特登早左成個鐘起身, 因為要行番去隔嚟街救番黃小寶. 結果, 拚了整個鐘頭的命先可以成功脫身. Regan 街都唔知係乜野鬼地方, 竟然成個鐘頭裡面無人出門口番工/ 番學, 可以經過幫我一把! 知道嗎, 那get stuck 的感覺真的很難受. 已經用盡一切辦法, 剷雪, 擺carpets 喺D 轆前面, 入前波入後波, 但係架衰車真係可以半吋都唔move! It's such a piece of crap! 有時根本個轆已經狂轉轉到磨走晒D 雪, 已經開始磨到地面, 但係都仲係move 唔到! 剷車底D 雪, 剷到雪剷爆了, 車身D 油又剝落, 但又有乜用? 踩油踩到7000 轉先至勉強上到條唔係好斜的斜路, 你話架衰車搞乜鬼?! 勁sad... 不停在想究竟我仲要stuck 幾耐, & 究竟我要用幾多錢去換呔整車. 醫番都晒藥費. 幾日之內我入左$45 油, 結果只係行到250km!! 究竟做緊乜啊拜託?! 勁想喊.

謝謝組長熱情的款待, 可以俾我沖喜下.

將近番到屋企, 如果唔係聽朝要車媽咪去做Physio, 我一定會將架車泊去老遠但無咁多雪嘅地方囉! 但係為左媽咪, 我要泊架車近屋企D, 搞到我調頭的時候又stuck 左! 仲要係stuck 左喺韓國人門口條driveway. 當時已經係凌晨一點喇... 過左大概20 分鐘左右, 叫天不應叫地不聞不之際, 對面屋個鬼仔番屋企, 見到我依個無助的白痴, 拔刀相助幫我推車, 然後就搞掂左. 勁感動. 原來佢就係媽咪成日提起的"Andrew"; 嘩, 望落去都幾佬下, 但其實佢好似同我差唔多年紀架播! 可能真係Asians 個樣young D 啦.

又生粒粒, 好sad.

Song of the Day:
"原地轉" ~ Juno
無錯, 又係依首. 抵死在黃小寶got stuck 的時候我真係聽緊依首歌.