一早起身聽到收音機播"同步過冬", 即刻成個人精神晒! 我真係幾中意依首歌, 係成班friends 一齊唱K 的精選金曲, 而且大家通常會爭住扮阿Paul.

Lunch time 同左Shirley, Annie & Vera 去Tim Horton, 個配搭幾特別. 我番左工已經more than 一年喇, 但今次都只係第一次同佢地食lunch, 都好過無嘅, 趁我臨走:p. 個飯局比較靜侷, 唔知佢地平時係咪都係咁樣無乜野講嘅呢? 定係我平時同梁昌太多野講太嘈? 聽日好似仲會一齊去飲茶添, 真係開心, 哈哈!

飯後的下午都唔算太難撐過, 因為我唔知點解無啦啦諗起喺協恩的時光. 對手好悶咁打緊字, 但係個腦就好enjoy 咁諗緊其他野. 簡直係multi-tasking 的最佳示範人選. 今日只係諗到去Form 2 尾, 仲有3 年留番第日再諗. 有好多野都仲係諗唔明, 不過, 算啦, 我估除左我都無人想再考究. Um... 成日都構思想喺個Blog 度介紹下我所愛的朋友仔們, 不過都仲未有心機著實去寫. 搵日丫.

終於拎左架車去整. 自己都頂自己唔順, 每半年就去一去"車城"(touch wood!) -_-". 唔知點解D Courtesy Car 一定係咁嘅味? 希望快D 整好, 仲有人幫我洗埋車添, 哈哈!

我想放棄教一年級生, 吃力不討好. My ill fate.

Song of the Day:
As promised: "食懵你" ~ 周國賢
一見到個歌名, 就估到D 歌詞有幾草根, 當然係比我個草根Blog 更草根.
好中意首歌好80 年代feel, 由前奏到verse, 編曲同埋樂器配搭都營造到80 年代的跳舞曲風(好似講得好pro 咁=_=").
去到chorus 的時候就"正常"番少少, chorus 的melody 唔差, 由verse 轉落去chorus 個位幾正.
之前成日都覺得周國賢D 歌好周國賢, 就好似周杰倫D 歌好周杰倫一樣. 依首算係一大突破, 唔錯.
不過D 歌詞就真係"親民"左少少:
"食懵你" 作曲/填詞/編曲：周國賢(又係勁wor!)
一早起身跑步　然後發覺我對鞋爛到
返親工都感冒　全日對正冷氣位個窿
天光天黑都做　唔係點樣有錢炒碟餸
連日嚟日做夜做做到　背脊嚿大肉勁痛　要貼埋石膏布
好想放假唔做嘢　全日要嚟滑水　但我已經無乜薪水
Chorus: 要買車　然後放假通街鍊下車
食雪茄　飲香檳租大艇
求其大屋有兩萬尺　其實未夠擺到晒平日嘅跑車
懷念曾經係天台隊下啤　劈到好醉幻想係航機上奇遇空姐
不過我原來第朝一起身(又)要做嘢
天光起身洗襪　唔係會醃到對鞋勁臭
出街飲杯蔘蜜　唔係會爆好鬼多暗瘡
趕返公司開閘　原來公司放緊休日假 哎呀