無用的我, 今朝竟然可以9:30am 先起身, 仲要係媽咪過嚟叫醒我添! 最後我11am 先番到公司, 大家都用奇異的眼光望我. 不過, 尚有好心的人叫我食蛋糕(farewell cake for Vivian), 其中有型姑Betty (話時話, 我覺得佢個樣比起舊年好似老左好多咁, 不過佢個頭就照舊咁金咁型!). 一番到去, Todd 就過嚟同我講野, 好彩佢無乜深究我遲到依件事, 等我一路渣車仲一路諗究竟點樣解釋好! 哈哈! Anyway, 佢話一陣會introduce 我俾阿Len, 又講下究竟遲D Michelle 走左之後會點. 今次都算係我喺度做左1+ 年以來同Todd 講得最多野嘅一次喇! 不過, 都無用丫, 講完咪又係得個桔, 咪又係唔知我去向如何. 把鬼火如果A/R 請我我即刻過去就算喇! 勁煩囉... 睇佢地個樣, 都唔慌會真係升我做R14, 頂替Michelle 個位架啦! 咁即係點? 我就繼續做我嘅casual, 但係workload 就多幾倍, 然後做做下就同我講佢地請到第二個要踢我走? 完全乜都唔知, 乜都無guarantee 囉! 梁昌, 我已經做左一年零2 個月喇! 究竟邊個慘D 啊? See, you know NOTHING at all. Just NOTHING. Anyway, 就係咁囉, cheap 爆. 話時話, 無啦啦要過去見阿Len 都幾搞笑, 早知我著得decent 少少啦! 哈哈! 不過佢都係著tee & jeans. Guide me please, o Lord...

下午放左半個鐘頭lunch break, 黃昏做到6點, 聽日要早半個鐘頭番去... 其實, 我估相比喺HK, 已經算好嘆.

夜晚同老豆去"新寧"食飯, 食左我有生以來食過最騎呢嘅"及第粥"; 裡面係有叉燒, 冬菰& 蝦囉! 咁都叫做"及第粥"?!

Song of the Day:
"魂斷威尼斯" ~ At 17 十一團火Live cover ver.
我發覺佢地喺"拉闊"裡面唱得好過喺'11 團火"好多.
我相信剛剛過左嘅"變變變"會更加令人嘆為觀止; 可惜丫, 無緣.
我由細到大, 從來都唔會有機會見到我好迷好迷的偶像的: Blue Jeans, 蔣志光, 孫耀威, Ellen etc...
我再次確信我係一個黑仔的人.