今日嘅天色真係好差, 竟然可以我番工同放工嘅時候個天係一樣顏色嘅! 仲有大雨警告添, 幾誇! 一番到公司覺得D 燈勁光 (因為望到出面好黑), 好強烈的對比, 感覺好得意.

今日又做good kid, 有帶飯. 一路食, 一路聽住At 17 喺"十一團火"裡面唱嘅"我愛班房", "No Such Thing" & "妳好嗎", 勁滿足! 一路食一路聽一路笑, 有D 變態. 搞到Shirley 都忍唔住過嚟八卦下, 哈哈! 小插曲一段: 我臨食飯之前, Shirley 喺度整緊佢件jacket 條拉鏈, 好苦惱咁; 咁我謝飯祈禱就幫佢祈埋啦! 點知我一開始食飯佢就話整番好喇! 幾正!

食完飯之後都係忍唔住走落街, 去銀行順便行下. 點知就中招啦! 我著住我對幾歲大嘅Converse, 行行下都覺得唔對路, 對腳越來越濕, 勉強番到公司先發覺原來成對鞋濕哂囉! 搞到我成個下晝都要除左對鞋, 淨係著住對星星襪喺公司走來走去, 連washroom 都唔敢多去, 仲驚臭親人添! *樣衰*

病入膏"盲", 我真的想take a break.

Song of the Day:
梗係"我愛班房"<十一團火 Live Version>啦!
尤其是music rests 果兩下啊!