思前想後, 連發夢都諗住究竟點同惡死SPV 請假好... 雖然預左唔番工, 但係都7 點幾醒左, 好緊張要打番去俾SPV. 最後, 用了大家都覺得非常愚拙的方法請假: 沒有扮病, 沒有講大話, 告了一天假. 如意算盤打不著, 蝕了, 也被人取笑了.

謝謝Mon 的morning call, 如果唔係我都唔知會訓到幾時(難道大家覺得爛訓的我打完電話俾SPV 之後會即刻起身嗎?). 雖然已經遲到, 但起程去Downtown 之前都特登去左韓國supermarket 買海膽刺身給我的貴賓(仲帶左私伙ice pack & soy sauce & wasabi 添!).

在酒店樓下擾嚷左一輪究竟番唔番上去拎Crew Pass, 最後Mon 話"NO"; 真可惜, 不聽魚羊言...

第一次自己渣車去北溫, 還算享受當中的車程: 獅門橋, 林蔭大道, 迂迴的山路... 我喜歡的. 似乎這個dummy Canadian 比身旁的HK 遊客更感興奮. 不算太長的車程, thanks God 我們平安到達; 身旁的HK 遊客睇地圖都有一手播! 第一站係Lonsdale Quay, 第一件事就梗係去買野食啦! 去果間鋪頭仔買生蠔& 蜆當然是少不免, 然後我地再買左muffin, mini scone, 仲有士多啤梨, 再加埋盒uni, 擺滿晒成張檯, 好似好多野食咁, 勁開心! 不過其實全部都唔飽肚的, 所以, Mon 臨走都買左條越南春卷. 見到一個大食& 為食過我嘅人竟然瘦足我兩個碼, 實在令我感懷身世.
滿懷期盼起程去Capillano Suspension Bridge & Grouse Mountain, 誰知這是失望的開始. 簡單D 講, 其實都係我嘅責任, 因為豬春的我唔知道原來依兩個景點都係唔入場就完全無野睇, whereas 天真的我(們) 以為可以離遠望到道橋, 又以為可以離遠望到個雪山, 至少可以影到D 相咁. 結果, 重點出擊的旅遊點全是白行一趟. 對於下過功夫睇過地圖plan 過行程的我來說, 更見失望吧... 一年前印出來去小吊橋的directions 仍夾在地圖冊當中, 但我已經再沒心情研究了. 怪就怪自己蠢吧. 唔明點解次次都係咁. 下次記得帶Crew Pass 喺身.

回程的時候乘客睡得很熟. Poor gal (who?). 機警聰穎加細心的我就梗係問下Mon 駛唔駛take a nap 先再去Metrotown 啦! 達成共識之後, Mon 番去酒店訓覺, 而我就四圍游蕩順便入油. 蕩左去唐人街, 買唔到漫畫, 不過用$10 喺MAL 買左隻LMF x 其他人嘅album. 無無聊聊無家可歸的我忽發奇想, 不如我乾脆泊架車去Metrotown, 然後搭skytrain 去Downtown 搵埋阿Mon 再一齊搭番skytrain 去Metrotown, 又有旅遊意義又唔駛遇著放工時候塞車, 暗地裡自以為好醒:p.

自己搭skytrain 去Downtown 的過程係興奮的. 拎左久違了的MP3 機出嚟聽, 聽著本人極之喜歡的"純真傳說" (就梗係唔係Aaron Kwok 果首啦!), 欣賞沿路的風景, 嘗試從skytrain 的角度去望下我每一日渣車番工行果條路, 感覺好唔同.
Skytrain, 快捷又方便, 15 分鐘的車程將我從Metrotown 帶到去Downtown. Sleeping Beauty 雖仍在跟Old Chow 約會, 卻也專程到lobby 迎接我, 實屬萬幸(雖然有人好mean 咁半夢半醒問左我一句: 無人搭'車立' 咩? -_-"). 無所事事的我, 多謝Mon 出示NEC 相助. I'm bad & cheap... 唉.

強逼眼訓的人去搭skytrain 著實不是明智之舉; 哈, 又係咁... 其實我想知道問題出自哪裡? 我想是因為人而不是因為事吧. 逼了一輪車終於到左Metrotown 會合打算整蠱我的麥嬸嬸, 一齊去成個trip 的重點: 食sushi (yeah!). Sushi Garden 也真夠厲害, 排長龍不特只仲讓我撞見好多識嘅人, 哈哈, 又又又見到"100/100 couple", 有緣到爆. 仲見到Arthur 同Benny 仔. 終於正正經經坐低食番餐好味的Japanese food, wish you enjoyed it. My cheap gag: 為你而'切' -_-". Crap. 多謝麥嬸嬸問埋晒D 阿Mon 唔識答的問題; 其實我地疏離的關係不用再額外給emphasized 的. 或者從頭走一遍我地會close D. But I guess more likely we won't, at all? 要細數的話, 人生總有很多遺憾. 這個旅程註定要令Mon 失望的. 沒有特價的Diesel tee, GAP 也沒有比較好看的貨色, 可幸買到比較似樣的Smoked Salmon; 哈哈, 竟然係由你教曉左我, I'm such a dumb ass.

返酒店的路上我自顧在麥嬸嬸旁邊嘮嘮叨叨, 冷落了後座的乘客, 很過意不去.

麥嬸嬸的踴躍, 換來了Mon 的踴躍, 結果3 人逼入了單人房. 失禮晒. 謝謝.

下文... 已經講過$2.50 的Magarita 很抵飲. 謝謝麥嬸嬸出錢出力. 回程半醉半睡的駕車, I'm glad that I'm home.

黃Mon 又來了又走了. Cheap 精的我在盤算其實我係咪無需要躊躇咁耐去請依日假呢? 又或者可能請半晝已經好夠. Too bad, 又係咁, 宿命論. Thanks Mon for the "No Protection", and of course, for the seafood meal. And my apology, couldn't look for the beautiful sakura with you. See you soon, my friend.

知道了又如何? What good can it do?

Song of the Day:
"Yellow" ~ Coldplay
For you I'll bleed myself dry