醜婦終需見家翁, 病人終需去番工. 勁wing 勁wing 地渣車, 竟然平安番到公司, 真的感謝主(仲有時間去入埋油添!). 不過, 成朝都頭暈暈眼花花咁, 頂到半晝都實屬僥幸. 可幸有"體貼"的梁昌昌千里迢迢出嚟陪我食lunch, 食完野之後果然充滿力量, 成個人都醒左好多, *THANKS*.

番左工年半, 最勤力都係今日喇! 留到夜晚7 點幾, 破左自己紀錄. 可惜, 最後都未開始做勁難做的Account Reconciliation, 好驚, 今次真係唔識做... :( 留得夜都仍然要thank God, 因為出奇地今日收到email 通知我有張access card (之前係要俾deposit 先有嘅), 我初初都以為唔係咁大用途. 點知到我今晚咁遲走先發覺原來唔知幾點之後, 搭電梯時要用access card 先可以去到你想去的層數. 到我走的時候, 我最初都無拎埋張card, 點知淨係可以去到lobby. 去到lobby 時仲死, 又上唔番去又落唔到car park, 最後唯有行四層樓梯上番去office 拎番張card! 對一個病人嚟講, 行依四層簡直行到我斷氣咁滯! #_#" 最後擾嚷一輪先可以順利去拎番我架車... 又會剛剛今日收到email 話我可以拎張card, 又會剛剛今晚我留到咁夜; thanks God for His provisions!

MSN 的時候竟然發現有知音人聽緊Broken Social Scene, 喜出望外.

Good News of the Day:
倩姨3 月過嚟呀~~~~~~~~~~ :D (然後, 我先醒起, 我之前好似miss 左倩姨嘅生日...)

Song of the Day:
"偷窺" ~ 林保怡x 劉美君
點解林保怡以前唱歌好聽過而家咁多?!