沉重疲倦的星期一. 渣車番工時差D 訓著, terrible.

番工無乜特別, 都係得一個"悶"字. 大老細依然無對我發放任何消息, 都唔知要等到幾時.

Lunch time 別開生面同左梁拔星去City Square food court 度食. Arby's 餐+ Teriyaki rice (原本我以為係Udon 架! So stupid!). 一個病, 一個大爆瘡, 都仲要食curly fries; 係咪應該節制下呢?

本來打算打波之前喺車度訓下覺, 睇下聖經(for 聖經問答比賽), 點知都係抵受唔著誘惑, 去左Metro 打機. 打完之後, 有D 失落, 又有D 唔安落. 活該. 我懷疑我見到Owen? Anyway... 每次行Metro 都驚嘆佢嘅"易容", 今日當我企喺以前food court, 而家就名店林立嘅果個位時, 我嘗試諗番以前邊個位係乜野鋪頭, 個感覺好得意. 新嘅Disney Store 開左喇, 但唔知點解我覺得唔裝修仲好. 以前仲grand D, 而家就好侷促咁, no good. Winners 都開左啦! 又係另一個傳奇... Playdium 喺我心目中都算係一個popular 嘅地方丫! 無啦啦話執就執, 我仲有未用完嘅credits 添! 離譜! 又一驚嘆竟然可以將Playdium 搖身一變, 變成賣衫褲鞋襪的Winners. 好多野, 都應該要趁有的時候, 好好珍惜. By the way, 今日嘅Metro 簡直異常地多人, 係因為學生們唔洗番學吧! 放完暑假無幾耐又有假放, 真係嘆. 搞到我著住shirt 打機時都尷尷尬尬咁, 又拉高晒平均年齡.

打波, 好玩, 雖然我打得唔係好好. 仲有好勁的日本女子, 同埋佢個坐足全場的'密友'. 仍然期待一月的Gals league. 終於記得俾At 17 CD Sophia, 但又唔記得還碟俾Vivian, 失憶症發作. Btw, 好無謂咁喺熱身時整親隻手指, 咁我係咪可以做好型的球員?

今日極度多愁善感, 有D 失控.

Song of the Day:
"把戲" ~ 王菀芝
我都知重複左, 但真係無辦法, 我今日成日個腦裡面都係依首歌, 好難唔係佢當選啦!