又一日. 就快又出糧, 但又就快無工做.

今日SPV 嘅態度更加變本加厲, 仲有少少發我脾氣添! 勁恐怖囉! 不過算啦, 我見佢對Arlene 都係咁(可能仲差D), 我條氣都無咁頂住(都少少頂住架喇!). 唉~ 可能無得做都係好事(阿Q?)... 哈哈, Shirley 阿太叫我唔好理佢, 仲爆左D Michelle 嘅mean 野俾我聽添! 其實我平時都唔會覺得佢咁衰, 但聽完之後再加上依兩日佢嘅態度, 我覺得我對佢嘅感覺唔同左lu! 果真人言可畏?! ... 仍然冀望明天有好轉.

Lunch time 係"叮"尋晚買嘅糯米雞食; 有D 被ripped off 的感覺, 因為果兩隻糯米雞拆開左之後係得番原本個size 嘅1/3 -_-". 好彩仲有後備的雞翼, 哈哈!

我今日先知原來唔係個個人都有quarterly GST credit 架! 咁D 人咪又少一樣野值得期待?

終於有排球打喇! 初初都有D 驚, 我今日係拎左頭籌, 但當我registered 完, 準備去食dinner 的時候, 發覺計埋我都只係得4 個人! 有D 後悔... 心諗如果食完飯番嚟仲係得好少人的話, 唔知有無得refund 呢? 懷住沉重嘅心情我去左食台灣野. 如常地我叫左有飯有肉有菜的"套餐", 仲叫埋bubble tea, 豪到爆! Ya right, 我又食好多野喇! 不過, 其實都係一餐正常飯餐嗟(安慰自己)... 一個人食飯, 又開始留意其他野. 我發覺原來間鋪頭調左個門口, 因為我記得我第一次去間鋪頭時, 我地坐果張檯就正係喺而家門口的位置. 第一次, 係黃仔介紹去果度食野的, 因為當時Ivan 跟ACM 過嚟Vancouver. 果陣黃仔仲喺Kingsway HSBC 做; 果陣我仲未搵到工. 當日仲有Ant 添. Background music 係Jay 嘅歌, 梗係唔少得"可愛女人"啦! 哈哈! 搞笑係連"老油條"老闆娘都嚟買外賣! 不過佢D 國語仲差過我! 好心的我梗係搶住幫佢做翻譯啦! 早知叫佢送張"老油條"VIP 卡俾我啦! :D

今晚最後係得21 個人打波, 連分4 隊都唔夠人! 勁唔掂! 我記得以前曾經試過特登由Coquitlam 出去打波點知無位打囉! 真抵死. 阿Ray 話星期三晚咁少人打係因為"伯伯"喺度wor. 咁又難怪嘅, 阿伯伯打左咁耐都係無進步, 仲係用兩隻手板"兜"個波過對面, 同佢打又真係幾無癮嘅. 話晒我地都要俾錢打波架嘛! 每個人俾得錢梗係會對換取番嚟嘅野有D 期望架啦. (我承認我都係無乜愛心的)

今日喺公司大家又夾份買649 喇! 本來我已經趁機閃入廁所架啦! 點知都難逃一劫俾人攔途截劫-_-" 但我都堅持無買到! 可能你會覺得堅持這小小原則好似有D 無謂; 不過, 有堅持總好過無堅持, 有原則總好過無原則; 型D. 哈!

CD of the Day 係"姬聲雅士"的"無處不在". Amazing little album!!! 我都有差唔多一年無聽過隻碟喇! They are just awesome! 但係聽依隻碟你一定要好留心聽, 如果唔係你會突然唔記得左原來全部聲音都係用人聲扮嘅! 佢地D 編曲真係好仔細; for example, "月亮代表我的心"裡面ending 個chord, 臨尾竟然再加一下bass (當然係人聲扮架啦), AMAZING!!! 同埋有好多聲我聽左好耐都仍然好難相信係由人聲扮出嚟嘅囉! 搞到我渣緊車都忍唔住係咁試下扮! 佢地真係超勁啊! 至愛歌曲仍然係"歡樂年年" -- you can never imagine how one can use his/her voice in such a way! 其次就係last track "姬聲雅士無處不在", 首歌係將學友的"等你等到我心痛"medley 一首英文歌, 夾到不得了! 另一首好過癮嘅係一條無名嘅track, 裡面有跑馬commentary, 搞笑新聞(連配樂), 搞笑廣告(又連配樂)! 無懈可擊! 當然唔少得"車衣女萬歲" 最後的人肉drum roll 啦! Gay Singers are all CRAZY singers I'd say. 話時話, 人聲扮番人聲果個男仔把聲又真係好似Henry! 哈! 唔知佢地幾時/會唔會再出碟呢? 真係好佩服佢地, 8 個人8 把聲, 只要有一個人唱錯少少都要再嚟過. 佩服佢地的skills 之餘更佩服佢地的team work. Last but not least, 多謝Maria.

似乎我寫得太多了. 墨水多過口水? Ya true, I prefer writing to talking.

多謝4 叔好介紹 -- 寬頻電話! 快D 傾多幾句喇!

Lyrics of the Day:
尋晚聽到LWY 講阿容X 全博士嘅野, 又再一次令我依個"準大人"感到大人世界的黑暗...
"個世界咁壞(大) 我又未夠大(壞)
要放棄學界 走進人才界
大個左 有用麼 只得我歲月蹉跎" ~<大個左> by 3P