睇嚟大家都好中意D 小貓貓咁播! 咁我就post 多張啦! 估唔到我地兩個都諗到用貓貓做MSN 幅相! 但既然你用左先, 我就無謂用喇! 費事你覺得我明抄你 :p By the way, D 貓唔係我架何瑪! 係Metro 間寵物店的! 而PYZ Kid 係另有其人; 佢係我嘅*Imaginary Friend*.

脫離幻想世界, 重回現實空間. 今日我嘅妄想症開始收斂, looking good.

尋晚睇左Miss 個Blog, 嘩, 勁野! 她那"博客"的內容全是用書面語所寫成的, 文學造詣之高簡直令我的"博客" 相形見絀. 不過, 我其實都幾中意自己個Blog, 雖則文雅不足但貼心有餘, 哈哈!

Lunch time 竟然有幸同Cecilia & Peony 一齊食飯, 多謝Cecilia 的邀請. 一個愉快的小小lunch gathering, 言談間發覺佢地對Todd 都幾不滿. 最好笑係Peony 話佢上個禮拜五放工時俾Todd 話佢同Ines 傾計, 搞到佢成個weekend 都唔開心! 哈哈! 我覺得好笑係因為我真係估唔到Todd 嘅impact 會咁大囉! 個人嚟講, 我都承認Todd 偏心係偏得幾出面, 不過我又唔係話好抗拒佢囉! 都算做可以接受啦! Anyway, 聽下阿太們講野真係幾開心嘅! 終於有機會俾我做番後生果個, 哈! 咁樣算唔算將自己嘅快樂建築喺別人嘅痛苦之上?

Shirley 又讚我件ski jacket 靚, 嘻嘻! 不過如果讚我靚就更好啦! (無聊!)

好開心用"抵買價"買左The Cranberries 的精選碟! 初初喺Music World 見到已經想買, 不過我又覺得佢應該係賣貴左, 所以唔服氣之下走去Wal-Mart 睇下, 果然係平左差不多一半! 仲要淨番最後一隻添! 勁開心! 不過, 慳得一樣慳唔得第二樣, 我見到好多碟特價, 諗左好耐究竟我買唔買好, 如果買又應該買邊隻好... 最後揀淨t.a.t.u 同Our Lady Peace, 一番掙扎之後, 我決定支持Canadian Music, 買左O.L.P. 咁多年無出碟, 係應該值得買嘅, 我估. 第一次見識乜野係Dual Disc: 同一隻碟, 一面係CD, 另外一面係DVD. 我老喇, 都唔知有D 咁嘅野添!

今日渣車係繼續聽Frente!, 始終星期一晚都唔係太集中精神去聽. 我發覺原來佢地D 編曲都幾簡單, 彈野又唔係彈到好似有10 隻手果種, 但總之所有野夾埋就好好聽, 好appealing to me. Love them, limited to their 1st album only though.

又吵, 煩唔煩? 我已經有D 抱放棄態度.

Song of the Day:
"Accidently Kelly Street" ~ Frente!