**梁昌昌生日快樂** 欠你一餐.

今日唔係行左好多路, 但食左好多野.

尋晚本來打算唔訓, 希望一直頂到5 點幾然後開始裝身, 跟住去彩虹pick up 支saxophone, 然後再去Eaton 酒店. 可惜, 往往都事與願違: 尋晚我當然抵受唔住睡魔的引誘, 訓左; 本來打算5 點幾起身, 點知遲左成個鐘, 6 點半先起身! 雖然總算準時去到酒店, 但就苦了我(容後再談). 將我嘅第一次(做"姊妹") 獻俾Big Bean, 對我嚟講真係別具意義. 雖然之前搵紅盆搵左好耐, 今日又要勁早起身, 但我覺得實在係我嘅honour! 接新娘好好玩好好笑, 雖然我乜都無做過, 淨係負責企喺後面起鬨, but that was fun enough for me. Wendi 真係好適合做姊妹領班的角色, 好得! 認識了從Toronto 飛過來參加婚禮的Jane, 把聲同hocc 有得揮, 哈哈! "啊, 你就係吹saxophone 果個..." -_-"

接完新娘之後, 本來大家一齊去對面的酒樓食lunch, 但我就要趕頭趕命的飛番彩虹拎saxophone; thanks God 路上一切順利, 而最後我竟然趕得切番到去Eaton, 簡直可以拍成MI:4! 不過Grandma 以為我話番嚟食lunch, 煮左我飯:( 謝謝Carolina 的細心, 特登幫我packed 左lunch box; 不過大家應該幫我pack 埋男家封利是嘛!

很早去到婚禮會場, 很緊張, 因為好快就要獻奏/ 獻醜了. 丹青didn't arrive until 2:10, 但佢要同領詩哥哥練, 又要同ACM choir 練, 仲要同我練, 搞到我好怯. 好在最後都有時間run 左一次; 不過喺
咁多人面前練習, 我總覺得尷尷尬尬的. 到婚禮正式開始, 望住Big Bean 步入教堂, 有種不能形容的感動. You know, this time is the closest friend of mine who is getting married!!! 稱得上歷年來最感動最令我投入之婚禮. 然後, 到獻奏了... 一如所料, 撻左Q! :p 好奇特地我竟然撻左一個好穩陣& 我從來都唔會撻嘅音! 反而有幾個高危嘅音就完全無事囉! 雖然都因為撻左Q 而唔開心, 但問心, 我覺得我今次係咁多年來吹solo 吹得最好最放最投入的一次! 可能人大了, 感覺多了, 開始識得演繹得好D 放D. Bean, I've given my BEST to you! :) 最開心都係有人讚, 哈哈! 勁虛榮:p 雖然為左今次獻奏搞出好多麻煩事, 我又要拎住支saxophone 四圍走(turns out 係, 我發覺如果我一開始就帶自己果支番嚟會方便好多好多, even 要拎住佢上機/ 轉機!); 不過, again, this is my honour! 大家都繼續問我有得同丹青合奏係咪好開心; the moment you let go of it, is the moment you'll get more. Bean, we should do Ah Guy's song again!! 原來Simon 就係果陣我覺得有D 似單立文果位哥哥仔; 原來子華有紋身喺隻腳度. ACM 嘅人真係幾奇特.

婚禮之後, 成班ex-joshua 人包晒成架綠van 去火車站, 我估個司機都頂我地唔順, 嘈到拆天! 然後大家一齊搭車, 一齊喺荷李活廣場度hea, 好開心. 開心係, 大家竟然可以咁多年之後為左同一件事聚番埋一齊, 真係好難得. Bean, 你真係好好人緣啊!

婚宴上我乜都唔駛負責, 好輕鬆, 終於可以享受Big Bean's BIG DAY. 原定目的令Bean 喊的心底祝福話環節, 我未開口就已經喊到*oo* head 咁喇! 唔知呢, 實在太感動喇... Sometimes I do think that I might not be the best friend of Bean though I'll treat her as the best friend of mine. Yet, maybe I'm a more sentimental gal than the other friends of Bean so there are many of these 感動位. Anyhow, I treasure these moments.

全日直至夜晚敬酒的時候先見到Daisy 嘅媽咪; 見到佢喺D 朋友身邊笑到40,000 咁口, 我好戥佢開心, 但又唔知點解暗裡有種心酸的感覺. 我想她為了今日也忐忑了很久吧!

第一次喺婚宴留守到最後, 係等到新娘落埋裝換埋便服戴埋0-0! 超好笑囉, 美艷的新娘子剎那間變了大嬸! 整晚好似好陌生的"新娘" 突然間又變番我平時所見的"Daisy", 很奇特的感覺. 不過, 正如酒樓個阿姐所講, 你化唔化妝都咁靚! 哈哈! 陳生陳太, have a GREAT night, hohoho!

謝謝上帝聽禱告, 尋日才是行雷閃電紅色暴雨警告, 今日雖然說不上晴朗, 但沒有行雷沒有閃電沒有暴雨警告, 只有零碎的雨粉. 信不信由你.

Again, 恭喜晒啊, 葉葉豆豆!

Song of the Day:
"姊妹" ~ 楊千嬅