很累, 勁唔想起身, 而且當我一想到要冒著喉嚨痛去教經常性令我嘔血的Ryan 仔, 我真係寧願訓多幾個鐘. 最後, re-scheduled 左補習去Tue night, 而我, 就訓到12 點先起身. 發覺訓得太多都係唔係咁好(雖然我都唔係真係訓得"好多"), 一整日個人都係渾渾噩噩, very unattentive, 渣車又行錯路; 一個字: 蠢!! :p

去左Metrotown 附近"re-torque" 黃小寶果幾條新tires - 原來只係一個2 分鐘的process! 枉我仲特登渣車出去 -_-".

Lunch @Boston Pizza - 期待已久終於有機會食pizza! 點知水準強差人意, 勁少toppings! 哎呀, 我一向覺得BP D 食物唔差架嘛! 謝謝梁昌出手闊綽, 出左大份.

唔記得究竟係我唔記得定係我唔知道今晚要6:30pm 番到AWANA, 搞到今日要勁"頻能" 咁去call 我D leaders. Inability kills me.

AWANA Adopt-a-Club night... 想起n 年前倩姨還在YVR, 100 個hotdogs & 1 座gym 的nice joke.

Mystery solved... 佩服暉暉的長情 - 縱然有點freaky. 或者每個人都總要有一個對象去投射內心的情懷.

頭痛啊... x_x"

Song of the Day:
"Song 6" ~ Daniel Powter
託賴, 解封喇!

"Certified" 真係一個奇妙嘅語帶相關嘅字. 我估當我有幸成為一個Certified 嘅Accountant 的時候, 我都已經certified -> x_X.

總覺得Manager 經過兩個禮拜之後D mean 樣開始現形. 唉... 都係果句: 我想平安度日! 相反, Margaret 真係超正囉! 佢嘅knowledge, 佢嘅態度, 佢嘅approach, 佢嘅教導, 全部都好掂! 我覺得一個好嘅老細, 唔單只要knowledgable, 個character 都好重要囉! Margaret 簡直係all-round 架! 就連平時喺公司基本上無乜講野嘅我, 都會好comfortable 同佢傾計! 10 個得! 可惜仲有兩個禮拜佢就走喇... :(

Josie's last day, 有點不捨. One of the few 鬼妹 whom I think is nice. All the best.

哈, 都唔記得講尋晚打波發生嘅羞家野: 無啦啦打打下突然間腳趾& 腳掌抽筋囉! -_-" 其實我D 腳趾間唔中都會抽筋, 唔知點解! 上次仲驚險, 係渣渣下車嘅時候抽囉! 事後我先夠膽話番俾當時我載住嘅Leyond 知道, 嚇得佢丫! 駛唔駛睇醫生架?

So 蠢! 番到教會之後先知道原來今晚團契之後要練歌囉! 然後我又特登番去屋企拎結他; 嘔電! 搞到成晚都頹頹地. 嘩, Leyond 帶查經呀! 始料不及! 覺得Leyond 今年變左, 比起以前involved 左好多; 繼續努力呀! :) Really appreciate your effort.

謝謝公主, 謝謝Bloody Buddy; you gals are so sweet! Bloody, 未有時間仔細睇每一樣野, but really, I'm grateful! :D

Song of the Day:
"面斥不雅" ~ 王菀之
而家先仔細聽佢舊年(前年年尾?) 隻碟, 發覺無我想像中咁悶!
王菀之把聲亦無我想像中咁尖 - 唱歌的時候. 又真係唱得幾好架.

Fish Chop Suey of the Day:

*雪*
又落雪(濕果隻). 黃小寶如履平地, 感謝神! 當然亦都感謝彭爸爸啦! 如果彭爸爸幫我出埋$$ 就更加好.

*脾氣*
發覺唔知從幾時開始, 渣車番工的時候無以前發脾氣發得咁犀利. 似乎訓少D, 早D 出門口, 點計都係有好處(對自己& 身邊的drivers).

