好多野想講...

繼續幫Ms. 笑裡做野, 但我覺得自己真係越來越無愛心, 越來越唔中意佢咁, 唔想咁樣. 今日佢想show D 野俾我睇, 我跟住佢後面去佢張檯的時候, 我竟然覺得自己有少少嘴miu miu 咁樣! 開始覺得自己D 態度好有問題... "I don't like her altitude (s.b. "attitude")!" ... me neither... 應該用愛心去包容佢, right? 但又唔知點解內裡硬係覺得佢好假好討厭... :(

雖然尋晚覺得Alegria 唔好睇, 不過今日都帶左隻soundtrack 番公司聽. 真係好好聽! 不枉佢仍然停留喺我嘅Top 10 List 裡面.

又去左Holiday Inn 食buffet lunch, 又話減肥... 仲要撞正今日又係星期三, 所以D 食物同上個禮拜歡送Josie 的時候基本上係一樣嘅. 貼$$ 買難受? (咁樣講好似比較折墮:p)

上一上堂先... "High Class 101"... 咁多年以來, 今晚終於明白到點解梁昌平時雖然有時都cheap cheap 地, 但總係能夠喺別人心目中(@least, Cathy 心目中?) 建立到一個好高檔的形像, 無知的我就好似突然間開竅了. Case Study: 明明一個用$60 去電嘅爆炸頭(which is 係好抵, for the quality at such a price), 當有人問"係咪好貴呀? 幾多$$ 呀?" 的時候, 原來你只要答"Eh... Eh... Okay 啦!" 嘅話, 就可以營造到你係用左$100+ 去電依個頭! 剎那間知道實情的魚羊實在佩服得5 體投地, 無言以對. 不過, 一向以執到平野為榮的我, 都好難可以轉型架喇! 仍然係用正價買野都俾人當特價咁啦. Anyway, 又學到野播!

戲肉... 10 年來對Phantom 的情意結, 今晚終於燦爛地解開了. 原來, 我都可以好精於一樣野架! 原來, 10 年的功力, 足以令我可以記得90+% of 所有對白. 今晚去現場睇的時候, 就似將聽左10 年的CD 版, 從聽覺延伸到視覺, 以至其他不同的感官. 從前的我只可靠幻想去想像劇裡面不同的情節, 偶爾亦會問問暉仔問問何瑪究竟某D scenes 係點樣嘅(and that's why I knew the use of 乾冰). 不過, 當幻想當knowledge 當記憶全部活現眼前的時候, 那感動真的不能言喻. 故事裡Phantom 將重重機關安置在歌劇院內, 現實中歌劇的舞台也佈置得機關重重, 令人目眩. 就算係一舊雲, 相信也總會被舞台設計所吸引吧! 不太懂評論歌者的聲線與技巧, 在我看來當然是bravo 的; 還有那隊orchestra, 我覺得現場的時候真的會好難夾(尤其是跟歌者), but of cuz they did a great job. Raoul 的聲線像極CD 版裡面那位仁兄; Phantom 的話, 首選當然仍然是Michael Crawford. 全場也把身挨前觀看的我, 散場後竟有虛脫的感覺. 心願成全, 10 年未晚; 又或者越是期盼得長久, 越是來得震撼. $87.15 的ticket, 罕有的讓我覺得昂貴卻又覺得抵. 曾經蠢得以為用$8 去Rogers 租電影版來看可以償還心願, 但那實在差得太遠了; 雖然電影版可以將吊燈掉下那幕拍得要幾誇有幾誇, 但整體來說卻是很悶(始終Phantom 的故事其實極之老土). 舞台上, 沒有誇張的特技, 沒有電腦的協助, 歌者的演出卻是如此牽繫人心, 笑位也是如此自然如此簡單. 突然想起在HYS 的時候, 每年也總要去聽一個音樂會然後寫一個報告去fulfill 音樂堂的requirement. 當時只會將它當作一年裡面難得同朋友仔出街的機會, 從來也沒有真正enjoy 過那些演出. 可惜時光不可倒流. 寫得很亂, bear with me, 我實在太興奮了.

回程的時候, 想著怎麼我會等了10 年. 然後就發覺, 自己賺$$ 有財力的時候, 就可以兩年內番兩次HK, 仲可以用$87.15 去完成一個10 年的心願. 原來$$ 又真係好重要的.

Song of the Day:
"Think of Me" ~ Christine Daae
聽過無數次的一首歌, 但今天晚上, 興奮加上感動, 聽著聽著, 我哭了.
Think of all the things we've shared and seen
Don't think about the way things might have been
... Imagine me trying too hard to put you from my mind
... If you ever find a moment, spare a thought for me