聽左少少903 頒獎典禮. 原來好多歌手都係Christians (雖然有D 估佢地唔到), @least 佢地會喺領獎的時候講"感謝天父" (well I guess it takes some guts to do that). 幾好丫, 喺HK 可以好多機會見證神 - um, I guess it's a bit easier than in Canada, where sometimes you can't even say what you are standing for. 不過林夕& Mark Lui 成日喺度揶揄D 講"感謝神" 嘅歌手, 衰! :p

無知的我, 到而家都唔清楚, 究竟D 歌手事先知唔知道自己得獎嘅呢? 如果唔知嘅話, 點解佢地又會知道領獎的時候唱邊首歌& 唱邊段呢? 我想知.

如果我係陳奕迅/ 古巨基嘅話都幾無奈, 個個頒獎禮上都拎咁多獎, 而D 獎又係差唔多嘅獎, 次次都要講一段致謝詞, 都咪話唔辛苦.

*Canto-Pop*
其實點解大家一直都踩Canto-pop 踩得咁犀利嘅? 係D 曲唔好聽? 詞填得唔好? 編曲唔好? 唱得唔好? I really wanna know... 其實外國嘅歌都唔一定好聽嗟! 前一排我聽Robbie Williams 之前隻碟"Intensive Care", 都係好普通咋播! 如果真係要話差, 我覺得90 年代HK 流行曲就差左少少囉, 勁多改編歌咁. 但係, 其實近年來HK 開始有好多創作歌手, 又作得又唱得又彈得, 其他嘅編曲人亦有唔錯嘅表現丫! 點解大家仲硬係好似好harsh 咁嘅呢? 其實有時D 野都唔駛咁認真嘅(7 號仔之言), "娛樂文化" 嘛, 如果太高深, 又未必適合所有人. 有D 野, 你話佢膚淺, 但係可能好迎合某一D 人. 好似電影一樣, 到而家我都唔會識欣賞王家衛D 戲架播; 但可能某時某刻我想睇套笑片輕鬆下, 我都希望會有一D 戲迎合到我. D 人話流行曲成日講情情塔塔, 但我相信某些時候某些人總會需要一D 咁嘅歌. 不過當然唔可以全部都係某一類歌啦, 我都同意LMF 講, 大家應該多D 留意身邊發生嘅事. 哈哈, 講到尾, 其實我咪就係膚淺果班人囉!

加拿大至Hit中文歌曲排行榜 06年度全國樂迷投票結果公布:
全國推崇男歌手 (粵)：陳奕迅 (國)：周杰倫
全國推崇女歌手 (粵)：容祖兒 (國)：蔡依林
全國推崇組合 (粵)：At17 (國)：S.H.E. (我有份投架! 哈!)
全國推崇男新人 (粵)：關楚耀 (國)：曹格
全國推崇女新人 (粵)：泳兒 (國)：周筆暢 (我都有份投架! 哈哈!)
全國推崇新組合 (粵)：Sun Boy'Z (國)：飛輪海
全國推崇作曲人 (粵)：金培達 (國)：F.I.R. 阿沁
全國推崇作詞人 (粵)：林夕 (國)：方文山
全國推崇唱作人 (粵)：張敬軒 (國)：周杰倫
(唔知點解李宇春算係2005 年新人, 但係周筆暢卻係2006 年?)

***************************************************************
又生粒粒! 今次仲要喺嘴角! 勁SAD!!

原來, 人肉收音機都總有用處, with all those new perspectives learnt. Will I ever be the one who is able to impact people in all these different ways? I wonder... @least I know I'm unable as of now. :(

Song of the Day:
"徐想曲" ~ 徐小鳳
小鳳姐好勁啊! ^_^"