*溫哥華沿岸衛生局*
今日聽新聞係咁聽到報導話出年"溫哥華沿岸衛生局" 將會有幾多幾多財赤, what a shame :p. 其實如果D 醫生唔係賺成$100/hr, 就唔會有咁多財赤啦! 一路聽, 仲諗住會聽到Finance 裡面一D 熟識嘅人嘅發言, 點知無喎.

*fanz*
... 不比FRIENDS 重要.

*9 型定格*
同意Bloody Buddy 的講法, 人的一生不會只有一種型格 - 至少10 年前的我一定不會是現在7 嘴8 舌的7 號仔. 不過無論點變, 每種型格都總會有長處, 有短處; 所以重點在於能夠取長補短, 有願意去改進/ 改善的心.

*Blenz*
Lunch Time 不想開飯, 只去了Blenz 飲coffee. 好豪, 把心一橫試左Matcha Latte (non-sweet), 真係好濃綠茶味啊! Good! 因為Blenz 有免費wireless 上網, 一入去已經見到有5, 6 個人埋頭苦幹咁用緊電腦 - 上流的Broadway 上班族? Blenz 裡面有fireplace, 好warm 好homey (like J.J. Beans), 不過D 位唔係坐得好舒服. 記得2+ 年前去A/P 考試果日嘅朝早, 媽咪特登同我去依間Blenz 買coffee 呢. *二休*
第一次同咁多人一齊去(其實都係4 個嗟!), 好在大家嘅反應良好. 懷念之前喺Tupper 打league 的日子, 冒險隻身闖進Main 街不同的食肆 - 賞心樂事也.

*Offside*
07 年第一場比賽, 亦係我第一次打offside. 坦白講, 我唔想; 但係講到尾我都no complain 嘅! 一來, 咁耐以嚟我都無打過, 輪都應該輪到我啦! 二來, 見到Vivi & Vela 打power 打得咁稱職, 我都無謂阻頭阻勢啦! 不過, 真係有點綁手綁腳的侷促感& 無力感, 唔知應該點打點發揮, the feeling that I hate!!! :( 整晚總提不起勁... 或者我新一年嘅目標應該係學識點樣做一個出色的offside. Sigh... 浪費了期待已久的比賽呢! 謝謝Sheffy 讚我, 我估全世界只有你會讚我; 謝謝 - 雖然我知道是假的. -_-"

*m&m*
謝謝"NUTS"; 同一廁格的理由? :D

*esioN*
OMG, 隊如其名 - 尤其是有Vela 的日子. 繼梁昌後又一人肉收音機.

Song of the Day:
"Maybe You're Right" ~ Barenaked Ladies
一次過咁去聽隻碟好似一個旅程.

Fishy's random thoughts...

1. 想去NYC, 但係好貴啊. 如果唔換tires, 就可以用D 錢去NYC 啦! 不過, 可能如果我唔換tires, 可能某一天就會無啦啦撞車, 咁就無啦啦用更多錢去整車, 甚至無啦啦無左條命... 唔, 咁都係換tires 好D.

2. 終於忍唔住手買左新router 喇!! 其實都諗左好耐, 拎起左又放番低, 最後又懶豪咁買左貴D 果隻. 但係, 一如既往, 到夜晚我都再訪Coquitlam Best Buy, exchange 番平D 果隻 (無return 已經好叻) - 拜某electronic techie 所賜啦. 唉, 講真, 我就算而家唔一次過用果舊錢嚟買router, 遲早都會將舊錢用左唔知去邊架啦! 所以不如都係買D 想買/ 有用嘅野... 成日都係咁嘅心態, 怪唔知得永遠儲唔到錢啦! :p

3. 我依D 電腦白痴, 意料之內當然係用左n 個鐘頭去set up 個新router. Shoot. I always wish I could be just a little bit smarter than I am.

