又訓到差不多下晝兩點; 不過, 我又真係幾enjoy 訓覺嘅.

3 days in a row 食薯條, 我估我嘅身形都係無得救架喇! 打幾多波都無用啦!

去Wal-Mart 晒相, 有見到好多無公德嘅人. 我足足排隊排左40 分鐘, 但係我用部機只係用5 分鐘囉! 點解D 人可以霸住部機嚟用, 完全唔理下line up 緊嘅人? 我覺得加拿大人真係絕對需要公民教育. 勁唔掂!!!

今晚係AWANA Theme Night, 睇左舊版The Lion, the Witch, and the Wardrobe 卡通. 我無睇過原著, 但淨係睇套卡通都覺得C.S. Lewis 將整個救恩, 甚至基督徒的掙扎都用metaphors 比喻& 描述得好好! 有少少期待coming up 12 月Disney 出嘅電影, 雖然佢地又未必會拍得咁忠於原著(套用Karen 口吻). 我有D 想拎番Form 3 Eng.Lit 讀嘅Prince Caspian 出嚟睇.

謝謝梁飯. Nice pants; dam. Are we 壽眉again?

今日終於聽到周國賢的"漢城沉沒了", 佢話依首係佢自己最滿意的一首作品(之前係"地下街"). 但係, 我都係中意"地下街"多D, upbeat 好多, 一D 都唔悶.

Song of the Day:
"Animal Instinct" ~ The Cranberries
無啦啦拎左佢地隻"Bury the Hatchet"嚟聽, 嘩, 好得!
首首歌都好好, 尤其是開頭連續幾首勁野, 好好feel!
其實"Animal Instinct"都未必真係我最中意的一首, 不過, 無時間慢慢揀, 搵track 1 頂住先啦!
梁昌星則suggests "Dying in the Sun".
By the way, "hatchet" 者, 林一峰戴帽也.

又遲起身, 好彩J.I.T. 準時番到公司. v

成日都無乜特別事發生, 直至夜晚去完團契食埋飯番到屋企...

當我喺basement 整緊laundry 嘅時候, 聽到"玩唱K 樂部"嘅本週挑戰歌係"明目張膽", 突然好有衝動打電話上去唱! 哈哈! 又竟然真係俾我打得通wor! 咁當然唔少得都要多謝梁昌星畫蛇添足的幫忙嘅=_=" 有得同阿橙真人對話, 有D 緊張, 有D 興奮! 一打得通嘅時候我個心係咁卜卜卜卜狂跳, 超緊張! 最後, 失望地我都未能發揮出應有水準, 做唔到台主添! 哈哈! 不過又真係幾好玩嘅! 唔知媽咪喺隔嚟房聽唔聽到? 好彩老豆果陣出左去飲coffee, 如果唔係佢又無啦啦拍我房們叫我收線就真係超級樣丙喇! 2005 年, 的確係我"括"出去的一年(大鑊, 依排打Blog 嘅時候我發覺我好多字都唔記得點寫!)

聽到好多放煙花嘅聲, 唔知今年有無機會玩呢?

As on At 17's homepage:
「變變變」at17演唱會 購票詳情公佈!! 由「人山人海」主辦,一連6 場「變變變」at17演唱會將於 11月29日至12月4日在灣仔壽臣劇院舉行,門票11月1日在各城市電腦售票網公開發售! 票價HK$ 280/ 180.
香港的朋友仔, 快D 代我去啦! :(
JKFEIJPQERQASDAQE

Song of the Day:
"紅豆" ~ 王菲
一向都無乜特別中意王菲, 雖然佢又真係唱得幾好.
河馬, 仲記得嗎?
"有時候 有時候 我會相信一切有盡頭
相聚離開 都有時候 沒有甚麼會永垂不朽"

咁又到禮拜四; 上個禮拜四做過乜我仲記得好清楚呢!

