Blah 試身 Blah 吸塵

10:45am 出門口去會合CMJ, 俾媽咪藐爆左(可能佢嬲我唔車佢?!). 唉~
還好, 無遲到.
大家本來打算去飲茶, 點知等位等到癲, 又唔似媽咪咁有D 人面廣的buddy 可以留定張檯, 所以只可以改去茶餐廳.
原來平日我可以輕輕鬆鬆同ATS 去飲茶, 唔駛等位又有good food, 都幾係一個privilege.
話說回來, 間茶餐廳D 野又幾好食喎!

哈哈, 原來VeLa 同MAG 都有點PT feel 架喎! 睇怕我地都好難憑藉long d 跑出喇!
好得意, 大家見到我同家姐同時間出現, 都好似好開心咁~ 真係似樣的, 唔講得笑.
連笑人的性格都似, 真係要以彭氏宗親會的名義喺"社團簡訊" 出段致歉啟示先得!

去左CapViv 之前推介的鋪頭睇婚紗, 雖然有點失望佢地無exactly 我中意的款式, 但今日終於平生第一次嘗試將件婚紗著上身!
哎呀, 蝕晒俾CMJ 添! :p 希望無"bid" 晒D 肉出嚟影響市容啦!
原來我是個巨人, Size 6 to 8?! 咁大隻?!
感覺很棒; 但我估我個樣係唔襯婚紗的 - 格格不入嗎?

兩日之內兩次踩入西溫, 依個JY 都算唔話得啦? :) 無辦法啦, 我去邊都唔識路, 所以當要去一D 我識路嘅地方的時候, 我仲唔爭住做司機咩?
唉, 西溫的Caper's 竟然執笠囉! 食唔到chocolate tart 添! 幸好上次都食左lemon tart & (唔好食的) walnut tart. 話時話, 我都淨係去過依間Caper's 咋.
強力推介: Delany's Coffee!
還好臨崖勒馬決定唔去星巴克, 改去隔壁的Delany's, coffee 好好味! Cinnamon Bun 都好味啊! =)
去西溫散心/PT 真係開心, 又清靜又盛, 邊度搵?

今日終於目睹殘酷的現實: 住大屋如果唔請工人的話, 真係搵著自己嚟搞. @_@"
吸塵的話, 淨係吸basement 的牆角的蜘蛛網, 都吸左半個鐘有多. 無錯, 唔係吸地下, 係淨係吸牆角.
所以, 大屋唔係俾人住的; 大屋係俾有工人的人住的.

下次不如試下彈晒成首"我找到了" 啊! Plus, 執下D 譜啦, 亂成咁.

好在我一早已經決定左今晚唔番Elim 咋! 結果夜晚同爸爸一齊抬左部超重磅的舊電視番教會 - 終於做番一次乖女. 如果我一直係打算今夜不歸家的話, 這突如其來的request 一定令我好pissed.
留喺屋企食飯, 有機會同爸爸媽媽講下睇婚紗的成果, 至少等媽咪知道我唔係同CMJ 走左出去玩的(雖然都有少少).
又俾我知道, 原來媽媽當年結婚的時候, 特登由長髮look 轉形像變成短髮look 囉! *型*
我估, 佢兩個見到我留喺屋企, 點都會開心D 嘅. Glad that I made a right choice today. =)
哈哈, 如果我今晚番左Elim, 就斷正喺GoGo 同小環手上喇! :) 真係, 正所謂, 溫哥華有幾大丫?
嘻嘻, 真的很得體(雖然很"櫂忌").

一二事:
1. 原來Vancouver 有一間"CMJ Heating Ltd" 架! 哈哈哈! 今日見到架車幾興奮~
2. 有間越南餐廳叫做"郵局越南餐廳", 真係好難話唔笑囉! XD CMJ 叫我影低個招牌; 但我話, 人地越南人嚟架, 唔惹得架! (而家有D 後悔無影到)
3. 之後, 真係見到間餐廳隔嚟的停車場火燭囉! 都咪話唔邪! CMJ 的語氣: "好*驚*呀~"

Song of the Day:
"Happy Day" ~ 陳慧琳