites; 收音機播啊!

終於有機會食到Tim Hortons 的"Ham & Cheese Biscuit", 好味道(又嚟喇~)! 無錯, 我係Tim Tim 的忠實fan!

今日收音機播"14 號天空城" 的原裝英文版; 又令我想起卡文仔.

Welcome back, Emily!! 近期我D friends 都比較中意喺我面前訓覺呢. 希望你D jet lag 快D 過.

點解明明我幾日前先幫我間房吸過塵, 今日又已經鋪滿晒塵架?!

繼續覺得很累很累. :(

Song of the Day:
"相逢何必曾相識" ~ 蔣志光 x 韋綺珊
經典啊...
因為依首歌我愛上了蔣志光; 當年我小學四年級.
而家聽番, 某程度上首歌係老土的.
但依首當年曾瘋魔一時, 同時牽起合唱歌熱潮嘅歌, 竟然係由蔣志光一手包辦曲詞, I feel so proud of him! 哈哈哈!
最後coda 部分好精彩, 蔣志光唱得好好聽. :)
點解杜麗莎紅得起, 韋綺珊紅唔起?
小學的回憶... 謝謝Yau Kwok Hung 同學在我六年級生日的時候送了蔣志光的錄音帶給我.
有衝動想再寫信給蔣志光, 嘻嘻.

話咁快就5 月喇!

今日又有一個新嘅Chinese 男同事初來報到, Big D (= 惡死SPV, 我同事改的) 帶佢周圍介紹俾D 同事認識, 佢地passed me by, 同左Simi & JoJo 打招呼, 但無介紹俾我識, 我勁心寒, 心諗: Big D 唔係唔鐘意我到出晒面吧?! 之後果幾十分鐘我都活喺不安惶恐之下, 心裡盤算著點解Big D 會咁對我呢...? 點知, 之後我去printer 途中見到SPV, 佢同我講話一陣介紹個新同事俾我識, 仲話頭先佢帶個同事四圍行的時候我唔喺度云云-_-". Eh, excuse me, 雖然我今日著黑色衫嗟, 照計我咁大份無理由會睇我唔到囉! 佢地係exactly 經過我個位, 喺我身後同我隔嚟嘅同事們打招呼架播?! 世紀懸案... 令我都開始懷疑究竟我是否存在.

帶左飯, 唔想去Lunch Room(s), 結果落左去車度食, 搞到架車成陣飯味, 好難頂. 食食下的時候, 撞正Cecilia 打算落去架車度訓覺, 跟住佢就上左我架車同我傾左一陣計. 之後, 行左去Royal Bank 新址叫卡數; 唔知點解今日咁大風, 吹到我有D 暈暈地. 經過一間我番左工年半都未入過去嘅中國雜貨鋪, 買左牛油果& 朱古力味桃哈多. 結果, 一個下午我就差不多食晒成包桃哈多喇! 有D 憎自己.

夜晚去左West Sis 屋企食dinner, 謝謝西氏熱情的款待. West Sis 煮野食好好味啊! 晚飯間有剛剛回來的胡氏伉儷分享非洲訪宣之旅所見所聞. 世界的另一角, 女性可以如此欠缺地位, 居住環境可以如此惡劣, 人身安全可以如此奢侈; 原來世界這樣大.

晚飯之前睇左少少"喜瑪拉亞星", 終於有一套連我都覺得很爛的片, 雖然"四條煙" 果段超好笑, 笑到我勁流眼淚! 之後頂唔順轉左碟睇"Initial D", 我好辛苦先聽到周杰倫講嘅對白, 唔明點解佢會贏到新人獎; 陳冠希好靚仔, Bobby 又真係有幾分似佢播, 雖然僅限於某D 角度. 不過, 套戲咁樣鼓吹街頭賽車就唔係咁好囉! 可惜連陳小春都未出場就已經腰斬左喇, 遲D 唔知有無機會再睇.

Song of the Day:
"晴天雨天" ~ 蔣志光
出門口之前無啦啦心血來潮拎左兩隻蔣志光嘅碟落去架車度聽.
依首歌出自佢最後一隻推出的大碟, 碟名叫"創作路", 但其實裡面得幾首係佢有份作, 略嫌有D 造作啊!
一向都好鐘意依首歌, 可惜歌詞有一敗筆之處:
"才明白這就叫做愛"
哈哈, 可能我心邪, 但個melody 又剛剛好將"叫" 同"做" 分開左, 反而個"做" 就同"愛" 黐埋一齊, 每次聽到好'un' 耳. 失望!
Anyway, 依隻碟係我初中的回憶, 但係裡面又有何瑪寫的碟評, 百感交集.

Exhausted 到不止, 放棄了季尾聯合主日學, 選擇了多睡一會. 下季我會努力, 希望可以得到勤到獎.

又一個懶洋洋的週日下午, 看了"黑社會" 之後再看了"千杯不醉"; 仍未看"梁祝" 仍未看林Lamb Dog Talk Show, 梁昌想處決我. 下次...

戴夢夢都幾意得播! 都係比較喜歡短髮的女生.

開始有好多好多人問我幾時番HK... 其實有D 怕, 怕要幫人帶好多野番HK 俾依個俾果個, or 幫人買依樣買果樣. 仲記得舊年龍爺指定叫我去Sham Shui Po 幫佢買汽車cushions, 結果我真係有一個下午單拖走出去, 又唔識路, 搵左好耐, 買完之後抽住一大袋野番屋企, 又要packed D 咁puffy 嘅野入行李拎過嚟Vancouver, 點知結果番到嚟又唔係exactly 佢要果隻, 唉! 最抵死係原來我經常去蒲的女人街已經有得賣, 而且又唔係貴-_-". 其實我唔介意幫人, 但當我只有兩星期喺HK, 連我自己想去的地方想見的人都未必可以去得晒見得晒的時候, 幫人變成了很大的壓力. 再加上要juggle with 免稅額... 可能講到尾都係我自私啦:p.

Song of the Day:
"再見亦是戀人" ~ 孫耀威 x 車沅沅
哈哈, 孫耀威... 當年我同Tracy 的共同偶像.