今日早左半個鐘起身, 因為要早D 番工, 因為中途要"鼠" 出嚟同Evita 影相. 雖然我只係早左幾個字出門口, 但最後係俾我預期仲要早番到公司! 或者我應該考慮下番8:30am, 交通順好多呢!

做做做, 做到11 點就行去影相個studio. 我都係第一次去studio 影相呢! 果陣影high school grad 相都只不過係間studio set up 左個portable 喺學校, 然後一定有D 挨柱or 托腮嘅poses! 哈哈, 真係諗起都覺得老土. Anyway, 個studio 原來好白好白架, 入到去個感覺好得意, 好似好唔實在咁! 有D 大鄉里出"醒"添! 哈哈! 好開心, 估唔到都有成9 個人出席, 雖然影一影都幾貴, 不過都值得紀念嘅. 嘩, 大家著到勁formal, 好彩我最後都唔係著老牛嗟! 吹氣結他大派用場, 而又估唔到大家都記得有佢嘅存在! 唔知幾時有得睇preview 呢?

影完相, 我突然間諗, 我發覺我依期做野都幾出心架! 例如, 團契小組拍劇, 我真係會特登print 晒譜, 練好晒結他先去拍我嘅shots. 又例如, 團契領詩, 我又會諗下有乜野arrangements 可以搞下. 又例如, 同Evita 影相, 佢一句"just be yourself and wear something that will help me remember you", 我就諗起不如帶埋個吹氣結他去(仲要拎住佢喺條街度行呢!). 諗落都幾高興嘅! 不過, 當然我仲有好多野做得未夠出心出力啦! 仲要繼續努力啊!

今日係Tina 嘅last day, 佢請我地食pizza. 大家食野嘅時候就梗係圍住佢, 又問下佢份新工點樣etc. 聽落佢又真係幾勁wor... 算啦, 人各有志, 我就係無大志果隻啦! Anyway, 唔知點解Todd 同Uma 都好中意佢咁, 又勁讚佢. 老實講句, 對於喺度做得耐過佢一倍時間嘅我嚟講, 真係有D 酸. 幾無癮架. 因為聽到Tina 話佢仲有年半讀完CGA, 心深不忿嘅我就打算去問下阿May 佢讀成點啦, 反正我見佢都悶悶地無無聊聊咁. 走過去, 同佢講左兩句之後我就話不如出去傾, 其實因為我真係有好多關於CGA 嘅野想問下佢, 如果留喺公司裡面又要講晒英文好唔方便咁! 又估唔到佢個反應好踴躍wor! And then there came a nice walk & a nice talk, 都幾unexpected! 其實同佢傾起上嚟, 佢都唔係咁cool /串咋播! 雖然我都未能忘記佢上次咁無禮貌唔回我email! 行下行下都行左半個鐘, 無乜冷場架! 希望今日係一個好開始, 第日都可以同佢多D 交流啦! 哈哈, Emily, 我得左喇! :D 我都為我自己踏出一大步而覺得驕傲.

今日個mood 都仍然係麻麻地, if not 每況愈下! 可能我越嚟越覺得自己對公司嚟講其實無乜價值囉! 實在肯定唔到自己的存在價值; 悲!! 唔通, 真係要試下Cathay?? -_-"

LamBo 最後都無去到Party 啦! 失望! 唉, 其實, 我覺得LamBo 令我失望嘅次數都唔少架! Um... :( 我的朋友仔們...

同溫哥華At 17 二號超級Fan Elaine ("頭號超級Fan" 就梗係我啦!) 喺MSN 兩次同一時間講埋同一樣野! 好掂! :D 搵到共鳴又真係好開心嘅!

Song of the Day:
"山頂. 公仔. 波板糖." ~ AMK
收錄於"請讓我回家"大碟內, 十年前出版嘅歌, 十年後聽番都覺得好正. 原來AMK 又真係有佢地嘅吸引力. 依首歌仲係麥海珊做vocal 添! 佢把好似咬住饅頭嘅聲真係好特別!
麥海珊的Blog:
http://www.aahsun.com/blogger.htm (勁野嚟架!)

