Blah 物慾 Blah 復興

培靈會最後一日: 早, 午, 晚, 三堂的講道, WOW!
雖然尋晚都唔係訓得好多, 但係都竟然有精神8am 番到教會, 再聽晒3 堂講道(而且係好專心聽道, 無釣魚架喎!). 感謝Jee.
因為早堂& 午堂我都要上台彈結他, 所以望落台下望得好清楚. Wow, 十分impressed 約書亞團的年青人, 有好大部份都係番晒3 堂(而且又係好齊心地坐晒喺左前方)! *感動* 教會, 有救了.
提多嘛... 都係無謂提咁多. =/

JonJon 加油, 永遠支持~~~ :D
你隻腳呀, 快D 好番啦! *擔心*

謝謝"Mr. 跟得" (哈, 我都有! :p) - 好耐都無人幫我拎結他lu (所以我今日隆而重之帶埋我那好日都唔出山的結他架!). :)

美中不足的是skip 了主日學, 同GoGo & 小環去左食早餐(今個禮拜抵受唔住引誘了).
去左位於St. Johns 的一間甚麼"燈塔" 餐廳(同"燈塔福音事工" 無關的), 唔, 麻麻地啦, 都算細碟都算貴. :p

終於有機會當面讚賞May 姐姐, 卻換來意想不到的compliment.
*受寵若驚* 雖然可能只是說說而已, 不過我都已經夠開心架喇! :D
[Btw, 相信我, "木紋" 真的只不過很一般... Explore the others!]
點都好, 8 號一定得!! :)

午餐大夥兒去"梅園"(MA 成日都講錯做"桃園", which is in Cowgary...) - 嘩, 都唔知有幾耐無同過西姐食飯喇!
母愛爆棚的西姐, 一招"聲東擊西" 餵Megan 食飯, 大家拍案叫絕! XD
雖然西姐overall 成個款好似杜麗莎, 但係表情多多逗Megan 玩& 講笑時候嘅佢, 就好似二汶! :D
(仲成日響我個Blog D 野出嚟添! :p)

下午同雙方媽媽去逛傢私鋪, 終於有機會去聞名已久的"Home Delight".
嘩, D 野真係好特別好靚!
兜完一圈之後, 我好認真咁諗: 有錢的話, 買到咁型嘅傢私的話, 就梗係好... 但係今日我無錢, 買唔起靚傢私, 其實又如何?
有時去渴求許許多多嘅野, 還真有點無謂.
成千蚊一張餐檯就梗係型梗係靚啦; 但係如果我只afford 到Ikea $300 一張的餐檯, 唔通餐飯就無咁好食咩...
丫, 物慾. =/

講到夜晚, 又講番培靈會...
眼前講道咁有能力嘅牧師, 就係一個年輕時候不會為一份馬經屈服的人, among other good qualities of course. 神所大大使用的僕人, 就是那種在小事上都堅守信仰的人
是上一代信徒的特質, 還是人人都應該有那份對信仰的堅持與執著? =/
難道我甘於做一個"僅僅得救" 的基督徒嗎? 難道我"得救" 後就不想"得勝" 嗎?
這幾天, 火燒得很旺盛; 但我想要的是keep the fire burning.
[Btw, 原來當年馮牧師生命突然被重整, 都算關"喜樂福音堂" 事的; wow, I'm proud of it!]
錯過了西溫的Wine Dinner, 但我相信我得到更多更重要的東西.

謝謝一直在背後為培靈會懇切祈禱的bros & sis... 講員是重要, 但怎樣比得上神的靈?

本來散會之後仲要同GMs 開會, 但突如其來的Spiritual War, 當然是更加重要.
很讚嘆天父一直在auntie 身上的工作 - I'm sure we will win at the end!!

Song of the Day:
"復興的火" ~ 讚美之泉