在HK 的最後一日, 沒有約任何朋友仔食午飯/ 晚飯, 乖乖的10 點幾起身, 收拾好所有行李. 也真夠誇張, 一個人, 兩個滿滿的"0急", 再加一件手提行李, 再加一部laptop; 想同人講我無瘋狂購物都唔得啦! 不過, 就只梁昌的東西都已經took up 左半個luggage lu. :p

同2 叔2 嬸3 叔3 嬸& 4 叔喺Tung Chung 飲左一餐告別茶. 4 叔勁多野講, 勁似經紀佬, 都唔似彭家其他叔叔嘅?! 下午, 悠閑的跟2 叔2 嬸逛Tung Chung 的商場, 從來都未試過呢! 最後晚餐係喺"大家樂" 食, 兩個餐已經夠3 個人食, wow.

沒有Internet, 我終於先至有機會睇"半醉人間", 都唔錯播! Thanks Nenson. 半夜, 打算唔訓, 結果撈電視汁撈到大概5am, 不過最後都有訓覺. 無線翻炒"極速傳說", 原來有陳豪做黃毛臭飛架! 張柏芝好靚. 原來而家仲有"日本風情畫" 呢!

跟Grandparents 於電話裡告別, 比較好一點. I'll be strong.

Song of the Day:
"極速" ~ Ekin
頭要由尾擺...??!!

一日之間黃, 紅, 黑暴雨警告都出齊, 算甚麼鬼天氣啊? 繼續行雷繼續閃電, 好大聲的, 好驚.

約左卡文仔食lunch, 又回到了Plaza Hollywood, thanks for the lunch! 難得一個Young Professional 仍會口口聲聲話好掛住讀書的日子, 令我格外感動. Hey gal, 定性啦! 我都好耐無影過photo cards 喇, 都唔知道而家嘅卡係會出兩張唔同款嘅! COOL! 多謝你俾左得意D 果張我啦! 期待你年尾過嚟Vancouver 啊! :)

終於買左馬馬紙巾套俾3 嬸. 掛住我個龜龜紙巾套. 話時話唔知老豆有無"借" 我架車嚟渣? (一定有!)

旺角, 旺角, 旺角. 原來我除左無去到石板街之外, 仲無去到赤柱, 連去LKF 的最後機會都無埋喇! Too bad... 又等下次?! 今次仲連K 都無唱過添呀! 喪慘!

喺彩虹地鐵站見到有個伯伯玩xylophone, 勁!

夜晚番左Grandparents 屋企食飯, 係我依個trip 最後一次見佢地喇! :( 仍然會無啦啦眼濕濕; 還好, 今次只有我同佢地兩個. 佢地今日仲特登走去百街買左D 餅& 糖叫我帶番去請朋友食, 而佢地平日係永遠唔會去百街買野架! D 餅都唔輕架... :( 老人家的心腸... 飯後3 人坐在沙發上看電視, 就像小時候一樣. 離開的時候仍然落好大雨, 想起Aaron 的舊歌"是雨還是眼淚". 在港的時候總騰不出時間陪他們多一點; 離開的時候總覺得我應該可以陪他們多一點. I miss them already. :(

跟Janet 約好了在地鐵站"交收", 想不到一企就企左差不多成個鐘! 好耐都無試過咁樣喺地鐵站傾計喇! 神學生, 繼續努力! 趕頭趕命去到新城市廣場, 以為可以趕到尾班shuttle, 點知都係趕唔到囉! *激氣* 最後一晚終於試新野, 大發現係原來新城市廣場樓下真係有果架88K 搭架! 不過我差D 上錯左對頭車呀! Thanks God! 唔駛喺火炭站行番屋企咁遠, 都算抵嘅.

最後一晚住駿景園喇! 不捨.

兜兜轉轉多時, 終於報左CGA 喇! 未見官先打$420 大板! 加幣啊! :( 破產了.

Song of the Day:
"單車" ~ Eason Chan
難離難捨 想抱緊些

Miss 終於無再無啦啦SMS 我話唔得閒食lunch 喇! Thank you! 我都已經唔記得原來個"To-do List" 上面有咁多野嘅呢! 可惜好多似乎已經無機會可以實現, too bad... :( Thanks 4 the 味千拉麵@apm, 一次過滿足左兩個願望. 給你親眼證實了我扭蛋的惡運, 恐怖吧? :p

又去左旺角遊蕩, 去左花園街然後到波鞋街再到旺角中心, 可幸今日已經無乜購買慾, 仲買錯左野添. 最終都未去過石板街呢! 只懂在旺角蒲的井底魚, not as cool as 梁昌.

行完一大輪都仲有大把時間先到7 點半, 決定又搭車入番沙田拎智能身份證. 過程十分順利, 張相就... Well, 同平時一樣樣, 一樣樣衰囉! -_-" 火車上見到一個"火車阿叔" 拎住部PSP 玩Winning, 厲害!

