朝早7am 訓醒果下有一剎那以為今日要番8am, 個心即刻跌入谷底. 好在, 記錯. 不過聽日真係要番8am, 慘! 仲要阿Debbie 大阿姐番左嚟, 好驚. 點解我唔可以有D 好日子過?

繼續train 人, 我覺得我仲大壓力過佢. 根本好多野無可能3 言2 語講得到, 好多process 又要等period end 先可以demonstrate 到俾佢睇, 而家只可以做D 好鬼無聊嘅野, 可能佢以為我整蠱佢, 淨係俾埋D 無聊野佢做.

Lunch time 又係食Tim HortonS, 我個人都幾悶又幾唔怕悶. 肥到死, 無中獎.

臨放工同Mr. Wong 傾左幾句, 佢D 英文真係好搞笑, 但係又好流利播! 抵得佢丫!

今晚係Gals League Playoff, 不過我之前都覺得無乜特別, 都係平常心面對. 點知... 唉! 兩場都輸晒, 仲要係第N 次對我地嘅宿敵"極速馬尾" 我地都繼續輸!! 人地又唔係勁, 擺明我地係輸自己, 狂打失, WHAT THE HECK?!! 打完之後我feel 到自己勁面黑囉(sorry, gals)! 真係好唔開心, 好心傷. 成個league 打到尾二果晚喇, 仲要兩場輸晒, 仲要"又" 輸俾一D 都唔勁嘅"宿敵" ! 做緊乜??!! 賽後檢討我都無乜心機聽, 莫講話發言喇. Vivian 確實好有隊長風範, 大家變晒樣頹晒都仲可以好有心機咁解釋D 野俾我地聽, 掂! 回家的路上一路渣車一路同Sheffield 講電話訴苦; 有個同我一樣住得咁遠嘅隊友真係好. 夜晚練完歌番到屋企又同Jessie 傾左一輪, 而家總算好過D, 但係都隱隱約約有D 心傷. 不過, 一晚間竟然可以同兩個隊友仔講電話, 都算一件值得高興嘅事. Btw, Bird Poo, your voicemail is so FUNNY!! :D 各位, 下次最後一場喇, 努力啦. *頹*

Song of the Day:
"Of a Broken Heart" ~ Zwan
比賽之後第一首浮現腦海嘅歌.