尋晚眼訓到懵左, 11 點幾就已經訓左, 不過今朝起身都仍然係勁"支力". 幸好依幾日都會忙到抽筋, 所以我先堅決無請病假. 好早就番到公司附近, 去左Solly's 坐... and 打機... 沉迷到呢~ (仲差D 遲到添!)

今日第一次有auditor approached 我, 仲要係朝早9 點幾我都未訓醒的時候!! =_=" <- 我exactly 係用對咁嘅眼望住佢囉! 結果到今日放工我都未整理好D 資料俾佢. 哎呀, 其實好鬼驚, 我實唔識答佢D 問題架喎... =/

今日水深火熱之際, 老細都仲要點我做D 無聊野... Eh... Leave me alone 好嗎?

見到其中一個auditor 勁chur 煙, 令我諗起好學生vs 好孩子. 小學的彭盈姿同學都算是個好學生, 我亦自覺係個好孩子, 所以小時候, 在我心目中, 好學生= 好孩子. 到讀中學的時候, 這信念開始有點動搖. 到讀大學的時候, 簡直完全崩潰. -_-" 其實我一直以來好多beliefs 都係錯的; 唉, 蠢.

唉... 真係要坐到勁後呀!!! =( 100,000 個SAD; wanna cry.

Sheffy 口中的現代版"執字粒":
"對一般人黎講, 寫Blog可能係好簡單, 但係對我黎講一D都唔容易。自己想用中文寫Blog (覺得比較有親切感^^), 但係又唔識打中文woh, 結果用左最蠢嘅方法: 由其他中文網頁copy & paste。真真係粒粒皆辛苦ga, 所以唔好話我每日寫得甘小或者寫錯字啦...可能真係要學下打字或者買個手寫板 =P"
... 朱總, 你係得嘅! 令小魚羊5 體投地!!

今日同朱總講電話的時候, 講到某一句, 打算唔用"果壇野" 嚟形容, 但係我諗左3 秒都仲係諗唔到有乜野phrase 去代替! "果樣野"? '果件事"? 好似無論邊句都硬係唔係好表達到咁; 我估我中文越來越差了.

今晚做左handygal, fixed 左綠色jacket 的鈕, 換左燈泡; 都算productive 啦.

Sorry 呀, 唔記得左綠茶cheesecake. *oo* 不過都仲好好味! 1000 thanks!

Wedding 壇野繼續逐少逐少有眉目. Thanks God & thanks for your prayers.

今日好疏遠呢... 為6 月做好準備嗎? =( 無PT, 咁係咪無messed up 呢? 俾心機, 仲有4 日咋, 捱埋佢!

而我, 聽晚就開學喇! 淨係諗起從公司渣車落去Langara 的路程, 已經無晒心機. 都話咯, 基本上公司附近方圓10km 嘅路, 全部都係陷阱嚟架! 慌死整唔死我咁. x_x"

Song of the Day:
"出生入死" ~ 何韻詩
今日繼續聽依隻碟(Sheff's pick).
哈哈, 係啦, 唔知點解一唱hocc 某D 歌我就會自動變聲?
不過從來都無人話過我架...