拎完智能身份證, 出番9 龍都仲係有大把時間, 我就梗係會選擇遊地鐵河啦! 路線為: 9 龍塘-} 油麻地, 油麻地-} 調景嶺, 調景嶺-} 太子. 最後果兩程因為都係喺總站上車, 所以有位坐, 結果兩程我都訓到傻左(就算架車裡面後來勁多人勁逼人), 差D 仲挨埋落隔嚟個地鐵阿叔度添! 懷念在Vancouver 喺黃小寶裡面訓覺的時間. Moment of the Day: Before 我決定遊地鐵河之前, 本來我打算喺太子站坐到夠鐘, 不過坐左一陣之後, 發覺又悶又熱, 所以就喺架車臨關門前跳左上車. 上左車之後四圍望, 發覺有個人咁熟口面喺度玩緊PSP, 原來係我大佬囉! 記得舊年有一次遊地鐵河的時候我喺調景嶺站撞見Janet, 今年就撞見我阿哥... 但願佢兩個唔好撞到:p 之後仲喺太子站見到我阿哥個friend 添. 可惜, 番左嚟3 個禮拜都未試過撞見我自己的朋友.

謝謝Irena 幫我約人, 好開心見到你地每一個啊! Thin^2 越來越"豪氣", 好驚; April 繼續係麵包超人(believe me, 佢仲似過我!); Irena 繼續係一張紙; 大舊瘦左好多; 家霙& 靜怡同舊年都差唔多樣. So glad that we could still tune in, 多謝俾面. You guys will stay on my "Must-meet" list for sure! 希望下次有機會一齊打波; 希望到時我會再瘦多少少.

我今日又食左爆多野喇! 仲要唔肥仔果D 都唔食! :( 今晚又行雷閃電, 不過我而家知道佢地嘅成因喇! Yeah!

Clip of the Day:
就梗係我嘅sax solo 啦! Warning: mistake occurs at 1'34", 唔好嚇到彈起, 有D 心理準備好D 嘅.
http://www.youtube.com/watch?v=-v0p6GgWfF8

Song of the Day:
"露絲瑪莉" ~ hocc
在晚飯的cafe 聽到的, 忍唔住跟住唱.

今晚大家都好早訓呢...?

遲到半個鐘, 有點過份吧? Decent 的Pokka 餐, thanks.

又去花園街掃貨, 又變了C9. 財散人安落?

火炭-} 沙田-} 旺角-} 沙田-} 旺角-} 沙田-} 火炭, 很累. 謝謝Velma 姨的一餐. 最後一個在HK 的星期三, 有幸又趕得切番屋企睇"勁歌金曲", 不過我已經無咁興奮了.

假期的最後幾日, 開始擔心好多野: 究竟我要執房執幾耐先至會夠位擺到晒我買嘅野? 究竟我番到公司會做邊個post? 究竟讀CGA 要幾出力? 不想面對, 終需面對.

1am 了, 仲要沖涼仲要洗衫仲要send email 俾媽咪仲要報CGA...

Song of the Day:
"Dying in the Sun" ~ Cranberries
在波鞋街聽到.

嘩, 六六六播! 世界末日還沒有來臨though.

連續第四日早起身, 3 嬸帶Grandpa 去抽血, 而我就負責帶Grandma 去又一城會合佢地一齊飲茶, 最後竟然3 叔都嚟埋(supposed 番緊工), surprised! Grandpa 真係好醒目架! 希望佢乖乖地唔好再亂咁食野啦!

飲完茶之後我去左花園街, 嘩, 勁(喪) 掃貨! -_-" 不過熱到不止, 勁出汗, 數日以來我再一次覺得我係會瘦的.

夜晚同阿哥去左大姨屋企食飯, 唔記得買禮物上去, so stupid! 初初都有少少覺得麻煩, 因為大姨住果度勁唔就腳("小西灣"), 我又好似同佢果邊D 人唔係好熟; 點知, 去到見到大姨整左勁多"送" 俾我地食, 內心不免責備自己一番. 見到表哥表姐D 樣都無乜變, 反而佢地就話我變左好多. 無啦啦原來我已經變左一個有3 個表姪嘅表姑姐, so funny! 而家D 細路年紀輕輕講野就已經好老積, 好得意:) 見到佢地一家人好鬼熱鬧好鬼開心好鬼warm, 我都感染到佢地嘅快樂氣氛. 大表嫂個樣& 感覺有D 似Sheffield, 好好人的. 飯後彭基立仲叫我陪佢去LKF 飲野, 好在最後我都堅決唔去: 1. 實在已經太夜喇, 我唔想2am 先番到屋企; 2. 老實講, 我唔想我嘅第一次(落LKF) 係俾左我大佬囉! -_-"

Song of the Day:
"最後的茱麗葉" ~ 容祖兒
通街熱播. 總覺得首歌裡面某個位可以接落hocc 首舊歌"花迷戀" 度.

