**Evita 生日快樂** 大個女喇, 生生性性喇! =)

尋晚打算溫書, 不過最後都係抵受唔住睡魔嘅引誘, 無溫到書就訓左!
起身的時候有一秒閃過想請假, 當然無咁做啦!
點知原來係MNG (或"LoSai") 請病假無番工, 真開心~

Lunch time 無出去, 留左喺個位度溫書, 懶乖咁.
其實溫乜鬼丫, 由於上次missed 左半個lecture, 加上不嬲我自己睇書都係睇唔掂的, 所以拎住D notes 喺度flip 下flip 下都唔知做乜, 處於90%放棄狀態. 心裡已經盤算究竟個quiz 會值幾多分呢?
由於MNG 不在, GLW 又係4pm 放工嘅, 所以今日我嘅last hour 勁free!
本來打算溫書, 不過都係無乜心機, 所以開始執下我擺snacks 果個drawer, 先發覺原來裡面的snacks 已經俾我清晒喇! *oo* 有點surprised, 因為我成日以為裡面有好多野的. Anyway, Belgium chocolate 係時候出動了吧! 嘻嘻~ *THANKS*

放工後趕頭趕命"chur" 去Langara, 去到之後喺WSB 裡面作無謂的掙扎.
入到Lab 裡面之後, 仲好鬼"姿油淡定" 咁喺度上MSN, 完全一D 作戰意識都無.
老師如常寫左個class plan 喺黑板度; 咦, 無寫到話要quiz 喎!!
嘩哈~ 原來老師真係打算postpone 個quiz 啊! 原因不明, 我估係因為佢自己都覺得上次無交代到究竟個quiz 會係點, 淨係臨放學的時候叫我地睇Ch.7 預備下次quiz. 可能過去的一個星期佢收到如雪花飄落的emails 吧? He's a good guy. 不過, 到下個禮拜的時候, 變左要quiz Ch.7&8 喇! 死梗.
做了細心同學, 介紹我買二手書的website 給我不太熟悉的同學們.
繼續十分有趣的課堂, 今晚講HTML, 勁開心! 之前憑我極度有限的knowledge 去edit 依個Blog 的template, 見到好多codes 都唔明嘅! 當然而家大部分都仲係唔明啦, 但我估都好左少少掛? 很有那種"啊!" 的感覺. =)
Re-take 依個course, 其實都不算差啊!

放學之後同楊小黎兩個去"金遙" 打冷; 無左VeLa 喺度真係驚驚地! @_@" 隔嚟台雖然真係有食蟹, 但人地都算係一家大細丫, 小黎妳又駛唔駛咁驚啊?
終於食到粥, 不過, 遲了兩天. Sorry~

回程的時候眼訓到呢... 喺Hwy 1 上面飛馳的時候, 雙眼快要合上. Thanks God, 最後都平安番到屋企.
行下路真的好慢啊?! Poor gal.

不經不覺原來我已經番左嚟一個禮拜lu. 時間突然間又飛起來 - after 1st week of 楊小黎's trip.

未能as promised 臨訓前send file 比D 組長, 100,000 個對不起! 太累了...

Song of the Day:
"Lazy" ~ Suede
我的主題曲嗎?