一起身, 8 點正, 大鑊. 可能我實在忍受唔到自己好污糟咁走出街, 所以雖然明知遲到但係我都堅持沖左涼先出門口. 係咪有D 偏激? 哈哈! 其實我都唔係好知自己諗乜. Anyway, 以為今日星期五路途上會好少車, 以為巴士會罷工, 點知係多車到爆! =_=" 好彩我拎左At 17 x Twins 拉闊上車聽, 如果唔係我一定會更加pissed off. 最後, 番到公司係9:08 am, 仲要係一入門口就見到Manager, 勁樣衰! 唉! 好彩SPV 不在, 如果唔係仲加樣丙. Thanks God, 揀都幫我揀到今日先遲到, 哈哈!

Lunch time 又去左Best Buy, 唔知果度D 人會唔會認得我呢? PSP 已經變番原價喇! 所以我勸自己都係死左條心把啦! 哈哈! 差D 就買左XBox 嘅"Burnout Takedown 3" (其實唔知點解會係"3", 明明只係第一集), 不過竟然最後都忍到手! 嘻嘻, 等下先...

今晚領詩出奇地投入, 專心地唱, 專心地彈, 無理其他野, 實屬少見. 今晚見到Deakin, 又諗起Daisy; 不過點解我都係唔會同Deakin 熟絡到, 而Daisy 亦唔會同我阿哥熟絡到啦! 哈!

SongS of the Day: (今日貪心D, 揀左兩首, 兩首都係from At 17 x Twins 拉闊)
"Porcelain" - 係你喇! 果然唔係浪得虛名! 之前喺At 17 個message board 已經大把人讚過依首歌, 今日懷住萬分期待嘅心情去聽, 一聽, 嘩, 不得了! 雖然到而家我都唔係100% sure 首歌講乜, 但係首歌真係好有感染力, 好感動, 一路聽有D 想喊嘅衝動! 淨係結他聲同人聲已經好夠, 好掂... Ellen 同Eman 都唱得好好, esp Eman 啦! 今日我聽左依首歌起碼10+ 次, 完完全全地被佢征服左! Post 下歌詞條link 先:
http://www.geocities.com/SunsetStrip/Cabaret/8080/JF_Lyrics_Porcelain.html#2

"十八變" - 原本係Twins 嘅歌, 不約而同地At 17 自己都有首"變變變". Anyway, intro 近乎無音樂, 兩把聲好和, 觸動人心! 不過好搞笑, 到verse 嘅時候Ellen 把聲勁沉, 男人聲! 哈哈!

成個concert 都好有驚喜, 好多我以為已經聽到爛嘅歌, 重新arranged 過之後又係一番新氣象! 當中包括"3 分鐘後" (4 拍歌變3 拍歌) & "唱歌". Twins 亦無我想像中唱得咁差. 唔知我會唔會聽聽下開始中意佢地? :D 不過Ellen 真係無敵啊! 如果有得睇埋我一定會發癲. 鳴謝何醫生同何醫生個女.