今日醒起3 月13 日的時候唔記得同Sheffield 講"生日快樂" 添! 而家補番數... 313 丫嘛, 我記得架!

今日可算係我人生嘅里程碑(其實又無咁誇嘅) -- 我終於去左CGA 交申請表喇! 之前問May 姐究竟CGA 個office 喺Broadway 近邊度, 佢話一直go West 到好遠好遠; 今日我就終於知道有幾遠! 又真係好西播! 食飯時間渣車行Broadway 真係搵笨嘅, 又多郁緊嘅車又多泊喺度嘅車又多行人, 好躁! 好在最後都平安抵達, 雖然蠢蠢地的我搞錯左左手邊同右手邊, 搞到兜左個圈. 好喇好喇, 叫做做左D 野, 下一步就睇下5 月有無course 俾我reg, 但係我又想番HK, 唔知點好. 其實無啦啦的起心肝交申請表都真係好無啦啦, 之前成日覺得好難踏出第一步, 好猶豫, 左度右度; 但係剎那間所有野又嚟得好自然, 好快. 係咪個月亮影響潮漲潮退潮退潮漲再影響到我嘅思緒呢? 點都好啦, 其實都仲有排等回音. 唔知係咪因為之前牛牛留comment 問我點解唔go for CA, 尋晚我夢見Kenneth 同Joyce (童年玩伴, 兄妹檔CA) 夾攻游說我唔好考CGA, 應該考CA blah blah blah. 其實我一開始係諗CA 先架(按: "一開始" means N 年前, 當我仲未咁討厭讀書& 未rationalize 考一個牌有幾難的時候), 不過唔知點解慢慢耳濡目染之下就開始傾向CGA. 其實乜野A 都係咁話啦, 在世, 都係寄居嗟.

尋晚提過嘅果3 個石頭bagels, 結果今日一個都未食, 似乎最後都係要用極刑處決喇. Lunch time 交完表之後食左老麥Sundae, 經過見到麥X 記執左喇, 有點唏噓.

California 又真係唔錯播, Nenson 好介紹. 仲喺半個鐘頭裡面聽到"Bad Day" + "You Are Beautiful".

團契查經, 我竟然去左Henry 果組. 見佢咁正經咁認真, 真係有少少唔慣, 哈哈! 不過佢都帶得唔錯架, 有紋有路有板有眼, 講得好清楚. 報數分組其實都有好處, 可以次次同唔同嘅人一組, 對我依個Titus 新丁嚟講更有好處. 公主今晚無番呢... *WORRY*

今晚同阿Mon MSN 先發覺原來大家幅相有D 似. 邪. :p

Song of the Day:
"Hands Clean" ~ Alanis Morissette
自從果次睇左有個人寫碟評話fed up by Alanis 嘅重複字眼歌詞後,
我先發覺Alanis 嘅依個問題都幾嚴重.
然後我再睇番佢第一隻碟裡面D 詞真係寫得好D 架!
怪唔之得22 歲就銷量冠軍.
22 歲, 你做緊乜? (我到2X 歲都未知自己做緊乜.)