尋晚實在super tired, 所以逼自己12 點幾就訓左(講到要"逼"咁慘, 其實應該係要咁早訓架係嘛??). 訓左7 個鐘左右, 雖然鬧鐘響嘅時候都係唔願起身, 不過今日番工時又真係精神左少少, 我個心都好過D, 哈哈!

早餐係16 Grains 麵包齋toast, 好好咬口, 食完應該唔會有*C*O*N*S*T*I*P*A*T*I*O*N*.

午餐有幸同梁昌一齊食, 今次終於唔係麥un 記, 而係麥當記. 有得你打包, 高唔高興先? 終於, after all these years, 有幸再食到Oreo Cappuccino McFlurry! 數下數下, 上次推出嘅時候應該都已經係4 年前? 但麥記又幾搞笑囉, 而家天氣咁凍先嚟玩McFlurry flavour! 搞到我今日都一路食, 一路震, 唔係咁過癮.

俾人當眾奚落, 都唔係太好受囉.

第三格廁所終於被搶救成功, 梁昌仲有幸去左一倘添! 個flush 仲好似勁左... 唔通係怕D 人無公德又搞到廁所塞(今晚做乜勁押韻?)?

買左clip-on 圈圈耳環, 條氣都順番D. 算係對我果隻同個發炎窿搏鬥左兩年都始終要除落嚟嘅耳環作出補償. 我對圈圈耳環硬係有D 情意結.

見到Emily 個Blog 有好多相, 好開心. 我希望我個Blog 遲D 都會有相睇. 多謝Hippo 的comment, 終於喺我識人嘅當中找到共鳴, 感動~

Song of the Day:
"普普洗衣樂" ~ 普普樂團
咁好嘅Band 真係唔應該執笠囉! 依首歌嘅outtro 幾有心思架!
大家得閒去睇下佢地個homepage 都幾得意架:
http://www.poppop.com.hk/
諗諗下, At 17 可以生存左成4 年幾, 都真係幾犀利.

我開始覺得佢地係唔會renew 我個contract. 真的要講句"算把啦!". 唔知點解依幾日番工個mood 都唔係太好, 又有D 覺得自己不受重視, 連自己都覺得自己"阻頭阻勢"... 不如我炒左自己算喇!

番工收到LamBo 嘅email, 佢竟然話有可能會見到Ellen!! 本來都值得開心嘅, 不過再睇真D 個email, LamBo 係寫: "Wednesday night there will be a L Party at PP in HK, Eman & Ellen may go with my friends..." 無錯, 係"L Party"! 我個心頓然一沉... D 人好壞架... 唉... Heart broken.

Lunch time 同Cindy & Sharon 去左細細間日本鋪食飯, 大家都係叫Lunch Box A! So, Em, you gotta come back quick & we can go there together again! Well, 如果我仲有得做的話... Anyway, 因為太飽嘅緣故, 下晝番工係訓到死左咁! 本來特登沖左杯coffee, 點知加左D 變壞左嘅cream, 搞到成杯都無得飲! 又係唔屬於我嘅一日.

補習之前喺Starbucks 個car park 訓到不省人事; 我都幾欣賞自己可以隨時隨地都訓到-_-". 見到我個Grade 1 學生仔真係搞笑, 我估我無乜教過咁細個嘅小朋友, 真係有D 難度呢! 其實, 我真係唔明, Grade 1 都要補習? 終於到左同Andy 的最後一堂, 我估我唔會miss 佢掛? 教佢, 其實都真係幾嘔血.

Thanks Em & her roommate for leaving all the comments! 哈哈哈! 我一見到有5 個comments 即刻以為又係D 無聊廣告囉! 其實點解Emily 明明喺加拿大出世, 但又可以睇得明晒我個中文Blog? Crazy... -_-"

Song of the Day:
登登登凳! 終於打破困局/悶局, 再唔係"Porcelain" 喇!
"有沒有這個人" ~ Kelly Chan
Lyrics page: http://www.coolmanmusic.com/female/kelly/kelly987.html
舊歌一首, 收錄於99 年"繼續愛我" 大碟. 無錯, 我果隻碟又係對上一次番HK 時買嘅老番. You know I know you know I'm bad.

