Blah 驚喜 Blah 小組

屢創新高... 今日7:45am 先起身!! 又係多得彭媽媽走嚟叫我起身, 真係要講聲"多謝". 鬼咩, 尋晚寫聖誕卡寫到咁夜, 又訓到死豬咁, 梗係唔知醒啦!
又仍然堅持堅持要沖涼; 今次唔係用2 合1, 不過就無用護髮素囉.
聖誕期間, 仲要加上係星期五, 真係少車得好交關(我估下個星期五Dec 28 會更加誇!).
8:10am 出門口, 極速8:50am 已經番到公司附近, 本來都唔駛遲到. 點知又心野, 想去星巴克買杯coffee. 其實一去到都已經見到勁排長龍, 但係又抵受唔住引誘, 照去排隊. 幾經辛苦終於輪到我, 個cashier 完全唔知做乜, 又"dum" 時間又計錯數又唔找錢俾我, 搞左勁耐!! =_="
結果咪9:10am 先番到公司, 唉~

不過, 點都唔夠我的SSC 勁, 8 點幾先起身. @_@" 搞到無人陪我講電話渣車番工...
連YSLM 的presence 都保妳唔到; 我想是時候正視這問題了?

MNG 今日又無番工, 又無同事先同GLW/我講聲, 點架?!
做過幾個departments, 真係第一次見到咁懶的老細.
分分鐘佢係過埋New Year 先番架喎, 唔係呀嘛? 點睇佢都唔似24th 會番工嗟? 唔通真係就咁粒聲唔出就走左去? Eh... -_-"

嘩, 今年第一份收到的Christmas Present 係從GLW 而來的! 包得勁靚! *SWEET* :)
話時話, 我覺得近期我喺office 真係生動過以前, more like the usual ME. 我想, 只要能夠沖破"怕講英文" 依一關就可以了.
感謝Jee 丫!

Lunch time 無食到愛心飯盒, 走左去Best Buy 睇野. 無用$$ 喎, 叻~
見到Stars 的新碟, 本來都無乜留意, 但係見有得試聽, 咪聽下囉. 咦, 掂喎, 掂過上次喎! Everybody deserves a 2nd chance, don't we?
不過, 依隻係CD/DVD edition, $21.99, 唔捨得買. 等等先, 可能遲D 會有CD only edition?
依邊真係落後的, 而家喺HK, 10 隻碟有8 隻係送埋DVD 架啦! 依邊就認真落後, 每逢有DVD "附送" 的edition 都係貴好多的, 離譜.

下午十分無聊, 做下影后, 傾下計, 又係時候放工.
落到公司樓下, 嘩, 架車咁熟口面嘅?!
Wow, thanks for dropping by; it's always nice to see you, really. :]
坐下坐下, 講下講下, 估下估下(歌仔) 又成個鐘.
嘩, 獎喎~
When in doubt, 記住停車場.

Cell Group Gathering @ 皇宮. =] 去到之後又折返番教會接Winnie, 覺得自己好似變左家姐.
原來Drew 哥哥彈結他都得架喎.
謝謝易拎的住家飯; 嘩, 海蔘呀!
Alan 知道"醉拳甘乃迪" 啊! 仲有"南拳北腿孫中山" 添! XD
最後一次同依一組gathering lu, 有點不捨.
我的組:原來我喺我果組裡面係最黑的一個! 會唔會太黑睇我唔到?! Btw, 連公主都證明"唔熄燈訓覺, 第二日會黑左" 依壇野係真架!
我和易拎:我和自己:有過裂痕之後, 關係會更加好嗎?
我有機會嗎? =/

Song of the Day:
"I Love Being Here with You" ~ Peggy Lee