4. 其實都唔知究竟新router 嘅performance 係咪真係好過舊果個. 又好似係嘅, 至少而家喺廳同basement 都收到signals. 唔該佢醒醒定定呀! Otherwise, 先殺佢再自殺(?!).

5. 見到我個名喺Jetsy 嘅2006 回顧裡面出現左兩次, 很感動, 然後又發覺依排我有少少冷落左佢. Sorry gal! 因為要set up 個router, 所以今晚同唔到你喺msn 傾計. Anyway, I'll see you tmr and we'll play against "極速馬尾" again!! How exciting~ 哈! Wish you'll be more positive in the New Year!

6. Jenny 唔知點解無啦啦辭職; 依期真係興辭職播?!

7. 聽到小學同學做節目. 唔知佢同女主播熟唔熟呢? 同類嘛... 哈哈.

8. 好對唔住我買左但係仲未拆封的CD 們: 陶吉吉"太美麗"; At 17 "Sing^3 Live in Concert 2006" (仲要係CD 同VCD 都未開); 陳奕迅"What's going on...?"; hocc "Our Time Has Come" (不過有mp3); Daniel Powter "同名專輯"... 我估我有怪癖吧?!

9. 哈, 咁都撞唔見Eva, 少有播?

10. 相對濕度 = 100%

... ... 仲諗住今晚可以早D 訓; 都係個router 累事. :(

Song of the Day:
"守護者" ~ 關楚耀
長廝守同捱悲喜
蒙著眼看世界 總也是甜美
當中不少驚喜 地球多得有你

又落雪... 今日仲要係喺番工時間落添! 不過就唔係話好誇張果隻囉. 但係好奇怪地, 前兩日我明明好早出門口, 但係路上就勁多車勁塞車; 今日我遲左出門口仲撞正落雪, 反而路上唔乜車, 好快就番到公司. 唔通D 人見到落雪索性連工都唔番?! (我都好想...) (好似中左頭獎?) Btw, 今日我係渣老豆架大Benz 番工呢! 勁恐怖, 根本都唔係車嚟嘅, 係dragon boat 嚟架!! 喺公司樓下泊車, 已經將架車泊得好入, 都仲硬係凸左個車頭出嚟. 我估呢, 買得依D 車, 真係要有$$ 到請埋司機先得囉(要戴白色手套的).

搵唔到街位泊車, 所以食唔到Tim HortonS 早餐. 硬著頭皮貪就腳去左Max's; 唉, 貴到丫! 好耐無食過cheese pocket, 好味道啊! 唉, 殘酷的現實就是, 好食嘅野永遠唔會係食極都唔肥嘅野. *oo* 連cashier 姐姐都話我肥左, 想死.

Margaret 真係勁nice 囉... 明明我做錯野, 佢叫我"don't apologize" (縱容??), 然後解釋番俾我知點解要咁咁咁. 不捨得. 仲有, 原來今個禮拜五係Josie 嘅last day 呢! Nice 嘅同事/ 老細都走晒喇, 如果有朝一日連隔嚟位都走的話, 我估我都走喇. 話說回來, 點解我會做錯野呢? 因為有D North Shore 嘅A.H., 之前要我改D 野, 但係其實改左之後又會令到system 裡面嘅reports 亂左. 點知仲抵死係, 今日佢先話原來改左都係錯架囉!! 仲好意思問我仲有無補救方法; 撥亂反正?? HELP!! Brainless. 睬佢都傻. 唔知點解呢, North Shore D 人真係奇奇怪怪架! 成日都唔知做乜咁, 但係又串到死, 救命.