"去玩 去癲 嚟Ocean Park..." In fact, 我今日喺海洋公園裡面真係聽到依首廣告歌, 很懷念. 腦海裡面記載了兩次海洋公園的遊歷: F.2 的班際旅行& F.5 臨移民之前同教會朋友仔去玩. 9 年了. Some highlights:
1. 一開始就玩"滑浪飛船", 搞到半條褲濕晒, 不過係幾好玩嘅. 上船後不久接到Bean Bean 的電話, 然後我同佢講, "我玩緊滑浪飛船呀!", 情形就似我打俾靚仔然後佢話佢電緊髮一樣. 之後買了"俯衝相" 給Alvin 做生日禮物, 雖然係覺得好呃錢, 不過都算有紀念價值, 況且幅相影得Alvin 幾靚仔, 哈哈!

2. 第二樣係玩無360 度大迴環的過山車; 好驚! 其實唔應該咁驚的, 可能我未warm up 掛? 我估如果我打開眼玩會過癮D.

3. 仍然記得F.2 果次去Ocean Park 的時候有一個車仔檔賣刨冰, $18 each, 淨係得冰同粉紅色汁果隻, 我記得當年我食唔起的. 今次, 我覺得D 野嘅價錢比較acceptable, 至少我地嘅老麥午餐都不差. 不過樽裝水仍然好貴, $14 一支Bonaqua, 好過去搶. 日清精品好平, $18 一個日清仔環保袋, 仲平過我之前買果D!

4. 水母館果然名不虛傳! 雖然之前喺Balcarra (唔識串) 都見過好多好大隻的水母, 但我今日先知道原來有好多種水母的. 值得一讚係水母館裡面所選播的音樂, 又真係幾切合D 水母嘅動作播!

5. 海洋館雖然已經唔係新野, 但都好壯觀! 望住形形式式嘅魚, 奇形怪狀乜都有, 實在不得不讚嘆神創造的奇妙. 我寧願相信有一位創造主創造這一切, rather than...

6. 玩果個有360 度大迴環的過山車的時候, 個頭不斷撞向lock 住上身果舊野度, 仲撞到耳環添! 好在而家都無痛. 在車上想起Zero.

7. 睇海洋劇場的時候我訓著了.

8. 熊貓有55% 時間休息, 41% 時間進食, 4% 時間做其他野. 我地今日竟然有幸睇到佢(佢= 唔記得係佳佳定係安安) 做"其他野". 紅色的, 很恐怖-_-"

9. 9 年後玩海盜船仍然害怕, 只好坐正中間果行. 結果, 全程我都睜開眼嚟玩, 唔驚, 但係之後勁頭暈.

10. Thanks God, 沒有如天氣預告所講的落雨.

11. 可惜Anna 妹妹無嚟到, it was so fun!

12. 好鬼多細菌& 細菌豬, 拖手的. :p

13. 好累好累好累好累好累! 而且仲要超sticky... @_@"

去完Ocean Park, 今年大家還有意欲去Playland 嗎? 不過我都好多年無去過Playland 喇...

夜晚"終於" 有機會同何老師食餐飯喇! Thanks for the dinner! 之前沒甚期望, 但turned out 唔差啊. 放心, you're still on my "must-meet" list. :D 謝謝那閃令令Pinocchio tee as well.

11 點番到屋企, 算早喇. 將我覺得暫時唔會用的物件/ 物體執晒落新買果個"0急" 裡面, 好有成功感.

Song of the Day:
"Ocean Park 廣告主題曲" ~ ?? (邊個唱架? D 英文好準架播!)

六四事件17 週年紀念, 但我只顧遊玩. Last week 了...

嘩哈, 尋晚鬧鐘都無較就訓左, 但今朝竟然連震機都震得醒勁exhausted 的我, 神蹟. 背棄了喜樂堂, 跟黃仔& Alvin 參觀了恩福堂, 平生第一次參加一間有7000+ 會眾的教會. 總括來說, 我都係鍾意細教會多D. 其實都唔可以用人數嚟衡量一間教會的好與壞嘅.

終於將支20+ 磅重的saxophone 物歸原主, 好咯好咯. 究竟Alex 仔係咪特登唔接我電話呢? 一個謎. 我都唔係咁討厭嗟?

謝謝BB 帶我們遊歷山頂, 已經9 年沒有去過了. 蠟像館都幾值得去, 劉德華造得最似最型.

拎左新0-0, OK 播... 其實咪即係似番一年前個肥樣囉. -_-"

驚覺本來裝著一疊HKD 的信封越來越厚, 不過係越來越多單據, 越來越少銀紙. 番嚟HK 有點兒似燒銀紙.

Song of the Day:
"無賴" ~ 鄭中基
搭火車的時候聽到的鈴聲, 然後傳道人在講道的時候唱.