又係星期一.

我越嚟越討厭份工. 仍然無人同我講究竟我仲有得做定無得做. 同SPV 亦越嚟越唔知點咁! 我覺得佢成日偷望我有無訓覺or so 囉! 衰在我又真係有釣魚wor!! 唉, 大鑊! 而家真係好似除左係等出糧之外, 番工都無乜指望. 原來Tina 已經搵左新工喇! 聽講個pay 仲勁過Uma 添!! 恐怖! 我都想要D 咁嘅工, 但一定無我份I know. #__#"

Lunch time 又聽左10+ 次"Porcelain"; 我諗我中毒已深. 其實係我嘅惰性令我唔想費神去聽另外嘅tracks, 還是我真係中意首歌到咁嘅地步?

MetroTown... 終於買到"香香野"! :D 不過見到嘅野真係有D 令我不知所措, 搞到我目光亂射, 語無倫次, 樣衰衰. 唉! 搞乜?

好悶的volleyball game, 不值一提. I knew it beforehand already, since I could sense that it wasn't my day. 萬片希望在明天.

原來戴閃鑽耳鐶真係會被人睇到的, 哈哈!

Song of the Day:
唔駛講啦, you know I know you know... (another direct quote from "Porcelain")

恭賀約書亞團勇奪聖經問答比賽冠軍!! :D 多謝眾團友又留給我一個美好回憶. YOU GUYS ROCK!!! 搞笑係, 星期五晚"預賽"嘅時候, 基本上係無人識答任何問題咁囉! 其實當我一開始知道教會有聖經問答比賽, 仲要每個團契派15 個人參加, 我已經心諗依次死梗! 點知, 估唔到星期五晚之後大家真係有"的"起心肝溫書囉! 其實我自己都唔好得好多, 都係星期六晚先真正開始溫, 仲要無背到金句添! 真係估唔到大家咁掂, 又肯去溫去背! 我依塊老餅感到份外感動! 比賽真係峰迴路轉, 最後我地只係以5 分之微(out of 7000 幾分) 贏左Titus, 勇奪冠軍. I'm so proud of my 小團友仔們. 以後都要繼續努力呀! 嘻嘻, 有人讚我叻, 開心(不過唔可以驕傲, 如果唔係Miss 會鬧! 哈哈!).

不過, 今朝我就做左BAD KID 喇! 一起身已經係9am, 即係已經番唔到Morning Worship. 本來時間剛剛好可以番主日學, 但我又未預備好我要教嘅主日學, 總之就一塌糊塗! 最後, 我係去左老麥度預備主日學囉! 唉... 好慚愧! 出奇地見到梁媽媽& 梁弟弟, 其實當時都唔係一個好嘅時間去同佢地chit chat, 不過, 算啦! 果然梁媽媽都係一部人肉收音機, 厲害厲害! 不過都厲害唔過個樽D "積". 勁.

老師仍然罷工, 仍然無得打排球比賽. 同左梁昌去食Fuji Sushi, 好好味! 終於都試左個Sake Mussels, 同埋個賣相好靚嘅Udon, 不過我覺得個Udon 麻麻地. 之後仲去左食我成年無食過的Death By Chocolate, 仍然好食, 不過有D 過飽(& 過肥). Americano 好好飲. 謝謝梁昌的XBox & 新game, 希望你refund 成功.

乜野街? 咪就係咩野街囉! Am I cheap? :p

Song of the Day:
"Porcelain" - 仍然係無得頂的一首歌, 用埋headphone 聽仲會聽到兩邊嘅結他聲係唔同嘅! 超水準之作, love it CRAZILY ("isn't it enough?")