"期待已久"的office 搬遷大行動終於來臨, 正式要跟2nd floor 的同事講拜拜, 真的好唔捨得. 搬遷的過程有少少阻滯, 就係一早安排好會幫我搬箱嘅人遲遲都未嚟, 搞到我滯留左喺2nd floor 成兩個鐘! 初初我以為佢地會好快到, 所以我就on on 居居咁坐喺度等啦. 點知越坐越唔對路, 最後唯有把心一橫喺放左喺最底嘅果個箱裡面拎番D 野出嚟做! So stupid! Anyway, I'll miss you ladies.

4th floor:
1. 人口爆棚, 好似2nd floor 咁有好多女人, 但有更多男人.
2. 好多西人, 同埋幾丁唔會講中文的唐人.
3. 好靜, 無人開收音機.
4. 好嘈, D 人無論講私事定係公事都會講得好大聲.
5. 廁所好遠, 仲要用鎖匙開門的.
6. 有部水機喺我個位附近, 但係我唔知應該去邊度洗下我隻封晒塵嘅杯, before I could actually get some water.
7. 究竟有無雪櫃同微波爐呢?
8. 我有張好高"pan"嘅大班椅 - the BEST thing so far.
9. 我完全無idea 每個人係做乜嘅! D 人全部都好似好pro 咁, 佢地講野嘅內容對我嚟講簡直係外星話.
10. 究竟我仲可唔可以著tee 番工呢?
11. 隔嚟位Christine 都算OK, 不過我樣衰左, 因為今日當佢嘗試同我交談的時候我9 唔搭10. (CRAP!!!)
12. 如果一日要走過去2nd floor 幾轉其實都會用唔少時間.
13. Len 仍然係無同我講野... What the heck? Is he really my boss?
總之, 同2nd floor 係完完全全唔同culture, 唔同玩法... 玩野.

小B 補習的時候狂訓覺.=_="

Song of the Day:
"搬屋" ~ 鄭中基