成晚都好"躁", 唔知點解我嘅忍耐無啦啦到左極點. 真係想快D 升團, 雖然未必會好過而家, 但而家嘅情況都已經到達無可救藥嘅地步. 7 點半開始團契, 有人竟然可以8:15pm & 8:30pm 先施施然走入嚟, 唔通佢地比賽緊鬥遲? Oh, 今晚係"高人"組贏左呢! 我估佢地個記錄都好難會有人破到. 我覺得大家連點樣為之尊重人都未知; 哈, 大學生?! 真係要rap 番詹瑞文喺AV 裡面段野俾佢地聽先得. 大家笑嘅時候, 其實知唔知自己係俾人話緊?! 小妹妹又係激死我; eh, 基本上, 係無人需要attend to 你嘅脾氣嘅囉! 究竟大家幾時先會長大, 幾時先會顧及別人嘅感受, 幾時先會幫人地分擔下? 完左團契要好煩咁arrange rides, 有D 人就永遠都"不問世事", 沉醉於自己的小圈子世界繼續傾計, 繼續玩樂. 團契喺long weekend 有活動, 真係咁誠實舉手話已經有節目, 唔去. 講真, 我都佩服得五體投地. 的確好pissed.

今日整日屋企嘅phone line 都down 左, 希望快D 搞番掂. 唉, 煩到死(Aaron 語氣).

收到Diamond Parking 嘅notice, 話出年一月開始, monthly parking pass 加到$115/mo. 哈, 真係好過去搶. 我加人工加左1% 都無, 加價就加10%?! 我邊度搵咁多錢啊? 有病! 食人唔lur 骨! 算啦, 反正我份contract 年尾完, 加飽佢囉無良奸商! 我唔係好似D 人, 加人工加25% 架! 仲唔駛俾百幾蚊parking 錢添!

真係好meng, 救我.

Song of the Day:
"小飛俠" ~ 楊千嬅, 蔡德才
One of my all-time favourite. 我都係中意D 唱到中段好激昂嘅歌.