嘩, 有人原來升職兼加薪呀! 恐怖的世界. 4 字頭係一件好可怕嘅事, 知道嗎? -_-"

又話說點解我今日要渣大老Benz (大佬Benz?) 呢? 因為擺低架車喺屋企, 睇下老豆會唔會有機會幫我渣去換tires. 到最後, 真係換左喎! 不過, 我亦都知道點解我之前拖左咁耐都唔去換, 其實我係逃避緊荷包將會被洗劫! 換一換tires, $700 喎!! 勁sad... 爆sad... 喪sad... 很沮喪. :( $700, 可以買支Takamine 12 strings, 仲有好多錢找. $700, 可以買14 個wireless routers. $700, 可以買兩部wii. $700, 可以買(you name it)... Maybe I should think about getting rid of 黃小寶. 希望D 新tires 會令黃小寶喺雪地唔會再顯得咁無能, 從而令我無咁憎黃小寶.

月底之前仲要re-enroll CGA... Another $600?? Gosh... 乜野世界嚟架?! 我依D 升斗市民咁樣點生活啊?! So wanna cry.

哈哈, 有不知名訪客? 多謝支持.

Song of the Day:
"正教育" ~ At 17
"kiss kiss kiss" 大碟真係好好聽!!! 仍然係我最喜愛的At 17 大碟.
... 謝安琪就真係"正教育" 變"性教育" 喇! :p
即使似隻豬 絕對未曾輸
... 我啊?

佩服Eva 的創舉, 厲害厲害.

無食lunch, 去左瘋狂購物, 哎呀! 不過, 真係好抵, $9.97 一個Samsonite laptop 袋, 係咪唔買唔得先? 左諗右諗, 最後都係唔捨得買wireless router. >_<" 唉, 算啦, 又唔係無得用. 排隊俾$$ 的時候見到前面個女人買到wii, 唔知點解佢會買到.

很差很差很差很差很差. 爆差. 喪差. 唔知做乜. 但或者係好事, care less.

似乎只有我喜歡我那最滿意的作品呢.

腰間很多肉.

Sheffy, 加油~

(Sorry, 今日無乜心機寫...)

Song of the Day:
"平行路" ~ 藍奕邦
永遠都不過來吧 時間會叫路途昇華
請珍惜這距離吧 沒處可變化
永遠只得眼神吧 已看到共同彩霞
真心可省卻閒話
任世間繁華 聚散中轉化

新一學期的主日學開始, 有一剎那想skip, 不過最後都扺受心魔的誘惑, 乖乖地上堂. 何太的眼鏡繼續戴到好低(有D 似老夫子); 其實何太講野都幾容易令人受落架! 希望我會俾心機, 上堂上得齊D 啦! This should be a fun class. :) 如果有豆或智或會更好.

大夥兒食飯傾計講開, 我先知道原來謝安琪係Christian 嚟架(sorry, 後知後覺)! 頓時令我比之前更加唔開心囉! 佢地仲話原來之前佢成日出嚟講見證, 又叫D 後生仔唔好有premarital sex... SIGH! >_<" ...不過, 調番轉頭, 如果我知道有D 訊息係正確/ 係好嘅, 但係我自己又未必做到, 咁係咪代表我唔應該去宣揚呢? 很矛盾. 不過, 當然, 佢咁高調咁去講見證, 倒頭來卻發生D 咁嘅事, 又真係影響好大嘅. 唉, SAD! 不過, 一直以嚟我又無特別覺得佢係Christian 呢. Anyway, 最差嘅事都發生左, 無野好講.

同Worship Team 進餐, 好開心. 大家係咁笑師母, "我鼓勵你..." :D West Sis 果然寶刀未老, I'll miss you when you are not around. 哈哈, West Sis 個B 叫乜好? 魏抄? 魏員? 魏君子? Jodie 第日個B 就叫朱義盛啦.

練歌, 唔得啦... 唉.

夜晚喺West Sis 屋企飲飽食醉之後, 黃小寶又走唔到! SHOOT!! 多謝Leyond, 西哥, 同無名鬼佬的拔刀相助, 最終都走出困境. 很後悔尋日又無去換tires... 又係咁.

尋晚夢見黃Mon 呢... 無所不談, 把臂同遊的close friends. 有生之年都唔會係吧? 可惜.

Song of the Day:
"Dear Fiona" ~ 薛凱琪