今朝番到公司樓下, 泊好車之後先發覺原來我missed 左公主嘅call. 當時我心裡不禁一寒, 害怕係有乜野壞消息. 番到office 急不及待checked 下公主有無留言; 無. 然後心大心細唔知好唔好打番俾佢; 最後我都鼓起勇氣拎起電話打俾佢. 聽到佢接電話把聲都幾平靜, 同平時差不多, 我都放心左少少. Thanks God, 好消息: 公主's daddy 終於肯信主喇! 我聽到之後都覺得好感動, 畢竟我都曾經為依件事祈禱左好多次. Thanks God for answering our prayers & collecting our tears. 算是"Good News of the Day" 吧! Probably "Good News of the Year"!

最初過嚟4th floor 做野, 大家都應該記得我有好多怨言, 又成日數住數住仲有幾耐先可以過番去2nd floor. 到左而家, 當我知道我仲有唔夠兩個禮拜就要過去A/R 的時候, 竟然有D 唔捨得. 坦白講我唔係點樣唔捨得D 人, 但我真係唔捨得4 樓咁free 的environment, 同埋我份Sessional Billing 工作. 聽日同後日會係我最後的蜜月期, 然後下個禮拜就要帶住個新人, 再然後就係我死期喇.

去到補習社先至知道因為Spring Break 的關係唔駛補習! 但係事前完全無人通知我囉! -_-" *搵笨* 條氣唔順, 結果我就留喺補習社填好份CGA 申請表格. 係咪有D 奇怪點解我又無啦啦"又" 積極左呢? 因為尋日我同Cass 講起我下個禮拜會train Roxanne(i.e. "搶" 左我個位果個人), 我話我驚我唔識train 佢, 又怕D 野會交代得唔清楚. 可能Cass 以為我話驚Roxanne 搞唔掂, 然後佢就話, "Oh she's a CGA student, so she should be smart." +_+" 原來"CGA student" 都ok 大晒架! CGA "STUDENT" 咋播! 我遞完表, 俾佢assess 過之後, 交下會費, 我都係啦! 某程度上, 我虛榮架... 我唔覺得我真係好鐘意Accounting, 我又唔覺得我真係好想做高層攬多D 責任上身; 我淨係貪個名咋. 救命, 撻得死人. 我墮落了.

尋日聽收音機轉播一個香港時事評論員講野, 佢竟然將"李宇春" 講左做"李春宇" ("春雨"?), 反肚.

去年今日, 應該已經剪左個好平(= cheap, not flat) 嘅髮, 但係又未買Gatsby, 搞到無晒自信, 試衫時連鏡都唔敢照. 然後不知廉恥同D 學生仔喺旺角中心爭路行, 搶購Converse.

Song of the Day:
"人到無求" ~ Blue Jeans