Blah 情人 Blah 愛民

FishLamb is celebrating Valentine's Day with cell group in Edmonton. =D

因為嚟緊星期一係公眾假期, 所以我地諗住趁依個weekend 同小組搵D 野搞.
結果眾望所歸的option 係"Edmonton 一日遊".
雖然尋晚發生一D 小插曲, 不過最後都能夠成行, thanks God~

預計會好早出門口, 但最後都要到9 點幾先接齊所有人, 正式邁向Edmonton.
辛苦了MA, 一個人渣晒全程, 謝謝這超級司機.

三個小時的車程, 我地似乎是立志keep each other awake.
都叫做係一班玩開音樂的人, 所以我地好踴躍咁玩"超級無敵估歌仔", 仲有歌名版"超級無敵馬拉松", 笑死!!
大贏家竟然係Dr. Jai - 我仲以為佢細個的時候已經係一條書蟲添, 點知佢真係乜野歌名都記得, 好勁~
跟同年紀的朋友一齊, 真好; 大家都係聽果D 歌大, 集體回憶.

可憐的"綠大寶" 喺一程車裡面就硬食兩粒子彈; ouch, 好痛~
...哈哈, 好在唔係WSB 嗟~ XD
所以呢, 如果買新車的話, 都咪話唔肉痛啊!

雖然沿路行錯左幾次, 但最後都平安到達West Edmonton Mall - 嘩, 我有幾多年無嚟過呢? 7 年or so?!
第一件事 - 搵食!
有人提議去Old Spaghetti Factory, yeah! 好似自從過左嚟Cowgary 之後都無去過? 但以前我成日同媽媽去架嘛, 所以很懷念.
雖然個table bread 唔夠熱, 不過其他野食都好好味, 好開心~

我估我真的年級老邁了, 好似無乜心機行mall, 行得果一陣又已經覺得累想坐低飲下野, 唉~
想唔認老都唔得喇.
但講真, 雖然個mall 係大, 但係其實D 鋪頭都係同Cowgary 差唔多, 所以都係去Seattle shopping 過癮好多!! D 款又唔同, 又可以執到平野! 唉, 而家無依支歌仔唱喇... =(
最大收穫係見到牛牛之前Blog 過嘅果間"XXI", 其實D 款都有D 特別, 而且唔係太貴, 不過我依個老人家都無乜心機行. 老人精.
另外一大發現係竟然喺一間幾hip 嘅鋪頭裡面, 有得賣"TV on the Radio" 隻碟(連Best Buy 都無得賣架, 之前)!! 不過依間鋪頭真係幾過癮, 又賣衫又賣鞋又賣少少傢私& 擺設, 然後無啦啦又賣幾隻CD, 都幾得架,不過D 野貴囉.
我的唯一斬獲就係結他形的key cover, 都好丫, 之前喺Vancouver 的時候, 去4th Ave D 鋪頭都無見過呢. =)商場內有小朋友在打Ice Hockey, 大開眼界! Wow, 點解D 小朋友skate 得咁犀利架??

Dined @ Tropika (星馬印) - Edmonton 竟然都有Tropika, 意想不到! 不過我都係剛剛先知道原來Cowgary 碩果僅存果間執左笠, 唉~ 其實Vancouver 有咁多間, 分一間過嚟當係可憐下我地都好啦! :p
想起曾光顧Cambie 街果間... 其實第一次去係同Sin-E & 小環去架!! 仲記得隔離檯係一位獨個兒食晚餐的太太, 那一刻我有感受到她的孤寂.
我唔知Edmonton Tropika 的食物算係好唔好食, 但我自己就覺得好食囉~ :) 不過當然一D 都唔便宜啦.

總的來說其實Edmonton 都唔算太差, 我之前成日以為真係好落後咁架! 但反而有D 鋪頭Edmonton 有, Cowgary 就無, 奇~

謝謝全程一手包辦渣晒所有車的MA, 辛苦晒!! =)

Song of the Day:
"二月十四的約會" ~ 林嘉欣