Blah 遊玩 Blah 保姆

FishLamb is a babysitter.

話說尋晚MA 喺團契領詩, 咁我就帶左我心愛的laptop 番去放Powerpoint 啦!
點知, 唱完詩之後要分組查經, 我又掛住要執結他& 依樣果樣, 最後我唔記得左拎番個laptop charger! =(
希望一係就有好心人幫我執左, 一係就無人掂佢留番喺原位啦! =/ *擔心*
Btw, 尋晚係第一次喺團契彈結他 - 無鋼琴伴住真係好驚啊!

朝早起身, 陪MA 去剪髮, 之後就去左Future Shop 睇電視.
可能天父都知道我心目中有個價啦, 所以今日竟然俾我地見到有套特價貨(TV + home theatre system + Blu-Ray player)! @_@"
不過衰在果部電視係唔可以擰的, 而我地張梳化又唔係對正擺電視個位, 所以部電視唔擰得的話又係一個問題...
希望可以搵到D 電視轉盤就好喇!

今日約左Sharon 食lunch & 之後車佢出機場.
之前我諗左好耐都唔知應該帶佢去食乜野好, 結果我打算帶佢去17th Ave 果D bars 度食野 - 因為我自己都未去過又想去丫嘛!
點知, 原來佢真係住喺鼓手K 屋企喎! 咁鼓手K 又好客氣咁邀請MA 同我去佢屋企食餐便飯, 所以最後都係去唔成17th Ave. 嘻嘻, 大概要等SSC 過嚟同我去lu!
好開心, 有機會玩鼓手K 套貴野電子鼓, 又有得睇佢表演, 正!! 真的出神入化啊!
最後玩到3:45pm 先離開, 然後送Sharon 出機場.
我都唔知原來鼓手K 有養貓架!! 不過佢隻貓就乖過(& 瘦過) Abby 好多喇.

去鼓手K 屋企之前, 我地打算買D 野去佢果度, 剛剛好離開個mall 的時候見到"Cheesecake Cafe", 所以我就話不如買去請佢地食.
嘩... 貴丫! 我無料到佢D cheesecakes 賣到成$7.25 一件, 買6 件埋單要幾多錢, 自己計下數啦! @_@"
不過佢地就有D 特別D 嘅口味囉... But still expensive Y.

去完機場, 終於有機會去Sears 買toaster-oven & 小型吸塵機 - 終於唔駛次次都拖條大莽蛇出嚟喇! :D

夜晚有準醫生仔夫婦過來MAM 屋企食dinner & 唱K 打機.
真係人夾人緣吧, 又或者大家都係由Vancouver 過來, 所以同聲同氣D?
以前就算同GoGo 小環, 公主王子, 蚊蚊D 人, 都唔會有機會咁樣約嚟玩呢.
哎呀, 激氣, 玩唔到傳聞中的Wii Fit 添! 失望~

尋晚同今晚都喺MAM 屋企訓, 因為雙方家長都入晒camp, MAM 特別要求我地去陪下MA-Sis (雖然MA-Sis 都已經中五架喇!).
其實我都算唔話得啦, 如果我不在, 睇怕洗手盤裡面D 碗堆到成個山咁高, 張檯污糟又唔會有人理etc...
...或者我應該嘗試apply 鐘點女佣嘅工.
...或者照顧 MA 就係我放棄一切移居Cowgary 的終極目的. (SSC 鬧爆丫!)

今日我先發覺原來Cowgary 的秋天都會見到紅紅黃黃的樹葉, 很美.
不過Vancouver 一定更加美.

希望我聽日番到教會可以搵番我個charger.
If not, 應該由MA 賠俾我掛? :p

Song of the Day:
"紅葉落索的時後" ~ 周慧敏