**HAPPY BIRTHDAY** to 波波, Canti, & 美娟 - 我三位同年同月同日生的朋友仔.

人揀你, 你揀人; 你話人, 人話你. 偶然的機會下我又同我親愛的"飲茶腳"去飲茶, 少不免又將4th floor 的外太空症候群複述一遍. 食完lunch 番到公司, 剛剛Barb 嚟左同Christine 傾緊計, Christine 乘勢同Barb 講話我EXTREMELY QUIET, 即係其實講俾我聽啦! 之後我都有再反覆思量點解我會咁靜; 但係, 講真, 都無乜野同佢地傾嘅! 不過咁播, 我靜, 但我識得基本禮貌播! 至少我同D 人見到面會嘗試戚一戚嘴角笑一笑囉! D 人真係騎騎呢呢的(Yet, I strongly believe that they have the same feeling about me as well.). 今日先至第四日, 有排捱.

打波之前又去左Metro 拎D 錢嚟散啦! 下次都係留喺車度訓覺算喇! -_-" 喺機鋪見到有幾個Nen 妹玩結他機& 打鼓機超勁(通常我都係見男仔玩的), 令我有D 衝動想問佢地係咪夾開band 嘅. 話時話, 我成日安慰自己, 同自己講, 佢地係交左好多學費練左好耐先至有咁嘅成果. 但係, 唔知點解, 永遠我都唔會遇著一D 練緊習嘅人(i.e. 玩得好poo 嘅人), 反而見親都係高手. 咁究竟佢地幾時& 喺邊度練嘅呢?! 而我, 永遠都係玩得勁poo 又唔知醜要玩果個, 哈哈!

打波, 好玩; 不過, 腰痛. 阿Paul 叔叔又真係好似Joe Jr.; 唔知佢自己覺唔覺呢?

Artona 真係勁唔掂, 去左咁多次佢無一次俾到我想要嘅野我囉! 好彩我公司喺附近嗟, 如果唔係次次咁樣去撲空我咪捧好多盆吉番屋企?! 有病, 都唔知乜野服務態度.

無意中睇到豆豆Jan 30 果篇Blog, 令我都不禁sentimental 起來. Ya right, you aren't gonna receive a present like that for the rest of your life, but it's still such a privilege to have received a present as such for once. Miss you.

突然想溝鮮奶.

Song of the Day:
"十八相送" ~ 何韻C
Quote:
"話長路短 走到那邊 又不想告別
再送遠點 在站前路邊
應該卻步了 還要坐進咖啡店
請准我護送 多十餘步 終點再三推遠
再會已講了十遍 都未疲倦 只嫌夜晚太短(仍在對方面前)
回家這路線 好像情話 轉完還在轉
肯不兜圈 一早到了 何以和你始終兜兜轉
明明完了 別離在即 突然又想 不需要完"
如斯情景, 有點似曾相識吧?